राजेश चड्ढ़ा.
बुल्ला की जाणा मैं कौण।
ना मैं मोमन विच मसीतां,
ना मैं विच कुफर दीआं रीतां।
ना मैं पाकां विच पलीता,
नाम मैं मूसा ना फरऔन।
अर्थात
कौण जाणदा है कि मैं कौण हां। मैं ना तां मुसलमान हां अते ना ही नास्तिक हां। मैं ना ता पवित्र हां अते ना ही अपवित्र हां। मैं ना ते कोई पैगम्बर हां अते ना ही अहंकारी राजा। मैंनूं नहीं पता कि मैं कौण हां।
सत्रहवीं-अट्ठारहवीं सदी विच पंजाब दे प्रसिद्ध सूफ़ी संत अते कवि बुल्लेशाह दी ऐसे तरहां दी बाणी ने हिन्दू-मुसलमान अते सिक्खां दे दिलोदिमाग़ विच थां बणा लयी सी। अनुभव अते ज्ञान दे बादशाह इस सूफ़ी फकीर ने रूहानियत दे शिखर ते पहुंच के हज़ारां-लक्खां लोका नूं अपणा साथी बणाया। बुल्लेशाह ने समाज दे कोने-कोने विच भाईचारक सांझ अते प्यार दी लाट जगौण दा काम कीत्ता। उन्हांने हमेशा सच दी वकालत कीत्ती। बुल्लेशाह कहंदे हन-
मुंह आई बात ना रैह्नदी ए।
झूठ आखां ते कुझ बच्चदा ए,
सच्च आखयां भांबड़ मचदा ए,
जी दोहां गल्ला तों जचदा ए,
जच जच के जिहबा कैह्नदी ए।
अर्थात
मूंहो बोले बोल रुकदे नहीं। जे मैं झूठ बोलना हां ते कुज बाच जांदा है अते जे मैं साच बोलना हां ते तूफ़ान आ जांदा है। ऐस लयी मैं जो वी कैहणा है बहोत ध्यान नाल आखदा हां।
बुल्लेशाह ने धर्म दे नाम ते कर्मकांडां अते अंधविश्वासां दा खुल के विरोध कीत्ता अते इन्हांनूं इक तरहा दी कैद केहा। सांई बुल्लेशाह कहंदे हन-
मैं बे-क़ैद, मैं बे-क़ैद,
ना रोगी, ना वैद।
ना मैं मोमन, ना मैं काफ़र,
ना सैयद, ना सैद।
बुल्ल्हेशाह दी ज़ात की पुच्छनै,
ना पैदा ना पैद।
अर्थात
मैं किसे कैद विच नहीं, किसे बंधन विच नहीं बझा।
मैं ना तां रोग दी कैद विच हां ना ही बैदां दी कैद विच हां। मैं ना तां विश्वासी हां अते ना ही अविश्वासी हां। मैं ना तां सैयद हां अते ना ही सैदा हां। बुल्लेशाह दी होंद बारे क्यों पुच्छ रहे हो, ओह मौजूद नहीं है, ओह गुम है। ना जमेया है अते ना ही पैदा होवेगा। ओह आवाजाही तों मुक्त है।
-लेखक जाने-माने शायर और आकाशवाणी के रिटायर्ड वरिष्ठ उद्घोषक हैं
