राजेश चड्ढ़ा.
पाँज सौ तों वी वध साल पहलां, जदों गुरु नानक देव जी अपणे मिशन ते निकले, उन्हांने संगीत दे नाल परमात्मा दा गुणगान कीता। ऊह जित्थे वी गये, सुणन वाले गुरु द्वारा गाये गये विलखन भजनां दे नाल नाल उन्हां दे साथी मुसलमान भाई मरदाना द्वारा बजाए गए संगीत नाल वी मगन अते प्रभावित हो गये।
भाई मरदाना गुरु नानक देव जी दे नाल ठंडियां पहाड़ियां अते गर्म मरूथलां विच यात्रा करदे रहे। भाई मरदाना गुरुनानक देव जी तों दस साल वड्डे सन। उन्हां दे माता-पिता नें उन्हां दा नाम दाना रखेया। आप जी दे पिता भाई बदरे नाम दे इक मिरासी मुसलमान सी अते माता दा नाम बीबी लाखो जी सी।
ऊह अपणे माता-पिता दे सतवें बच्चे सन, हालाँकि, पहले छे बच्चेयां दी जन्म समय ही मौत हो गयी सी।
क्यूंकि ऊह इको पिंड विच रहंदे सन, इस लयी भाई मरदाना अते गुरु नानक देव जी बचपन दे दोस्त बन गए। भाई मणि सिंह जी द्वारा लिखी गयी जूना साखी अनुसार, गुरु नानक देव जी अते भाई मर्दाना दी पहली मुलाकात 1480 विच होई सी। इहे गुरु नानक देव जी ही सन जिन्हांने भाई दाना दा नाम बदलके भाई मरदाना (योद्धा) रखेया।
जदों गुरु नानक देव जी सुल्तानपुर गये तां गुरु नानक देव जी दे पिता मेहता कालू जी ने भाई मरदाना नूं सुल्तानपुर जाके अपणे पुत्तर दा हालचाल पुच्छण लयी केहा। भाई मरदाना सुल्तानपुर चले गये, पर कदे वापस नहीं आये, उह उत्थे गुरु जी कोल रहण लग पये।
जदों गुरु नानक देव जी ने अपणे संदेश दा प्रचार करन लयी यात्रा ते जाण दी तैयारी कीती, तां उन्हांने भाई मरदाना नूं अपणे नाल बुला लेया। भाई मरदाना नूं उह चीज़ बख्शी गयी जो कोई होर सिख प्राप्त नहीं कर सकदा सी, उह एह सी कि भाई मरदाना ने अपणे जीवन दे चौवन साल गुरु नानक देव जी दे नाल बिताये अते उन्हां दे ज्ञान दियां गल्लां सुणियां।
भाई मरदाना नूं गुरु नानक देव जी दे सहायक होण दे नाल नाल उन्हांदे नज़दीकी, विश्वासपात्र होण दा विलखण मान प्राप्त सी। भाई गुरदास जी ने गुरु नानक देव जी नूं सब तों उच्चे स्थान ते रखेया है, जद की भाई मरदाना नूं दूजे स्थान ते रखेया है। उह कहंदे हन-
इक बाबा अकाल रूप दूजा रबाबी मरदाना।
यानी इक बाबा सर्वशक्तिमान गुरु नानक देव जी अते दूजे रबाबी संगीताकार मरदाना।
भाई मरदाना नूं रबाब नाम दा साज़ वजौण दी दात बख्शी गयी सी। भाई मरदाना ने अपणे आप नूं गुरु नानक देव जी दे इलाही अते पवित्र मिशन लयी समर्पित कर दिता। बिना शक उह, सिख धर्म लयी कुरबानी देण वाले पहिले व्यक्ति सन।
भाई मरदाना बहुत ही सादा, निर्मल, इमानदार अते मिलनसार व्यक्ति सन। उह बहुत उच्चे नैतिक असूल अते गुणा दे मालक सन। इक बच्चे दी तरहां पक्के इरादे वाले सन। उह अपणे अंदरुनी विचारां अते भावनावां नूं छुपा नहीं सकदे सी। हलांकी, उन्हां दे व्यवहार ने गुरु साहिब नूं कदे वी नाराज़ नहीं कीता, हमेशा उन्हां नाल प्यार, सनेह अते कोमलता नाल पेश आये।
जदों भाई मरदाना ज्योति जोत समाये तां गुरु नानक देव जी ने आप ही उन्हां दे शरीर दा अतिम संस्कार कीता। भाई मरदाना मुसलमान सी पर उह ज्यौंदे जी सिख बण गये सन अते नानक दे रगं नाल पूरी, तरहां रंगे होये सन। अज्ज वीं जदों कोइ गुरु नानक देव जी दी गल करदा है तां हमेशा भाई मरदाना दा नां पहले आउंदा है। भाई मरदाना सिख इतिहास दे पहले किरतनिये सन। अज्ज वी उन्हां दी रबाब साडे किरतनियां लयी प्रेरणा सरोत है। हर सिख अते किरतनिया, भाई मरदाना दे निस्वार्थ समर्पण, कुरबानी अते नम्रता नाल भरपूर जीवन तों बहुत कुछ सिख सकदा है।
भाई मरदाना दी अलग-अलग भाईचारेयां विचकार एकता अते समझ नूं वधौण दी विरासत, संगीत अते प्यार दी भाषा राहीं पीढियां नूं परमात्मा नाल जुड़न लयी प्रेरित करदी रहेगी।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
आपका अध्ययन काबिल-ए-तारीफ है भाई साहब 🙏🏻😊