राजेश चड्ढ़ा.
पढ़-पढ़ शेख़-मशेख़ कहावें,
उलटे मसले घरों बणावें,
बेइलमां नूं लुट-लुट खावें,
सच्चे-झूठे करें क़रार।
भाव है, की इह सच है कि पढ़-लिखे हो के तुसीं शेख कहौण लग पये हो, पर तुसीं सिर्फ़ अपने लयी ही उलटियां समस्यावां पैदा करदे हो। अपने ज्ञान दे आधार ते तुसीं अनपढ़ लोकां नूं लुटदे-खांदे हो अते उन्हां लोकां नाल झूठे-सच्चे वादे करदे रहंदे हो।
इह बेबाकी! इह साफगोई! इह हमलावर रवैया! भावना दा दबाव इन्ना तीव्र, कि लहजे नाल नाटकीयता साकार हो जाये! जो अपनी कहणी अते करणी दे कारण अपने जीवन काल विच ही मिथक बण जाए! इह पंजाब दी सूफी कवि परंपरा दा शिरोमणि शायर, बाबा बुल्लेशाह है।
बुल्लेशाह, इतिहास दे एक खतरनाक मोड़ ते निहत्था, पर मनुखी हमदर्दी नाल भरपूर, आदिम दृढ़ता नाल लैस, अति निडर, दिलेर अते सच्चा दरवेश-कवि सी, जिस दी हमलावर सोच अते सृजन दी मौलिकता विच आज वी इन्नी ताकत है कि किसे वी पाठक/श्रोता दे यकीन नूं परेशान कर सकदा है। बाबा बुल्लेशाह ने सूफ़ी लहर नूं नवां मोड़ दिता। उस दियां रचनावां पंजाबी कवियां दा हमेशा मार्गदर्शन करदियां रहियां हन।
बुल्लेशाह दे मुर्शिद शाह इनायत कादरी सन, जिन्हां नूं पहली मुलाकात विच ही बुल्लेशाह ने सिधा सवाल कीता-
साँई जी! रब नूं किंवे पावां ?
साँई जी ने प्याजां दी पनीरी लगौंदे, स्वभाविक तौर ते जवाब दिता-
बुल्लेया, रब दा की पौणा,
एधरों पुटणा ओधर लौणा।
आध्यात्मिकता अते धर्मनिरपखता दे इस सुमेल नाल अपनी उत्सुकता नूं शांत होया वेख के बुल्लेशाह ने केहा-
जद मैं सबक़ इश्क़ दा पढ़िआ,
दरिया बेख़ बेहदत दा वड़िआ,
घुम्मण-घेरां दे विच अड़िआ,
शाह इनायत लाया पार।
भाव इह कि, जदों मैं प्यार दा मार्ग अपनाया तां निरलिप्तता दा दरिया प्रगट होया, अते मैं उस विच छाल मार दिती। मैं मूर्ख इक भयानक भंवर विच फंस गया सी, पर मेरे मुर्शिद शाह इनायत ने मैंनू रस्ता पार करन विच मदद कीती।
बुल्लेशाह मध्यकाल दे क्रांतिकारी कवि सन। उन्हां दी शायरी अपने समय दियां तब्दीलियां दा शीशा है। अपने आध्यात्मिक विचारां अते तजुर्बेयां दी व्याख्या करदेयां उन्हां ने पंजाब दे लोक-सभ्याचार, इस दी धरती, भूगोल, जलवायु, कुदरत, वनस्पति, इस दियां नदियां, जंगलां अते ऋतुआं बारे विचार कीता अते अध्यात्मिक अभ्यास करदे होये उन्हां नूं अपनी रचनात्मक-प्रक्रिया विच शामिल कर लेया। बुल्लेशाह जड़ होंदियां परंपरावां दे कायल नहीं सन। उन्हां दा मनना सी कि परंपरावां केवल पाखंड ढक्कन दा काम करदियां हन। बुल्लेशाह ने अपने समय दियां सामाजिक-धार्मिक अते सियासी समझौतावादी स्थितियां ते खुल्लम-खुल्ला हमला कीता।
बुल्लेशाह दी भाषा तीखी अते तथा व्यंग्यमय है, फेर वी इह कवि बुल्लेशाह दियां मानवी कदरां-कीमतां नूं रुपमान करदी है। बुल्लेशाह ने पंजाब दी सूफी शायरी नूं नंवी सरंचना दिती है।
बुल्ले शाह अपने समय दे दूजे सूफी कवियां नालों वैचारिक तौर ते से वडेरे खुल्लेपन दे रंग विच रंगे होये सन।
बुल्लेशाह ने केहा वी है कि तुसीं बहुता पढ़-लिख गये हो, तुहाढे चारों पासे किताबां दे ढेर ही ढेर हन। इस लयी चारों पासे रोशनी है, पर अंदर हनेरा है। जे तुहाढे कोलों, कोई सच्चा मार्ग पूच्छेगा तां उसदा तुहानूं कुछ अता-पता वी नहीं होयेगा।
पढ़-पढ़ लिख-लिख लावें ढेर,
ढेर किताबां चार चुफ़ेर,
गिरदे चानण, विच्च हनेर,
पुच्छो राह ते ख़बर न सार।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
