राजेश चड्ढ़ा.
‘एह रब दी इच्छा सी कि मैं सारे धर्मां नूं इक अक्ख नाल वेखां, इस लयी उसने मैनूं इक अक्ख दी नज़र तों वांझा कर दिता।’
एह वाक सारे धर्मां नूं नाल लै के चलन वाले सिखां दे बहादुर योद्धा महाराजा रणजीत सिंह दा है, जिन्हां नूं आज वी लोक ‘शेर ए पंजाब’ आखदे हन। उन्हां ने हिंदुआं अते सिखां उते ज़ुल्म करन लयी मुगलां द्वारा इकट्ठे कीते जान वाले जजिया टैक्स नूं हटा दिता सी। रणजीत सिंह ने कदे किसी नूं सिख धर्म कबूलन लयी मजबूर नहीं कीता।
महाराजा रणजीत सिंह दा जन्म 13 नवंबर, 1780 नूं पाकिस्तान दे गुजरांवाला शहर विच होया सी। केहा जांदा है कि महाराजा रणजीत सिंह दे बचपन दा नाम बुद्ध सिंह सी। बचपन विच ही चेचक दे कारण उन्हां ने अपनी खब्बी अक्ख गंवा दिती सी। इस वजहों उह ज्यादा पढ़-लिख नहीं सके।
उन्हां दा कद बहोत उच्चा नहीं सी, पर उन्हां ने घुड़सवारी अते युद्ध दियां बारीकियां सिक्ख लइयां सन अते सिर्फ़ 10 साल दी उम्र विच उह पहली वार अपने पिता नाल जंग दे मैदान विच उतरे सन। इस युद्ध विच फतह हासिल करन तों बाद, उन्हां दे पिता महा सिंह ने उन्हां दा रणजीत सिंह नाम रखेया।
रणजीत सिंह दे पिता सुकरचकिया श्मिसलश् दे कमांडर सन, जिसदा हैडक्वाटर गुजरांवाला विच सी। पिता दी मौत तों बाद सिर्फ़ 12 साल दी उम्र विच राजपाट दा सारा बोझ रणजीत सिंह दे मोढेयां ते आ गया। उस समां पंजाब दे हाकम टुकड़ेयां विच वंडे होये सन अते उन्हां विच एकता नहीं सी। इन्हां समूहां नूं श्मिसलश् केहा जांदा सी। महाराजा रणजीत सिंह दी इच्छा इन्हां मिसलां नूं इक सूत्र विच पिरोन दी सी। इस नूं लागू करन लयी उन्हां ने अपनी फौजी मुहीम शुरू कीती अते 1799 विच चेत सिंह दी फौज नूं हरा के पहली जित हासिल कीती अते अपने 25 हजार फौजियां दे नाल के लाहौर उते कब्ज़ा कर लेया। जद महाराजा रणजीत सिंह किले दे मुख द्वार विच दाखिल होये तां उन्हां नूं तोपों दी शाही सलामी दिती गयी। उस तों बाद उन्हां ने अगले कई दशकां विच इक विशाल सिख साम्राज्य स्थापित कीता.
उन्हां नूं पता सी कि लाहौर एक मुस्लिम बहुगिनती वाला इलाका है। इस लयी उन्हां ने इक वी अजेहा कदम नहीं चुकेया, जो उस नूं अलग-थलग करे। उन्हां सारियां वड्डियां मस्जिदां नूं सहायता प्रदान करना जारी रखेया। इस दे नाल ही उन्हां ने एह वी स्पष्ट कीता कि उन्हां नूं मुसलमानां दे इस्लामी कानून दी पालना करन ते कोई ऐतराज नहीं है।
रणजीत सिंह 12 अप्रैल 1801 नूं पंजाब दे महाराजा बने। बैसाखी दे दिन उन्हां नूं एह ताज दिता गया सी। उदों रणजीत सिंह दी उम्र सिर्फ़ 21 साल सी। उन्हां दा तिलक, बाबा नानक दे वंशज साहिब सिंह बेदी ने कीता। महाराजा बनन तों बाद, रणजीत सिंह ने अपना दायरा होर वड्डा बनौन बारे विचार कीता। 1802 विच उन्हां ने अमृतसर अते 1807 विच अफगानी हुकूमत नूं मात देंदे होये कसूर उते कब्ज़ा कर लेया। उस तों बाद दे सालां दौरान उन्हां सतलुज तों झेलम तक दे क्षेत्र ते दबदबा बना लेया अते इक विशाल सिख साम्राज्य दी नींव रखी। महाराजा रणजीत सिंह द्वारा ही अमृतसर विच हरमंदिर साहिब नूं सोने दी परत नाल ढक के उस नूं स्वर्ण मंदिर बनाया गया।
महाराजा रणजीत सिंह इक चंगे शासक ही नहीं सन सगों इक काबिल फौजी कमांडर वी सन। उन्हां ने उस समय दी एशिया दी सब तों ताकतवर स्वदेशी फौज नूं होर मजबूत करन लयी पच्छमी आधुनिक हथियारां नाल रवायती खालसा फौज बनायी। उन्हां दी फौज विच भारतीयां दे नाल-नाल फ्रांसिसी, इतालवी अते इत्थों तक कि अमरीकी फौजी अधिकारी वी सन। रणजीत सिंह दी फौज ब्रिटिश भारत दी सब तों वड्डी फौज मन्नी जांदी सी।
केहा जांदा है कि महाराजा रणजीत सिंह ने फौज विच विदेशियां लयी कुज जरूरी शर्तां लगाइआं सन कि, उह ना तां सिगरेट पीन अते ना ही दाढ़ी कटवौन। उन्हां नूं स्थानक औरतां नाल व्याह करना अते पंजाब छड्डन तों पहलां इजाज़त लैन दा हुकम दिता गया सी।
महाराजा रणजीत सिंह सारे धर्मां नूं नाल लै के चलना चौंहदे सन, इस लयी उन्हां ने कई मुसलमान सिपाहियां नूं ऊच्चे औहदेयां ते नियुक्त कीता। इत्थों तक कि लोकां विच एकता वधौन लयी सिक्के उते अपना नाम लिखन दी बजाय नानकशाही सिक्का चलाया। उस सिक्के उते फारसी विच इक वाक लिखेया होया सी, जिस दा अर्थ सी, ‘मैं अपने साम्राज्य, अपनी जित अते अपनी प्रसिद्धि लयी मैं गुरु नानक देव जी अते गुरु गोविंद सिंह जी दा ऋणी हां।’ हालांकि महाराजा रणजीत सिंह दा कदे वी अंग्रेज़ां नाल सिद्धा मुकाबला नहीं होया सी पर अंग्रेज़ जानदे सन कि जिना चिर रणजीत सिंह अते उन्हां दी फौज उत्थे है, भारत ते पूरी तरहां नाल कब्जा नहीं कीता जा सकदा।
सिख सम्राज्य दे संस्थापक अते दशकां तक राज करने वाले महाराजा रणजीत सिंह दी मौत साल 1839 विच 27 जून नूं होयी। रणजीत सिंह दी मौत दे 6 सालां बाद अंदरुनी कलेश कारण उन्हां दे राज दा पतन हो गया।
रणजीत सिंह नूं अपने महाराजा होन दा थोड़ा जेहा वी मान नहीं सी। केहा जांदा है कि महाराजा रणजीत सिंह अपने सिंहासन ते कदे नहीं बैठदे सन, बल्कि किसे कुर्सी ते पलाथी मार के राज चलांदे सन। महाराजा रणजीत सिंह नूं हमेशा न्यायपूर्ण अते धार्मिक भेदभाव तों बिना राज करन लयी जानेया जांदा है।
-लेखक आकाशवाणी के पूर्व वरिष्ठ उद्घोषक और जाने-माने शायर हैं
