राजेश चड्ढ़ा.
ज़िन्दगी हर रोज़ नदी वांग वगदी है। ज़िन्दगी महान तों महानतम तक दी यात्रा है। जदों जीवन विराट वल वधना शुरू हो जांदा है तां उस विराट दे प्यार दी या कह लो कि हर पल परमात्मा दे स्नेह दी बिरखा शुरू हो जांदी है। पर असीं अपणे अंदर बेलोड़े भरे होये हां, इस लयी असीं उस स्नेह तों सखणे रह जांदे हां। जे सिरफ़ असीं अंदरों खाली हो जाइये, तां प्रेम सानू भर सकदा है।
सोलहवीं-सत्रहवीं शताब्दी विच होए पंजाबी सूफ़ी संत कवि बुल्ले शाह इस धार्मिक फ़लसफ़े नूं अपणी सूफ़ियाना लहर राहीं आम लोकां दे जीवन दे बहुत नेड़े लै आंदे हन।
क्यों ओह्ले बैह् बैह् झाकीदा?
एह पर्दा किस तों राखी दा?
तुसीं आप ही आये सारे हो,
क्यों कहिये तुसीं निआरे हो,
आये अपने आप नज़्ज़ारे हो,
विच बरज़ख़ रख्या ख़ाकी दा।
जिस तन विच इश्क़ दा सोज़ होइआ,
ओह बेख़ुदा ते बेहोश होइआ,
ओह क्यों कर रहे ख़मौश होइआ,
जिस प्याला पीता साक़ी दा।
तुसीं आप असां वल धाये हो,
कद रहंदे छपे छपाये हो,
तुसीं शाह इनायत बन आये हो,
हुण ला ला नैन झमाकी दा।
बुल्ल्हा शाह तन दी भाठी कर,
अग बाल हड्डां तन माटी कर,
एह शौक मुहब्बत बाक़ी कर,
एह मधवा इस बिध छाक़ी दा।
बुल्लेशाह ने हर कण विच इस विशालता दी होंद नूं बयान करदे होये इस काफ़ी विच केहा है कि तूं पिच्छे बैठ के क्यों झात मारदा रहंदा हैं? तूं इह परदा क्यों रखदा हैं? तूं आप ही हर थां मौजूद हैं, फेर मैं किंवे आखां कि तूं संसार तों वखरा हैं। तूं आपे आप ही दर्शन करण आया हैं, हुण इस सलेटी शरीर दा की ढकणा है?
जिस शरीर विच इश्क़ दा सरूर फैलेया होया है, उह अपणे-आप नूं भुला के बेहोश हो जांदा है। उह भला चुप किंवे बैठ सकदा है, जिसने मुरशद तों प्रेम दा प्याला पीता है।
तूं आप ही साडे वल दौड़ के आया हैं, हुण किंवे लुकेया रह सकदा हैं? तूं मुरशद शाह इनायत दा रूप धार लेया है, हुण तूं अक्खां मीच के बार-बार अक्खां झपकांदा हैं, कदे अक्खां बंद करदा हैं ते कदे खोलदा हैं, आख़िर इह की खेड है।
बुल्लेशाह आखदा है कि अपणे शरीर नूं भट्ठी बणा के, अपणे शरीर नूं इस इश्क़ दी अग्ग विच तपा के, अपणे शरीर नूं मिट्टी वांग स्वाह कर के, अपणे प्रेम दी मूल भावना नूं बरकरार रख के ही, प्रेम-मधु नूं चखेया जा सकदा है।
–लेखक जाने-माने शायर व आकाशवाणी के पूर्व वरिष्ठ उद्घोषक हैं
