मिट्टी दी खुशबूः साचा साहिबु साचु नाइ

राजेश चड्ढ़ा.
पंद्रहवीं-सोलहवीं सदी विच अमृतसर जिले दे पिंड कत्थूनंगल विच जन्में बाबा बुड्ढा जी। उनहा दे माता-पिता ने उन्हां दा नाम बूड़ा रखेया सी। उन्हां दिनां विच गुरुनानक देव साहिब ने अपणी संगत लई इक नियम बणाया सी। जो कोई वी उन्हां दे दरबार विच हाज़िर हुंदा सी, उह पूरी संगत नाल भगती सबद पढदा सी अते कीरतन करदा सी। गुरू साहिब अक्सर देखदे सन कि सबद कीरतन दौरान हर रोज़ इक छोटा लड़का उन्हां दे पिच्छे खड़ा हो जांदा।
इक दिन श्रीगुरू नानक साहिब ने उस लड़के नूं पुछेया-पुत्तर तूं रोज़ सवेरे इत्थे क्यों औंदा हैं, ए समां तेरी नींद दा समां है, हुणे तों गुरबाणी दे पाठ विच की आनंद लैंदा हैं? की तेरा मन खेलण वल नईं जांदा? मुंडे ने सिर झुका के सतकार नाल केहा- इक वार मेरी मां ने मैंनूं चुल्हे विच लकड़ां साड़न लई केहा। उस गतिविधि विच मैं देखेया कि मां पहलां छोटियां अते पतलियां सोटियां नूं आग्ग विच साड़दी सी क्योंकि छोटियां सोटियां नूं वड्ढियां सोटियां नालों पहले अते तेजी नाल आग्ग लग जांदी सी। उस समां तों ही मेरे मन विच ए गल पक्की हो गई सी ज्ञान वड्ढेयां नालों बच्चे जल्दी हासिल कर सकदे हन। इस लई मैं तुहाढी संगत नूं हब तों ज़्यादा प्यार करदा हां।

गुरू साहिब ने उस बच्चे दी सयानप तों खुश हो के केहा-तूं उम्र विच छोटा हैं पर बुद्धि विच बहोत बुड्ढा हैं।
उस दिन तों बाद उस बच्चे दा नाम बाबा बुड्ढा जी पै गया।
बाबा बुड्ढा जी अजहे नेक, सर्बपखी गुरसिख सन जिन्हां दियां अक्खां अगे गुरू इतिहास दा लगभग अद्धा हिस्सा बीतेया। आप जी ने गुरूनानक देव साहिब समेत पहलियां 8 पातशाहियां दे दर्शन कीत्ते। 5 गुरू साहिबां दी गुरुता गद्दी नूं अपणे हथीं संभलौण दे वेले अते श्रीहरमंदर साहिब विच श्री गुरुग्रंथ साहिब दे पहले प्रकाश दे समां, पहले मुख ग्रंथी होण दा उच्च स्थान अते मान प्राप्त कीता।
हर कोई गुरू साहिबान बाबा बुड्ढाजी दा बहोत सतकार करदे सी। केहा जांदा है कि पँचम पातशाह खुद बाबा बुड्ढाजी दे सतकार विच कई वार खड़े हुंदे सन। बाबा बुड्ढा जी ने अनेक संकटां दे समां विच अपणी दूरअंदेशी अते सूझवान दिमाग़ नाल सिखाँ दा मार्गदर्शन कीता अते सारेयां नूं संगठित रखेया। बाबा बुड्ढा जी इक कुशल प्रबंधक अते प्रभावशाली शख्सियत दे नाल इक आदर्श गुरुसिख सन।

1 माघ 1645 नूं गुरु अर्जुन देव जी ने श्री हरमंदिर साहिब दी नींव रखी, उस समां बाबा बुड्ढा जी ने अरदास कीती सी। इतिहास दसदा है कि गुरु अर्जुनदेव जी नूं बाबा बुड्ढा जी तों कुर्बानी वाला यौद्धा पुत्तर होण दा वरदान प्राप्त होया अते उस तों बाद गुरू हरगोबिंद साहिब ने अवतार धारेया सी।
पँचम पातशाह दी शहादत तों बाद श्री गुरुहरगोबिंद साहिब जी छेंवें पातशाह वजों गुरुता गद्दी ते बिराजमान कीता गया अते उन्हानूं मीरी-पीरी दियां दो तलवारां दितियां गइयां। जदों जहांगीर ने गुरुहरगोबिंद जी नूं ग्वालियर दे किले विच कैद कर लेया तां बाबा बुड्ढा जी ने सिखाँ दे मनोबल नूं कायम रखण विच अहम भूमिका निभायी। सन 1688 विच 125 सालां दी उम्र विच ब्रह्मज्ञानी बाबा बुड्ढा जी गुरू जोती विच समा गए। बाबा नानक कहंदे हन –
साचा साहिबु साचु नाइ भाखिआ भाउ अपारु।
आखहि मंगहि देहि देहि दाति करै दातारु॥
रब सच्चा है अते उस दा नाम वी सच्चा है। इस नू वख-वख विचारां, बोलियां अते अभिव्यक्तियां विच वख-वख नाम दिते गए हन। हर जीव उसदी रहमत दी भीख मंगदा है अते हर जीव उसदी मेहर दा हकदार है। रब वी साढ़े करमां अनुसार सानू अपणी रहमत बख्शदा है। प्रभु नूं अजेहा ही प्यार करण वाले शख्स सन बाबा बुड्ढा जी।
-लेखक लोकप्रिय शायर और आकाशवाणी के पूर्व वरिष्ठ उद्घोषक हैं