राजेश चड्ढ़ा.
लंगर लफ़्ज़ फ़ारसी भाषा दा शबद है, जिसदा अर्थ है गरीबां ते लोड़मंदां लयी इक धाम। सिख परंपरावां अनुसार इह इक भाईचारक रसोई है। जित्थे जात, वर्ग या धर्म दे भेदभाव तो बिना लोकां दा मेहमाना वजों स्वागत कीता जांदा है। लंगर दी परंपरा लोकां नूं समानता अते प्यार दी भावना सिखौंदी है।
पंजाबियां विच गुरु दे लंगर वरतौण दी परंपरा गुरुनानक देवजी द्वारा शुरु कीती गयी सी अते फेर रस्मी तौर ते तीजे गुरु श्रीगुरु अमरदास जी द्वारा गोइदवाल विच स्थापित कीती गयी। मनेया जांदा है कि किसे समय मुग़ल बादशाह अकबर वी इत्थे आम लोकां विच बैठ के लंगर छकण लयी औंदा सी।
भाई देसा सिंह ने अपणे ‘रहितनामे’ दे विच केहा है-‘इक खुशहाल सिख नूं अपणे गरीब गुआँडियां दी लोड़ां दा खयाल रखणा चाहिदा है। जदों वी उह विदेश तों किसे यात्री या श्रद्धालू नूं मिलदा है तां उसदी अपणी पूरी श्रद्धा नाल सेवा करनी चाहिदी है।’
इस गल दी तामील करदे होए महाराजा रणजीत सिंह ने लंगर दी सेवा-संभाल लयी गुरुद्वारेयां नूं जागीरां दित्तियां सन। बाद विच होर वी सिख हाकमां ने इस तरहां लंगर लयी गुरुघरां दी मदद कीती। आज अमली तौर ते हर गरुद्वारे विच संगतां दे सहयोग नाल लंगर वरताये जांदे हन। छोटे छोटे गरुद्वारेयां विच वख वख घरां तों पकेया होया भोजन लंगर दा हिस्सा हो सकदा है। किसे वी हालत विच कोई वी श्रद्धालू या यात्री गुरुद्वारेयां विच भोजन समय थाली विच भोजन नहीं छडदा। इक सिख लयी कतार विच बैठ के लंगर छकना पवित्रता दा काम है। इसे तरहां लगर विच भोजन पकौणा या वरतौणा अते वरते जाण वेले भांडे साफ़ करण विच उसदी हिस्सेदारी वी पवित्रता दा काम है।
लंगर ने मनुखता दी सेवा दे कारज विच औरतां अते बच्चेयां दी हिस्सेदारी नूं यकीनी बणाया है। भोजन तैयार करण विच औरतां दी अहम भूमिका हुंदी है, अते बच्चे संगत नूं भोजन परोसन विच मदद करदे हन। लंगर, समाज विच बैठ के खाण दे रिति रिवाज़ वी सिखौंदा है। लंगर ने सारे मनुखां विच बराबरी दे गुणां नूं कायम रखण विच वड्डी भूमिका निभाई है।
स्वर्णमंदिर अमृतसर साहिब दी सामुदायिक रसोई, दुनिया दी सब तों वड्डी मुफ़्त रसोई वजों जाणी जांदी है। इस रसोई दे लंगर विच रोज़ाना औसतन इक लाख श्रद्धालुआं या सैलानियां दी सेवा कीती जांदी है। खास धार्मिक मौकेयां ते इह गिनती इस तो ज़्यादा वी हो जांदी है। हर रोज़ औसतन सौ क्विंटल तो वद कणक दा आटा, पच्चीस क्विंटल अनाज, दस क्विंटल चावल, पाँज हज़ार लीटर दुध, दस क्विंटल चीनी अते पाँज क्विंटल शुद्ध घियो वरताया जांदा है। भोजन तैयार करण लयी लगभग सौ एल पी जी गैस सिलेंडरां दी वरतों कीती जांदी है। लंगर दी रसोई विच सैकड़ों कर्मचारी अते श्रद्धालू अपणियां सेवावां प्रदान करदे हन।
हर इक सिख दा धार्मिक फ़र्ज़ है कि उह अपणी कमाई दा दसवंध यानी दसवां हिस्सा कौम दी भलाई लयी दान करे। जदों वी हो सके हत्थां नाल सेवा वी कीती जांदी है, लंगर विच कीती सेवा सब तों पुन दा काम मनेया जांदा है। इस रिति रिवाज़ दा सिख आदर्श सारे समाज दा आदर्श बणना निहायत ज़रुरी है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
