राजेश चड्ढ़ा
वक़्त दी रफ़्तार सानूं नवें चानण वल्ल तां लै जांदी है, पर दिल दे किसे कोने विच्च पुराणी तहज़ीब अते रूहानी महक हमेशा ताज़ा रहंदी है। क्योंकि चमक चाहे किन्नी वी नवीं होवे, सुकून अज्ज वी ओसे रूहानी लौ विच्च मिलदा है जेड़ी सानूं साडी जड़़ां नाल जोड़दी है।
पंजाबी लोक-संगीत दा सफर सदियां पुराणा है। पंजाबी लोकगीत रिवायत सिर्फ़ संगीत या मनोरंजन दी विधा नहीं, बल्कि पंजाब दी सांझी चेतना, सामाजिक इतिहास अते सभ्याचारक यादां दा ज़िंदा दस्तावेज़ है। पंजाबी लोक-संगीत पंजाब दी रूह है। एह संगीत किसे खास उस्ताद दी सिखलाई तों नहीं, सगों पंजाब दे खेतां, मेलेयां, पिंडां दियां सत्थां अते घर दे वेहड़ेयां विच जनमेया है। सभ्याचार दे बदलदे दौर विच वी इस संगीत दी गूँज मद्धम नहीं पई, सगों इस ने नवें रूप धारण कर लये हन।
पुराणे समय विच पंजाबी लोक-संगीत दा रिश्ता साडे रीत-रिवाजां अते किसानी जीवन नाल सी। उस दौर विच संगीत दा आधार साडे लोक साज़ अते बोलियां हुंदीयां सन। पंजाब दे लोक गायकां ने हीर-रांझा, सस्सी-पुन्नू अते मिर्ज़ा-साहिबां वरगे किस्सेयां नूं पिंडां दियां सत्थां विच गा के ज़िंदा रखेया। ढाडी जत्थै वार गा के सिपाहियां विच जोश भरदे सन। जन्म तों लै के मौत तक, हर मौके लयी लोक गीत मौजूद सन। कुड़ी दे व्याह वेले सुहाग अते मुंडे दे व्याह वेले घोड़ीयां गाईयां जांदियां सन। उस समय विच तूंबा, सारंगी, अलग़ोज़े, डमरू, ढोल अते घड़ा मुख साज़ हुंदे सन। बिजली दे बिना वी इन्हां साज़ां दी अवाज़ पूरे पिंड विच गूंजदी रहंदी सी। पंजाबी लोक-संगीत दा इक वड्डा हिस्सा सूफ़ी फकीरां दी देन है। बाबा बुल्ले शाह, शाह हुसैन अते वारिस शाह दियां रचनावां ने लोक-संगीत नूं रूहानियत नाल जोड़ेया। एह संगीत मन नूं शांति अते रूह नूं सुकून दिंदा सी। काफ़ी अते क़व्वाली दे रूप विच अज्ज वी एह रंग देखण नूं मिलदा है।
बीसवीं सदी विच जद रेडियो अते ग्रामोफोन रिकॉर्डस आये, तां पंजाबी लोक-संगीत घर-घर पहुँचण लगेया। इस दौर ने सानूं अजहे कलाकार दित्ते जिन्हां ने लोक-संगीत नूं इक खास पछाण दित्ती।
इन्हां फ़नकारां विच लाल चंद यमला जट तुंबे दे उस्ताद कहलाये, जिन्हां ने लोक गायकी नूं सादगी नाल पेश कीता।
कुलदीप मानक कलियां दे बादशाह दे तौर ते पछाणे गये, जिन्हां ने इतिहास अते मिथहास नूं लोक-संगीत राहीं अमर कर दित्ता।
अमर सिंह चमकीला ने पिंडां दे लोक-जीवन अते सामाजिक बुराईयां नूं अपनी तिखी आवाज़ विच पिंडां दे अखाड़ेयां तक पहुँचाया।
पंजाब दी कोयल सुरिंदर कौर अते प्रकाश कौर ने लोक गीतां नूं इक नवीं नज़ाकत दित्ती।
अज्ज वी गुरदास मान वरगा बेहतरीन कलाकार पंजाबी गायकी विच इक अजेही लहर है, जिसने तूंबे अते डफ़ली दी खनक नाल पंजाब दे पिंडां दी मिट्टी दी खुशबू नूं पूरी दुनिया विच फैलाया है।
अज्ज दे समय विच पंजाबी लोक-संगीत विच बहुत वड्डी तब्दीली आयी है। हुण पंजाबी लोक-संगीत सिर्फ़ पंजाब तक महदूद नहीं रेहा, सगों एह श्ग्लोबलश् हो चुकेया है। अज्ज संगीत वास्ते किसी वड्डे स्टूडियो दी लोड़ नहीं। यूट्यूब अते सोशल मीडिया ने नवीं राह खोल दित्ती है। अज्ज दे कुज नौजवान कलाकार फ्यूजन संगीत राहीं पुराणे लोक गीतां नूं नवे वाजेयां नाल गा रहे हन, जिस नूं इक हद तक पसंद वी कीता जा रेहा है।
इक पासे अज्ज दा संगीत तकनीकी तौर ते बहुत अग्गे है, तां दूजे पासे कुज गम्भीर मसले वी हन। ऑटो-ट्यून अते बनावटी अवाज़ां ने असली लोक-संगीत नूं नुकसान वी पहुँचाया है। अज्ज-कल दे बहुत सारे गीत लोक मर्यादा दे उलट हन, जेड़े औण वाले वक्त लयी फ़िक्र दा सबब वी हन। कंप्यूटर दे बीट्स ने सारंगी अते अलग़ोज़े वरगे असली साज़ां दी जगह लै लयी है। टप्पे अते बोलियां हुण सिर्फ़ व्याह विच इक रस्म बण के रह गये हन। हालांकि पुराणे गीत अते नवें गीत इक दूजे दे खिलाफ़ नहीं हन सगों एह इक्को सभ्याचारक यात्रा दे दो पड़ाव हन। पारंपरिक गीतां ने पंजाबी चेतना नूं जड़ां दितियां हन अते आधुनिक गीतां ने उन्हां जड़ां तों नवे सवाल, नवे अर्थ अते पैदा कीते हन।
पंजाबी लोक संगीत इक वगदा दरेया है। समय दे नाल इसदी चाल बदली है, पर इसदा पाणी अजे वी पंजाब दी मिट्टी दी खुशबू नाल भरेया होया है। जेकर असीं चौहंदे हां कि साडा विरसा ज्यौंदा रहे, तां सानूं नवें गायकां नूं चंगे बोल अते असल साज़ां नाल जोड़ना पवेगा। ताकि कल दे सुहाग-घोड़ियां अते अज्ज दे भंगड़ा बीट्स विचकार तालमेल दे ज़रिये पंजाबी संगीत दी असल ताकत क़ायम रह सके।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
