मिट्टी दी खुशबू: इश्क़ पीर फ़कीर दा मरतबा है

राजेश चड्ढ़ा.
वारिस शाह दे सूफ़ी कलाम मुख तौर ते उन्हाँ दे मकबूल किस्से ‘हीर’ नाल जुड़े हन, जो पँजाबी साहित दी इक अमर प्रेम कहाणी है। एह कलाम प्रेम, बिरहा अते चाहत दी ढूँगियाँ भावनावाँ नूँ दर्शाैंदा है। वारिस शाह अट्ठाहरवीं सदी दे इक चिश्ती सँप्रदाय दे पँजाबी सूफ़ी कवि सन। वारिस ‘हीर राँझा’ दी कहाणी नूँ प्रेम, रुहानियत अते मनुखी भावनावाँ दे कलह दे नाल-नाल इक सूफ़ियाना अते ढूँगे रँग देण लयी जाणेया जाँदा है। वारिस शाह दी हीर इस कदर लोकाँ दे दिल विच उतरी कि लोकी दूर-दूर तों इस नूँ सुनण लयी औंदे सन अते इस दे जादू विच भावुक अते दीवाने हो जाँदे सन इस वजहों उन्हाँ नूँ राँझा केहा जाण लग पेया।

वारिस शाह दी शायरी अपणी भावनात्मक गँभीरता ते खूबसूरती वजहों पछाणी जाँदी है। उन्हाँ दी कविता विच सामाजिक विरोधाभासाँ नूँ दर्शाया गया है अते मनुखी कमाँ अते व्यवहाराँ दी सूँदरता नूँ बाहरी दिखावे नालों वध महतता दिती गयी है। वारिस ने अपणी कविता नूँ विस्तार देण लयी नवें मुहावरे अते लफ़्ज़ गढ़े, जिस ने पँजाबी भाषा नूँ इक नवीं ऊँचाई दिती है।
वारिस शाह ने अपणे सब तों प्रसिद्ध किस्से हीर-राँझा विच पीर दी महिमा अते ताकत दा बयान अध्यात्मिक मुर्शिद दे तौर ते कीता है। वारिसशाह दा मनणा सी कि प्रेम दी ताकत दुनिया दी सारियाँ रुकावटाँ नूँ दूर कर के सजणा दी जुदाई नूँ मिलन विच बदल सकदी है।

वारिसशाह ने हीर-राँझा वरगी ढूँगी प्रेम कहाणी लिखण तों पहलाँ दी कहाणी दा किस्सेयाँ विच बहोत ही तथ योग ज़िकर कीता है। अपणे पीर दी सिफ़त करदे होये वारिस आखदे हन-
मदह पीर दी हुब दे नाल कीचौ, जैंदे ख़ादमां दे विच्च पीरियां नी।
बाझ ओस जनाब दे पार नाहीं, लख ढूंडदे फिरन फ़कीरियां नी।
जेहड़े पीर दी मेहर मनज़ूर होए, घर तिन्हां दे पीरिया मीरियां नी।
रोज़ हशर दे पीर दे तालिबां नूं, हत्थ सजड़े मिलणगियां चीरियां नी।

प्रेम दी ढूँगायी, समर्पण अते प्रीतम दी प्राप्ति दी तड़प नूँ दर्शाैंदे होये वारिस आखदे हन कि प्रेमी अपणे प्रीतम दे दर ते हर हाल विच हाज़िर रहँदा है, भाँवे सजणा दी गली विच चिकड़ ही क्यों ना होवे। प्रीतम दे बगैर उसदा जीवन अधूरा है, अते प्रेमी उस नूँ हर थाँ लभदा रहँदा है। जेकर प्रेमी ते प्रीतम दी मेहर हो जावे ताँ उस प्रेमी दा घर प्रेम अते सुख दा डेरा बण जाँदा है। मोहब्बत अजेही अखीरी सच्चाई है जिस विच प्रीतम दे प्रेमी नूँ प्रीतम दे हत्थों खूबसूरत ईनाम दी दौलत लाज़मी मिलदी है।

हीर-राँझा दी गल करण तों पहलाँ वारिस शाह अपणे पीर बाबा फरीद शकर गंज दी वडेयायी, उसदी अध्यात्मिक पूरणता अते उसदी सेवा नूँ दर्शाैंदे होये आखदे हन-
मौदूद दा लाडला पीर चिशती, शकर-गंज मसउद भरपूर है जी।
ख़ानदान विच्च चिशत दे कामलियत, शहर फकर दा पटन मामूर है जी।
बाहियां कुतबां विच्च है पीर कामल, जैंदी आजज़ी ज़ुहद मनज़ूर है जी।
शकर गंज ने आण मुकाम कीता, दुख दरद पंजाब दा दूर है जी।

कहण दा भाव एह है कि पीर चिश्ती, जो शकरगंज मसऊद दे नाँ तों मशहूर हैं, बहुत ही उदार अते प्रेम नाल भरपूर है बाबा फ़रीद खानदानी अध्यात्मिक ज्ञान नाल भरेया होया है। एह इक पूरण पीर है, जिसदी वफ़ादारी अते तपस्या बहुत ही प्रसिद्ध है। शकरगंज ने पँजाब विच आ के सब नूँ अपणा बणाया अते लोकाँ दे दुख-दर्द दूर कीते।
किस्सा हीर-राँझा लिखण बारे दसदे होये वारिसशाह आखदे हन-
यारां असां नूं आण सवाल कीता, किस्सा हीर दा नवां बणाईए जी।
एस प्रेम दी झोक दा सभ किस्सा, जीभ सुहनी नाल सुणाईए जी।
नाल अजब बहार दे शियर कह के, रांझे हीर दा मेल कराईए जी।
यारां नाल बह के विच मजलिसां, मज़ा हीर दे इशक दा पाईए जी।

दोस्ती, प्रेम, अते हीर-राँझा दी अकाल प्रेम कहाणी नूँ दुबारा सुनौण दी अपणी इच्छा नूँ बयान करदे होये वारिसशाह कहँदे हन, याराँ ने मैंनूँ हीर दी कहाणी नवें सिरे तों सुनौण दा सवाल कीता है। इस प्रेम दी कहाणी नूँ सुहावणी आवाज़ विच सुनौणा इक बहोत वड्ढा कारज है। एह राँझा अते हीर दे प्रेम नूँ शायरी दे ज़रिये ज़िंदा करण वरगा है। मितराँ बेलियाँ नाल बैठके हीर अते राँझे दी प्रेम कहाणी सुनणा-सुनौणा प्रेम दी मस्ती अते आनंँद दे विच डुब जाणा ही है।

प्रेम दे नाल रचनात्मकता नूँ दर्शाैंदे होये इस खूबसूरत अते असरकारक कहाणी दे जन्म दी गल दसदे वारिसशाह आखदे हन-
हुकम मन्न के सज्जणां प्यार्यां दा, किस्सा अजब बहार दा जोड़्या ए।
फ़िकरा जोड़ के ख़ूब दरुसत कीता, नवां फुल गुलाब दा तोड़्या ए।
बहुत जीउ दे विच्च तदबीर करके, फ़रहाद पहाड़ नूं तोड़्या ए।
सभ्भा वीन के ज़ेब बणाय दित्ता, जेहा इतर गुलाब नचोड़्या ए।
वारिस कहँदे हन कि प्यारे मितराँ दे हुक्म दी तामील करदे होये, इक शानदार अते मनमोहणी प्रेम कहाणी नूँ जोड़ेया गया है। अखराँ नूँ सजा के अते वाक जोड़ के कहाणी नूँ इक नँवी शकल विच इस तौर ते पेश कीता गया है जिस तरहाँ कोई गुलाब दा ताज़ा फूल तोड़ के पेश कीता जाँदा है। अपणी इस कहाणी नूँ पूरी कोशिश अते मेहनत दे नाल इस तरहाँ रचेया गया है जिस तरहाँ कि शीरी लयी फरहाद ने पहाड़ नूँ चीरेया सी। इस कहाणी विच प्रेम दी मिठास अते सुगंध इस तरहाँ भर दिती गयी है कि एह प्रेम कहाणी गुलाब दी पत्तियाँ दा इतर बण गयी है।
हीर-राँझा दी हीर, वँड तों पहलाँ दे पँजाब विच झंग शहर दे चुचक सियाल नाँ दे इक अमीर परिवार दी कुड़ी सी अते राँझा, ओस्से पँजाब दे सरगोधा जिले विच चेनाब दरेया दे किनारे पिंड तख़्त हज़ारे दे मौजू चौधरी दा मुण्डा सी। तख़्त हज़ारे दी खूबसूरती अते रांझे दे प्रेम दी ढूँगायी दी बराबरी स्वर्ग नल करदे होये वारिसशाह कहँदे हन-
केही तख़त हज़ारे दी सिफ़त कीजे, जित्थे रांझ्यां रंग मचायआ ए।
छैल गभ्भरू, मसत अलबेलड़े नी, सुन्दर हिक्क थीं हिक्क सवायआ ए।
वाले कोकले, मुन्दरे, मझ लुंङी, नवां ठाठ ते ठाठ चड़्हायआ ए।
केही सिफ़त हज़ारे दी आख सकां, गोया बहशत ज़मीन ते आया ए।
तख़्त हज़ारे दी तारीफ़ करदे होये वारिसशाह कह रहे हन कि हज़ारे दी धरती अजेही धरती है जित्थे राँझे दी मोहब्बत दे रंग बिखरे होये हन। हज़ारे दा सोहणा नौजवान राँझा, प्रेम विच मस्त अते बेपरवाह है। हज़ारे दा राँझा ऐसा नौजवान है जिसदी सूरत अते सीरत वध तो वध खूबसूरती नाल वी वध है। हज़ारे दे राँझे दी चाल-ढाल, गहणे अते लिबास सब कुज हद तो वध है। हज़ारे दा बखान करणा स्वर्ग नूँ ज़मीन उते उतार के लै औणा है।
सच्चे अते पवित्र इश्क़ दी मिसाल वारिसशाह, हीर-राँझा प्रेम कहाणी दी शुरुआत करदे होये कहँदे हन-
अव्वल हमद ख़ुदाय दा विरद कीजे,
इशक कीता सू जग्ग दा मूल मियां।
पहले आप है रब ने इशक कीता,
माशूक है नबी रसूल मियां।
इशक पीर फ़कीर दा मरतबा है,
मरद इशक दा भला रंजूल मियां।
खिले तिन्हां दे बाग़ कलूब अन्दर,
जिन्हां कीता है इशक कबूल मियां।
वारिसशाह कहँदे हन प्रेम दी महतता अते रब्ब दे नाल उसदा रिश्ता दर्शाैंदा है कि सब तों पहलाँ तारीफ़ दा हकदार रब्ब है, क्योंकि प्रेम इस जगत दा मूल है। सब तों पहलाँ रब्ब ने प्रेम कीता अते रब्ब दा हर दूत उसदा माशूक है। प्रेम, पीर अते फकीर दा सब तों वड्ढा बड़ा रुतबा है, अते जो वी प्रेम करदा है, ऊह ही सच्चा इँसान है। जिन्हाँ लोकाँ ने प्रेम नूँ स्वीकार कीता है, उन्हाँ दे दिल दे बाग विच सदा खुशी अते आनँद दे फुल्ल खिड़े रहँदे हन। इश्क़ इस सँसार अते सूफ़ी सोच दा मुख तथ है। इस वजहों वारिसशाह दा कहणा है कि पहलो-पहल रब्ब ने खुद इश्क़ कीता अते उस तों बाद इस बेहद खूबसूरत दुनिया दी रचना कीती।
-लेखक जाने-माने शायर और आकाशवाणी के पूर्व वरिष्ठ उद्घोषक हैं