मिट्टी दी खुशबू: साँई मेरेया वे जुगनी

राजेश चड्ढ़ा.
पंजाबी लोक संगीत दियाँ लोक रचनावां टप्पे, माहिया, जिंदुआ, ढोला, काफ़ियाँ, दोहरे अते बोलियाँ दी तरहां, जुगनी गायकी दी शैली वी बहुत मशहूर है। जुगनी लोकगीत पंजाबी सभ्याचार दा अहम हिस्सा है। इस गीत दे छंद आसान अते आम बोलचाल दी भाषा विच होन दे कारण लोक इस नू बहुत पसंद करदे हन।
एह अंग्रेजी शब्द ‘जुबली’ दा गलत उच्चारण है, जो कि इक मशाल है, जुबली दी लाट नू रानी विक्टोरिया दे राज विच उसदे राज गद्दी ते विराजमान होन दी 50 वीं सालगिरह दे मौके ते हर थां ते लै जाया जांदा सी, जित्थे वी अंग्रेजी शासक दी जुबली दी लाट जांदी सी, बिश्ना जट अते मंडा मिरासी वी उन्हां थांवां ते जा के छोटियां-छोटियां स्टेजां ला के इस वड्डे उत्सव नू प्रदर्शित करदे सन। जुबली नू जुगनी उच्चारित करन वाले बिश्ना जट अते मंदा मीरासी ने 1906 विच जुगनी शब्द दी वरतों कर के इक गीत दी रचना कीती, जो काफी मशहूर होया।
जुगनी दरअसल पंजाबी लोक संगीत विच इस्तेमाल कीती जान वाली इक पुरानी वृतांतक शैली है । इस नू भारतीय उपमहाद्वीप दे पंजाब क्षेत्र दा रवायती संगीत केहा जा सकदा है।
जुगनी दियाँ बहुत सारियां मुढलियां लिखतां आध्यात्मिक हन अते संसार बारे व्यक्ति दी समझ अते परमात्मा नाल उस दे रिश्ते दियाँ नज़दीकियां दसदियाँ हन। सूफ़ीज़्म विच कई कवि दार्शनिकां ने सामाजिक अते हलकियां रोष स्वरूप टिप्पणियां करन लयी अक्सर जुगनी युक्ति दी वरतों कीती है। जुगनी विच परमात्मा दा नाम लेया जांदा है अते जुगनी तों पहलां ‘साँई’ लफ़्ज़ दी वरतों कीती जांदी है, जो कि रब लयी इस्तेमाल कीता जांदा है।
वृतांतक शैली विच जुगनी दा वख-वख थावां ते अचानक उतर जाना अते खुलियां अक्खां नाल कुछ नवां सिखौन दा सनेहा देना इस दी खासियत है। जुगनी अपनी टिप्पणी तिन्न या चार सुचज्जे छंदां विच करदी है जो तुकांत विच वी हो सकदा है अते नहीं वी, पर जुगनी हमेशा मुढली पंजाबी लोक शैली विच ही गायी जा सकदी है। कोई वस्तु होवे, कोई शहर होवे, कोई राज होवे, कोई बाज़ार होवे, कोई स्कूल या कोई धार्मिक स्थान होवे, जुगनी दी गैर मूरत टिप्पणी उस स्थान दे तथ्य नू पकड़दी है अते सुनन वाले विच हासा अते कदी-कदी हमदर्दी पैदा करदी है।
पहलां-पहल एह गीत पटियाला नेड़ले पिंड लचकनी दे इक ढा़ढी गायक देस राज लचकनी ने गाया सी। पाकिस्तान दी सिरजना तों पहलां अवंडे पंजाब दे लोक गायक मरहूम आलम लोहार ने जुगनी नू रूहानी कविता दे रूप विच जीवन दी भावना या जीवन दे सार दा अर्थ प्रदान कीता। सूफी आध्यात्मिक लिखतां विचों इस गीत नू हरमन प्यारा बनौन दा श्रेय वी आलम लोहार नू जांदा है। इस तों बाद होर गायकां ने वी इस शैली नू अपनाया, जिस विच आसा सिंह मस्ताना अते कुलदीप मानक दा जुगनी लयी महत्वपूर्ण योगदान रेहा है। इस तों अलावा गुरमीत बावा, गुरदास मान , हरभजन मान, आरिफ लोहार तों लै के रब्बी शेरगिल तक हर दूजे पॉप या लोक गायक ने जुगनी गायी है।
हालांकि जुबली नू जुगनी गायकी दी इक शैली वजहों प्रसिद्ध करन वाले बिश्ना जट अते मंदा मीरासी जो 1906 विच 50 साल दे सन, उन्हां दे परिवारिक अते विवाहित जीवन बारे कोई जानकारी नहीं है, पर एह सच है कि पंजाब अते पंजाब वासी, बिश्ना जट अते मंदा मीरासी वरगियां दो महान शख्सियतां दे अहसानमंद हन।
-लेखक जाने-माने शायर और आकाशवाणी के पूर्व वरिष्ठ उद्घोषक हैं