मिट्टी दी खुशबू: चक दे फट्टे

राजेश चड्ढ़ा.
‘चक दे फट्टे’ पंजाबियां द्वारा आमतौर ते बोलेया जान वाला ऐसा वाक है, जिस दा एतिहासिक अते मौजूदा अर्थ वी है। चक दे फट्टे दो शब्दां तों मिल के बनेया इक वाक है। ‘चक दे’ जिस दा अर्थ है ‘उच्चा करना’ यानी किसी वस्तु नू शरीर या किसी दूजे बल नाल हिलौना या चुकना। ‘चक दे’ शब्द किसी नू हुकम देन दा अर्थ वी दिंदा है अते दूजा शब्द है ‘फट्टे’ अर्थात इक किस्म दी लकड़ दी बनतर या फट्टा जिस दी मोटाई उस दी लम्बाई अते चौड़ाई दे अनुपात विच बहुत घट हुंदी है। इस नू दरखत दी लकड़ चीर के एह रूप दिता जांदा है।
दर असल इक खास नज़रिये नाल उत्साह वजहों पंजाबी मुहावरे ‘चक दे फट्टे’ दी इक अमर ऐतिहासिक पिछोकड़ है। इस दियाँ जड़ां भारत दे इतिहास विच हन। 17वीं सदी विच मुगल, दखनी एशिया दी साम्राज्यवादी ताकत सन। जदों सिख योद्धे लड़दे सन तां कई तकनीकां दी वरतों कीती जांदी सी। उन्हां विचों इक सी चट्टान दी गहराई/नदियाँ/नहरां अते झीलां नूं पार करन लयी फट्टेयाँ दी वरतों करन दी तकनीक।
सिक्खाँ दी गिनती थोड़ी होन कारण सिक्ख मुगलां ते गुप्त हमला करदे सन अते किसी वी तरहां दे जवाबी हमले दी सूरत विच चट्टानां दी गहराइयां नू पार करन लयी रखे गये फट्टेयाँ नू चुक लैंदे सन। जिस कारण मुग़ल फौजां इन्हां दा पिच्छा करन तों असमर्थ हो जांदियां सन। हिदायत अनुसार इन्हां फट्टेयाँ नू चुकन लयी ‘चक दे फट्टे’ शब्द दी वरतों कीती जांदी सी, जिस नू बच के निकल जान दी कामयाबी दा प्रतीक मनेया जांदा सी अते मुगलां दी शिकस्त दे रूप विच वेखेया जांदा सी।
समय दे नाल एह शब्द किसे नू कोई कारज करन दी हिम्मत देन दे ढंग वजहों वरतेया जान लगा। इस शब्द दा विकास इत्थे ही नहीं रुकेया, मौजूदा समय विच इस वाक नू जोड़ के इक नवां मशहूर वाक बन गया-‘चक दे फट्टे, नप्प दे किल्ली, सुबह जालंधर, शाम नूं दिल्ली’। एह वाक आवा-जाई नाल जुड़े पंजाबियों ने रचेया सी।
‘नप्प दे किल्ली’ दा मतलब है वाहन दी दौड़ नू दबौना अते सवेरे जालंधर, शाम नूं दिल्ली पहुँचना। यानी के जालंधर तों दिल्ली तक बिना रुके सफ़र करना। लक्खां-करोड़ां पंजाबी ट्रक ड्राइवर हन जो पंजाब दे होर वड्डे शहरां, जिवें कि जालंधर तों दिल्ली वरगे महानगरां तक माल पहुँचौंदे हन।
दिलचस्प गल एह है कि ट्रक नू जालंधर अते दिल्ली विचकार दी दूरी नू पूरा करन लयी लगभग 8 घंटे लगदे हन। इस लयी जेकर कोई सवेरे निकलदा है अते अपनी रफ़्तार तेज़ रखदा है तां शाम तक दिल्ली पहुंच जांदा है। एस वजहों ही एस मुहावरे नू एह वाक मिलेया है कि-‘चक दे फट्टे नप दे किल्ली, सुबह जालंधर शाम नू दिल्ली’। इक दिन विच बिना रुके एह लम्बा सफ़र ड्राइवरां दी हिम्मत दा प्रतीक वी केहा जा सकदा है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं