राजेश चड्ढ़ा.
इक सिरे तों दूजे सिरे तक, दूरियाँ सन तयशुदा।
इक लय विच साज़े दिल रेहा, नेड़ता वधदी गयी॥
असीं प्यार दे पागलपन दियाँ सैंकड़ो किस्से-कहाणियाँ सुणियाँ हन। इन्हाँ विच कोई अपणे प्यारे दी इक झलक पौण लयी मरुथलाँ विच कई मील नँगे पैर तुरेया। कोई घड़े दी मदद नाल तेज़ वगदी नदी पार कर गया अते कोई मोहब्बत विच पहाड़ चीर के दुध दी नहर लै आया।
दुनिया प्रेमियाँ दे किस्सेयाँ नाल भरी होयी है। इन्हाँ सारेयाँ दीवानेयाँ विच इक गल साँझी सी, कि एह सारे इक-दूजे लयी बेहद समर्पित सन। उन्हाँ दियाँ इच्छावाँ इको जिहाँ सन। लोड़ पैण ते दोवें इक-दूजे लयी जान देण नूँ तैयार सन। उन्हाँ ने समाज दे सब तों वड्डे दुखाँ अते ज़ुल्माँ दा सामणा हँसदे-हँसदे कीता।
एह इस तरहाँ सी जिवें उन्हाँ नूँ पता सी कि अपणे मेहबूब दी मुहब्बत दे मुकाबले विच ये सब कुज वी नहीं। उन्हाँ दियाँ ढूँगियाँ भावनावाँ, पागलपन दी हद तक नजर औंदियाँ हन। इस वजहों उन्हाँ प्रेमियाँ लयी दिली तौर ते सतकार दी भावना पैदा हुँदी है। उन्हाँ दी कुर्बानी दे जज्बे दे सामणे झुकण नूँ जी करदा है। एत्थों तक के मोहब्बत करण वाले आज वी उन्हाँ दे नाँ दियाँ कसमाँ खाँदे हन। उन्हाँ दे बिलकुल उलट जापदे होण दे बावजूद उन्हाँ नूँ गलत नहीं मनेया जा सकदा, क्योंकि उन्हाँ दियाँ सारियाँ कोशिशाँ अपणे साथी नूँ खुश रखण लयी सन। उन्हाँ दी तकलीफ उन्हाँ दी अपणी ज़िम्मेवारी सी। इक नूँ जेकर समाज दी साट पैंदी सी ताँ दूजा अपणी पिट्ठ अग्गे करण लयी तैयार रहँदा सी। इसलयी अजेहे प्रेमी अमर हन अते इज्जत दे हकदार हन। बेशक ए ही सच्चे प्रेमी हन।
अज्ज दा प्यार सिर्फ़ इक दिखावा अते जोखिम दे संकट दी भावना है, जो दिखावे दे प्रेमियाँ नूँ असल प्रेम तों दूर रखदी है। सच्चा प्रेम आज़ादी, स्वीकृति अते अपणी मौजूदगी दी अवस्था है, ना कि सिर्फ़ इक रिश्ता। अज्ज दे लोकाँ लयी प्यार दा नाँ किसे नूँ तकलीफ पहुँचाणा ही रह गया है। किसे दा किसे नूँ प्यार दे नाँ तों इनकार करण दे बावजूद उसदे मगर पै जाणा सच्चा प्यार नहीं। इस नूँ बस इक तरफ़ा प्रेम ही केहा जा सकदा है। किसे नूँ प्रेम करण लयी मजबूर करणा, प्रेम करणा नहीं केहा जा सकदा।
मोहब्बत करण वाला जिस नाल प्यार दा दावा करदा है , उस नूँ मुश्किलाँ विच नहीं पा सकदा। किसे नूँ अपणी धड़कन, अपणी ज़िंदगी दा खि़ताब देण वाला, कदे वी उस नूँ तंग करके उसदा जीणा हराम नहीं कर सकदा। सैकड़ों वार मना करण तों बाद एह कहणा कि इक दिन उस नूँ मेरी मोहब्बत दा अहसास हो जावेगा, एह सोच निक्की सोच ही कही जावेगी। इस जबरदस्ती दा जवाब जद कोई हवालात दी हवा नाल दिंदा है ताँ वी अजेहे लोक एह कह के पिच्छा नहीं छडदे कि एह अजे नादान है। सच ताँ एह है कि अजेहे लोक नादान नहीं हन जो कि ऐसी सिरफिरी हरकताँ करदे हन। कोई वी समझदार आदमी अजेहे काम नहीं कर सकदा। एह ताँ किसे दे जीवन विच डाका मारण दे समान है। जद दो प्रेमी एक-दूजे नूँ प्रेम करदे हन ताँ बुनियादी तौर ते इक-दूजे दी इज्जत वी करदे हन। जिन्हाँ खूबियाँ वजहों किसे दी तरफ़ किसे दी ताँघ, उसदे प्रति इक तरहाँ दा आदर-सतकार हुँदा है। जिसदा जिन्ना ढूँगा आदर हुँदा है उसदा प्रेम वी ढूँगा हुँदा जाँदा है। जिस नाल समाज दे उतार-चढ़ाव नूँ समझण अते उस दे पार उतरण विच वी इक-दूजे दी मदद मिलदी है। एही वजह है कि हर कोई इक सुलझे होये स्वैनिर्भर शख्स नाल जुड़ना चौंहदा है, क्योंकि इस विच ही सरलता अते पूरणता दा अहसास हो सकदा है।
बाबा नानक वी सच्चे प्रेम दी ढूँगाई, समर्पण अते भाव नूँ दर्शाैंदे होये कहँदे हन कि सच्चे प्रेम विच अपणे प्रीतम दे अलावा किसे होर दा कोई खयाल वी नहीं रहँदा। एत्थों तक कि अपणी मौजूदगी दा होश वी नहीं रहँदा।
बाबा नानक सच्चे प्रेम दा बखान करदे होये आखदे हन-
प्रीति न करनी आपणी।
जो दीजे तिस का हो रहिए
भाव एह है कि अपणे प्रीतम दे प्रति पूरण समर्पण अते उसदे हर फ़ैसले नूँ स्वीकार करणा ही सच्चा प्रेम है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
