मिट्टी दी खुशबू: शुकर रब दियाँ बेपरवाहियाँ नूं

राजेश चड्ढ़ा
सत्रहवीं-अट्ठारहवीं सदी विच पँजाबी सूफ़ी कवि वारिस शाह ने बहोत प्रसिद्ध हीर-राँझा वरगी महाकाव्य दी रचना कीती सी। हालाँकि, इस कहाणी नूँ कई दूजे कवियाँ द्वारा वी दोहराया गया है, जिन्हाँ विचों सब तों पहलाँ सोलहवीं सदी विच दामोदर दास द्वारा लिखेया गया सी। जेड़ी इक चश्मदीद गवाह दे बयान ते आधारित सी। अज वी इस मशहूर प्रेम कहाणी दे सारे किरदार अपणी वखरी अते मज़बूत पछाण रखदे हन।
हीर अते राँझे दी इस कहाणी विच इक मौलवी अते रांझे दा भाँवे कोई सिधा संवाद नहीं है पर इस मौलवी दी भूमिका हीर दे परिवार नूँ राँझे तों वख करण विच महत्वपूर्ण रही सी। हीर ते दबाव पा के उस नूँ राँझे तों जुदा करण विच एस मौलवी दी बहोत वड्ढी भूमिका मन्नी जाँदी है। एह मौलवी, हीर दा व्याह सईदा खेड़ा नाँ दे किसे दूजे बँदे नाल करण लयी हीर दे परिवार नूँ मनौंदा है, जिस वजहों राँझे दा दिल टूट जाँदा है। मौलवी अते हीर दा परिवार, मिल के हीर दा व्याह सईदा खेड़ा नाल करवौण दा फैसला करदे हन। इस वजहों हीर उते समाजिक अते परिवारिक दबाव बनौण विच इस मौलवी दी भूमिका महत्वपूर्ण मन्नी जाँदी है। एही वजह रही जिस नाल राँझा अते हीर वख-वख हो गये।
वारिस शाह ने मौलवी अते राँझे दे विच सवालाँ-जवाबाँ नूँ शानदार शैली विच रचेया है।

मौलवी दा पहला सवाल-
मुल्लां आख्या चूनियांचूंड्यां देखद्यां ई ग़ैर शर्हा तूं कौन हैं दूर हो ओए।
एथे लुच्यां दी काई जा नाहीं ,पटे दूर कर हक्क मनज़ूर हो ओए।
अनलहक्क कहावना किबर करके, ओड़क मरेंगा वांङ मनसूर हो ओए।
वारिस शाह ना हिंग दी बास छुपदी, भावें रसमसी विच्च काफ़ूर हो ओए।
मुल्ला ने राँझा ना दे कुआरे मुंडे दे मत्थे दे उलझे होये वालाँ वल वेखदेयाँ केहा कि निक्कियाँ-निक्कियाँ गलाँ करण वाला तूँ कौण हैं अते कित्थों आया हैं? इत्थे तेरे वरगेयाँ दी कोई थाँ नहीं है, इसलयी अपणे अहंकार नूँ दूर कर अते अल्लाह नूँ स्वीकार करके इत्थों चला जा। जेड़े लोक अनलहक (मैं अल्लाह हाँ) कहँदे हन, मँसूर वाकण मारे जाँदे हन। तूँ किन्ना वी छुपौण दी कोशिश कर, तेरी हौमै तेरे मुख ते साफ़ दिस रही है इसलयी अल्लाह नूँ मन्न अते इत्थों चला जा।

राँझे दा जवाब-
दाड़्ही शेख़ दी अमल शैतान वाले, केहा राण्यो जांद्यां राहियां नूं।
अग्गे कढ कुरान ते बहे मिम्बर ,केहा अड्यो मकर दियां फाहियां नूं।
एह पलीत ते पाक दा करो वाकिफ़, असीं जाणीएं शर्हा गवाहियां नूं।
जेहड़े थांयों नापाक दे विच्च वड़्यों, शुकर रब दियां बेपरवाहियां नूं।
वारिस शाह विच्च हुजर्यां फ़िअल करदे, मुल्ला जोतरे लांवदे वाहिया नूं।

वारिस शाह दे राँझे ने आध्यात्मिक प्रेम नाल अल्लाह दी पाकीज़गी नूँ जोड़देयाँ मौलवी नूँ आखेया कि शैतान वरगे लोक अपणी दाढ़ी वधा के दूजे लोकाँ नूँ को धोखा दिंदे हन, पर अजहे लोक सही राह ते नहीं हन। एह कुरान दियाँ गल्लाँ ताँ करदे हन, पर उन्हाँ दे दिल विच मोहब्बत दी थाँ ते धोखेबाज़ी हुँदी है। राँझा फेर आखदै कि जेड़े लोक पवित्र अते अपवित्र दे विच दा फ़र्क नहीं जाणदे, उन्हाँ नूँ सही अते गलत दे विच दा फ़र्क वी नहीं पता हुँदा। जो लोक रब दी मेहर तों बेपरवाह हो जाँदे हन, ओ ही सच्चे मोमिन हन। सूफ़ी वारिस शाह आखदे हन कि सच्चा प्रेम अते समर्पण ही अल्लाह दी प्राप्ति दा सही राह है।

मौलवी आखदा है-
घर रब दे मसजिदां हुन्दियां ने, एथे ग़ैर शर्हा नाहीं वाड़ीए ओए।
कुत्ता अते फ़कीर पलीत होवे, नाल दुर्र्यां बन्न्ह के मारीए ओए।
तारक हो सलात दा पटे रक्खे, लब्बां वाल्यां मार पछाड़ईए ओए।
नीवां कपड़ा होवे तां पाड़ सुट्टीए, लब्बां होन दराज़ तां साड़ीए ओए।
जेहड़ा फ़िका असूल दा नहीं वाकिफ़, उहनूं तुरत सूली उत्ते चाड़्हीए ओए।
वारिस शाह ख़ुदा द्यां दुशमणां नूं, दूरों कुत्त्यां वांग दुरकारीए ओए।

राँझे दी गल सुण के मौलवी आखदा है कि मस्जिद अल्लाह दा घर है, पर सच्ची मस्जिद दिल है, जित्थे अल्लाह दे अलावा किसे होर दी कोई गुंजाइश नहीं है। जेकर उन्हाँ दे इरादे अते नियत ठीक ना होवे ताँ इक कुत्ता अते इक फ़कीर दोवें ही अपवित्र हो सकदे हन। मौलवी दे ज़रिये वारिस शाह कहँदे हन कि जेड़े लोक नमाज पढ़दे हन पर उन्हाँ दे दिल विच घमँड अते दिखावा है, अजहे लोक अल्लाह दी नजर विच गिर जाँदे हन। जो लोक अपणे बाहरी कपड़ेयाँ नूँ साफ रखदे हन पर उन्हाँ दे दिल अते इरादे गंदे हन, ऐसे लोक अल्लाह दी मेहरबानी तों से वाँझे हो जाँदे हन। जेड़े लोक सच्चे प्रेम अते समर्पण दे उसूलाँ नूँ नहीं जाणदे, उन्हाँ नूँ सजा मिलणी लाजिम है। अल्लाह दे दुश्मनाँ नूँ दूर तों ही कुत्तेयाँ दे वाँग भजा देणा चाहिदा है।

मौलवी दी गल सुण के रांझा आखदा है-
सानूं दस्स नमाज़ है कासदी जी, कास नाल बणाय के सारिया ने।
कन्न नक नमाज़ दे हैन कितने, मत्थे किन्हां दे धुरों इह मारिया ने।
लम्बे कद्द चौड़ी किस हान दी है, किस चीज़ दे नाल सवारिया ने।
वारिस शाह दा राँझा मौलवी नूँ जवाब दिंदेयाँ आखदा है कि मैनूँ ए दस्सो कि नमाज दा असल मकसद की है? ए नमाज सिर्फ़ काज़ा यानी पवित्रता लयी है? इसदी शकल सूरत कीदे वरगी है? इस नमाज दे अपणे ताँ कन्न अते नक्क दी कोई खबर नहीं है, पर सारे अपणे मत्थे नूँ ज़मीन ते रखके नमाज पढ़दे हन। इस नमाज दा कद किन्ना कू लम्बा है? चौड़ी छाती किस दे हाण दी है? ए सब किस कम दा जेकर दिल साफ़ नहीं। वारिस शाह आखदे हन कि जिंदगी दी सच्चाई अते अल्लाह नूँ समझण लयी एह बाहरी दिखावा कोई मायने नहीं रखदा।
मौलवी राँझे नूँ जवाब दिंदेयाँ कहँदा है-
असां फ़िक्का असूल नूं सही कीता, ग़ैर शर्हा मरदूद नूं मारने आं।
असां दस्सने कंम इबादतां दे पुल सरात तों पार उतारने आं।
फरज़ सुन्नतां वाजबां नफल वितरां, नाल जायज़ा सच नितारने आं।
वारिस शाह जमायत दे तारकां नूं, ताज़्यान्यां दुर्र्यां मारने आं।

वारिस शाह दा मौलवी कह रेहा है कि मैं ही हाँ जिस ने सच्चे प्रेम अते समर्पण दे उसूल नूँ अपणाया है, अते मैं उन्हाँ लोकाँ नूँ दुरुस्त करदा हाँ जेड़े अल्लाह दे अलावा किसी होर दी इबादत करदे हन। मैं लोकाँ नूँ दसदा हाँ कि सच्ची इबादत की है? उन्हाँ लोकाँ नूँ अल्लाह दे दरबार विच पेश होण लयी स्वर्ग अते नरक दे विचले पुल तों पार उतरण दा राह दिखौंदा हाँ। वारिस शाह कहँदे हन कि मैं अपणा फर्ज निभौंदे होये सच्चाई अते नियमाँ दे नाल सारेयाँ नूँ रब दी राह ते ल्यौण दी कोशिश करदा हाँ।
राँझे वलों जवाब दिंदेयाँ वारिस शाह आखदे हन-
बास हलव्यां दी ख़बर मुरद्यां दी नाल दुआई दे जींवदे मारदे हो।
अन्न्हे कोड़्हआं लूल्यां वांग बैठे, कुर्हा मरन जमान दा मारदे हो।
शर्हा चाय सरपोश बणायआ जे, रवादार वड्डे गुन्हागार दे हो।
वारस शाह मुसाफरां आयां नूं, चल्लो चली ही पए पुकारदे हो।
राँझे दे जरिये वारिस शाह कहँदे हन कि सिर्फ़ भौतिक चीजाँ दी खबर रखण वाले ज्यौंदेयाँ नूँ मार दिंदे हन अते मरेयाँ लयी दुआवाँ करदे हन। जेड़े लोक अन्ने, बहरे अते अपाहिजाँ वाँग बैठे हन अजहे लोक कयामत दे दिन दी तैयारी वी नहीं कर सकदे। वारिस शाह आखदे हन कि शरीअत नूँ इक पर्दे वाँग इस्तेमाल करण वाले सब तों वड्ढे पापी हन। अजहे लोक सिर्फ़ दिखावे लयी चँगे कम्म करदे हन।
वारिस शाह कहँदे हन कि मैं मुसाफिराँ नूँ बुला के चलना शुरू करण लयी आखदा हाँ, क्योंकि इस जीवन दी यात्रा विच सारेयाँ नूँ अग्गे वल ही वधना है।
मौलवी नूँ राँझे दियाँ एह सारियाँ गल्लाँ कुफ़्र लगदियाँ ने अते मौलवी आखदा है-
मुल्लां आख्या नामाकूल जट्टा, फ़ज़र कट्ट के रात गुज़ार जाईं।
फ़ज़र हुन्दी थों अग्गे ही उठ एथों, सिर कज्ज के मसजदों निकल जाईं।
घर रब्ब दे नाल ना बन्न्ह झेड़ा, अज़ग़ैब दियां हुजत्तां ना उठाईं।
वारिस शाह ख़ुदा दे ख़ान्यां नूं, इह मुल्ला भी चम्बड़े हैन बलाईं।
मौलवी कहँदा है कि हे मूरख जट्ट, एह रात गूज़ार अते अज़ान होण तों पहलाँ उठके, मुँह ढक के मसीत तों निकल जा। जेड़ा रब नूँ ना मन्न के कुफ़्र दियाँ गल्लाँ करदा है अते रब दे रूप तों नावाकिफ़ है, अजेहा इन्सान काफिर सदींदा है।

मुल्ला दी एह गल सुण के राँझा मसीत चों निकल के नदी ते पहुँच जाँदा है। इस गल नूँ विस्तार दिंदेयाँ वारिस शाह कहँदे हन-
चिड़ी चूहकदी नाल जां टुरे पांधी, पईआं दुध दे विच्च मधाणियां नी।
उठ ग़ुसल दे वासते जा पहुते, सेजां रात नूं जिन्हां ने माणियां नी।
रांझे कूच कीता आया नदी उते, साथ लद्द्या पार मुहाण्यां ने।
वारिस शाह मियां लुड्डन वडा कुप्पन, कुप्पा शहद दा लद्द्या बाणियां ने।
वारिस शाह दे कहण दा भाव एह है कि इक चिड़ी जो अपणे चूज़ेयाँ दे नाल घुमदी है, दूध विच शक्कर वाँग मिल जाँदी है यानी सच्चा प्रेम अल्लाह दे नाल इक-मिक हो जाँदा है। जो रात नूँ प्रीतम दी याद दी सेज उते सुत्ता होवे उस नूँ अल्लाह दी याद विच उठण दी लोड़ नहीं है। एह सोच के प्रेमी रांझा अपणे अहँकार दे वजन नूँ छड के नदी दे किनारे आ के खड़ा हो जाँदा है। वारिस शाह आखदे हन कि अजेहे प्रेमी बड़भागे हन, जिन्हाँ ने अपणे अंदर प्रेम दे शहद दा भंडार भर रखेया है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं