राजेश चड्ढ़ा.
बाबा नानक आखदे हन-उस नूँ मँदा क्यों केहा जाए, जिसदी कुख तों राजा तक जन्म लैंदे हन। जिस नाल पीढ़ियाँ अगे वधदियाँ हन उस नूँ नीवाँ नहीं केहा जा सकदा। औरत नाल सँसार दा हर रिश्ता जुड़ेया है। रब्ब तों अलावा सिर्फ़ औरत ही है जिसदे बगैर कोई जन्म वी नहीं लै सकदा। इन्हाँ सँस्काराँ नाल खुशहाल पँजाबी साहित्य दी मूल पछाण लँबे अरसे तक कविता, लोकगीत, किस्सागोई, सूफ़ी-परंपरा अते वीर-गाथावाँ ते आधारित रही है। किस्से-जिवें हीर-रांझा, सोहणी-महिवाल, मिर्ज़ा-साहिबा ने कथा-वाचन दी परँपरा नूँ मज़बूत कीता है, पर मनोवैज्ञानिक अते सामाजिक दृष्टि रचित विधा आधुनिक उपन्यास दा विकास बहुत देर बाद होया। उन्नीसवीं सदी दे अखीरी दहाकेयाँ विच जद पँजाब विच शिक्षा, छापाखाना, सुधार लहर अते आधुनिक सोच फैलायी गयी, तद पँजाबी गद्य नूँ इक नवें रूप दी लोड़ महसूस होयी। इस इतिहासिक पल ते पँजाबी उपन्यास शैली दा जन्म होया। इस विधा दे उभार दे के केंद्र विच भाई वीर सिंह सन जिन्हाँ दा जन्म 1872 विच होया सी। उन्हाँ नूँ न सिर्फ़ पँजाबी दा पहला उपन्यासकार मनेया जाँदा है, सगों आधुनिक पँजाबी गद्य दी नींव रखण वाला शिल्पी वी मनेया जाँदा है।
भाई वीर सिंह खालसा पुनर्जागरण, धार्मिक सुधार, भाषाई-विकास अते साहित्यिक मौलिकता दा प्रतीक सन। उन्हाँ दा साहित्य इस तथ दा प्रमाण है कि पँजाबी समाज न सिर्फ़ लोक भावनावाँ दा वाहक है, सगों आधुनिक मानवी संवेदनावाँ नूँ प्रगट करण विच वी समर्थ है।
श्री गुरु नानकदेव जी आखदे हन-
‘सो क्यो मंदा आखीऐ, जित जम्मे राजान।’
इस विचार नूँ आधार बणौंदेयाँ, 1898 विच भाई वीर सिंह द्वारा रचेया गया पहला उपन्यास ‘सुँदरी’ पँजाबी साहित्य दे इतिहास विच मील दा पत्थर मनेया जाँदा है। एह न सिर्फ़ इक कहाणी है, सगों सभ्याचार, इतिहास, धर्म अते नारी-शक्ति दा इक रूप है। इस उपन्यास ने एह साबित कीता कि पँजाबी वी इक पूर्ण, आधुनिक, कलात्मक उपन्यास नूँ जन्म दे सकदी है।
सुँदरी दी कथा दा रँग उस वेले चढ़दा है जदों पँजाब मुगल-सिख टकरावाँ दे तूफ़ानाँ विच डोल रेहा सी। धरती अस्थिर, लोक-जीवन बेचौन अते औरताँ दी हालत होर वी नाज़ुक अते ख़तरनाक सी। रूहाँ दे अँदर डर दा धुआँ सी, ते हवावाँ विच फ़सादाँ दी गँध भरी होई सी।
अजहे उथल-पुथल दे दौर विच, इक साधारण जेही औरत सुँदरी दा हौंसला, उसदे पवित्र आत्मसम्मान अते उसदी रूहानी मज़बूती नूँ वखरा बनौण दा कम भाई वीर सिंह ने कमाल दी फ़नकारी नाल कीता। उन्हाँ दे शब्दाँ विच सुँदरी न सिर्फ़ किरदार है, सगों इक ज्योति है, जो हनेरे समय विच वी इँसानियत, बहादुरी अते रब्बी नूर दा सबक पढौ़ंदी है।
इस उपन्यास विच भाई वीर सिंह ने अपणे किरदाराँ राहीं समाज दियाँ मुश्किलाँ, डर, टकराव अते रूहानियत दे विच इक वखरा अते शानदार सँतुलन बणाया है। सुँदरी हौसले वाली, दिलेर अते नैतिक तौर ते मज़बूत नौजवान औरत है। अपणे अगवा होण तों बाद वी, मुश्किल हालाताँ विच अपणी पछान, अपणे धरम अते अपणे मान-सनमान नूँ सुँदरी ने कदे नहीं छडेया। उपन्यास विच उस दा इक बहुत ही दिल नूँ छूण वाला सँवाद है-
‘जिस आत्मा नूँ गुरु दा उजाला मिल जावे, ओ फेर कदे हनेरे अग्गे सिर नहीं झुकौंदी। दुनिया ताँ कैद कर सकदी है, पर मन दा दरवाज़ा तां सिर्फ़ वाहिगुरू ही बंद जा खोल सकदे हन।’
एह सँवाद न सिर्फ़ सुँदरी दे चरित्र दा प्रकाश है, सगों सारे पँजाब दी रूह, उस दा सबर अते उस दे अटूट विश्वास दा निचोड़ वी है। जद अगवा करण वाला सुँदरी नूँ मनौंदा है अते कहँदा है कि तूँ चाहवें ताँ राणी वाँग वी रह सकदी हैं, ताँ सुँदरी अटूट विश्वास नाल मुस्कराँदे होए आखदी है-
‘राणी बण के जीण दा की फ़ायदा, जदों रूह ही कैद हो जावे’
एह इक पंक्ति ही उपन्यास नूँ मनोवैज्ञानिक ढूँगाई दे दिंदी है। सुँदरी विच जिथे इक पासे कहाणी दा सजीव बहाव है, उथे दूजे पासे किरदाराँ दी रूहानी यात्रा, समाज दा पिछोकड़ अते औरत दे मन दा न सिर्फ़ नाज़ुक, सगों ताक़तवर चित्रण मिलदा है।
भाई वीर सिंह ने सिर्फ़ कहाणी ही नहीं कही, उन्हाँ ने उपन्यास नूँ नैतिकता, रूहानियत अते समाजिक चेतना दे नाल रल-मिल के इश्क़-ए-हक़ीक़ी दी महक बख्शी है।
सुँदरी उस हर औरत दे दिल दी गल बोलदी है जेड़ी अपणे वकत तों कई क़दम अग्गे दी सोच रखदी है, जेडी देह तों ज़्यादा अपणी रूह दी आज़ादी नूँ पछाणदी है। सुँदरी दा सब तो वड्ढा कमाल एह है कि इसने पँजाबी अदब विच औरत नूँ न सिर्फ़ कहाणी दा किरदार बणाया, सगों रूहानी टकराव अते तबदीली दी असल ताक़त बना दित्ता। सुँदरी अपने हौंसले नाल न सिर्फ़ अपणे आप नूँ बचौंदी है, सगों होर औरताँ लयी वी चानण दा दीवा बण जान्दी है। इस रूहानी मँज़र विच सुंदरी दा इक बोल बहुत डूँगा ते असरदार लगदा है-
‘इक औरत सिर्फ़ घर दी इज्ज़त नहीं, समाज दी रूह वी है। जे रूह ही गिर जाये, ताँ समाज नूँ कौण उपर लै के जायेगा?’
सुँदरी दे एह बोल अज वी रूह तक पहुँचण वाले हन। अज वी ओही नूर बख्शदे ने, ओही सच्च दी महक रखदे ने, जो उस वक़्त रखदे सन।
सुँदरी दे प्रकाशित होण दे नाल ही पँजाबी उपन्यास दा रुख इस तरहाँ साफ़ हो गया, जिवें किसी दरवेश ने रस्ता दिखा दित्ता होवे। उस तों बाद नानक सिंह, अमृता प्रीतम, गुरदियाल सिंह अते होर कई फ़नकार इस राह नूँ अपनी रूह दा रँग देण लगे, अते उपन्यास विधा आसमानी उच्चाइयांँ तक चढ़दी गयी।
नानक सिंह ने समाज दा नंँगा सच बयान कीता, अमृता ने औरत दे दिल दी तड़प ते वँड दी स्वाह विच चानण लभेया अते गुरदियाल सिंह ने पिंडाँ दी मिट्टी, दुख-सुख ते जमाती टकराव नूँ उपन्यास दा असल सुर बणा दित्ता। इन्हाँ सारे रूहानी सफ़राँ दा पहला कदम सुंदरी ही बणी।
पँजाबी उपन्यास विधा दी शुरुआत उन्नीसवीं सदी दे अख़ीरी सालाँ विच होयी, अते इस दा सारा जस, मुख तौर ते भाई वीर सिंह नूँ ही मिलदा है। उन्हाँ दा उपन्यास सुंदरी न सिर्फ़ पहला आधुनिक पँजाबी उपन्यास है, सगों इक रूहानी नगाड़ा है, जिस दे नाल पँजाबी समाज दे सभ्याचारक जागरण दा सवेरा होया। इस उपन्यास विच औरत दी ताकत दी लौ वी है, हौंसले दा नूर वी है, धरम दी खुशबू वी है, प्रेम दी ढुँगाई वी है अते इँसानी कीमताँ दा सुमेल वी है , जेड़ा अदब नूँ इक नवें ज़मानें विच दाख़िल करदा है। एही वजह है कि सुँदरी नूँ पँजाबी उपन्यास परँपरा दा पहला दीवा केहा जाँदा है, जिस दी रौशनी विच अग्गे दा सारा सफ़र चानण होया अते सारा अदबी रस्ता रूहानी रोशनी नाल भर गया।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
