राजेश चड्ढ़ा.
महेंद्र सिंह रंधावा पंजाबी बौद्धिक परंपरा दा अजेहा नां है, जेड़ा साहित्य, संस्कृति, खेती अते पर्यावरण-इन्हां सारेयां नूं इक-दूजे नाल जोड़ के देखदा है। उन्हां दी लिखत असल भाव विच साहित्यिक गद्य है, पर अजेहा गद्य जेड़ा कदी-कदी कविता दी लय नूं वी छू लैंदा है। उन्हां दी भाषा विच कोई आडंबर अते भावनात्मक शोर नहीं है, सगों धरती वांगू ठहरी होयी, गहरी अते मर्यादित गंभीरता है। केहा जांदा है कि मिट्टी नाल जो रिश्ता बचपन विच जुड़ जावे, ओह उम्र भर मनुख नूं भटकण नहीं दिंदा। अजेहे डॉ महेंद्र सिंह रंधावा पंजाबी साहित्य अते भारतीय प्रशासन दे ओह व्यक्तित्व सन, जिन्हां ने कलम अते क़ानून, दोआं नूँ बराबर साध के रख्या। ओह सिर्फ़ लेखक नहीं सन सगों इक संवेदनशील प्रबंधक, इतिहास-चेतना नाल भरपूर चिंतक अते लोक-सभ्याचार दे चेतवान राखे वी सन। उन्हां दी ज़िंदगी इस गल दी मज़बूत मिसाल है कि प्रबंधक सेवा विच रहंदे होए वी साहित्य, कला अते मनुखी मूल नूँ खुशहाल कीता जा सकदा है।
डॉ महेंद्र सिंह रंधावा दा जन्म 1909 ईस्वी विच पंजाब दे सँगरूर ज़िले दे पिंड बदरुखां विच होया। पंजाब दी पेंडू सभ्याचारक धरती ने बचपन तो ही उन्हां दे व्यक्तित्व नूँ आकार दित्ता। उन्हां ने अपणी शुरूआती पढ़ाई मुकत्तसर तो कीती अते बाद विच गवर्नमेंट कॉलेज लाहौर तो एम एस सी (बॉटनी) दी डिग्री हासिल कीती। सन 1934 विच आई सी एस चुणे गए। उन्हां दी वैज्ञानिक सोच अते प्रबंधकी समझदारी ने उन्हां नूँ बाक़ी अफ़सरां तों वक्खरा कर दित्ता।
इतिहास, समाज अते दर्शन वरगे विषयां विच उन्हां दा गहरा रुझान रेहा, जेड़ा बाद विच उन्हां दी साहित्यिक लिखत अते प्रबंधकी सोच दा बुनियादी आधार बणेया। डॉ. महेंद्र सिंह रंधावा इक अजेही बहु-पक्खी शख़्सियत सन, जिन्हां ने पंजाब, पंजाबी ते पंजाबियत दी सेवा लयी अपणी पूरी ज़िंदगी ला दित्ती।
1947 दी वंड ने पंजाब नूँ लथ-पथ कर दित्ता सी। लक्खां लोग बेघर हो के चढदे पंजाब आए सन। उस वेले डॉ. रंधावा नूँ पुनर्वास कमिश्नर तैनात कीता गया। उन्हां ने रात-दिन इक करके रिफ्यूजियां नूँ ज़मीनां अलाट कीतियां। उन्हां ने गार्डन कॉलोनियां विकसित कीतियां ताकि किसान खेती दे नाल-नाल बाग़बानी विच वी तरक्की कर सकण। उन्हां दी दूरअंदेशी सदके ही पंजाब दी खेती-बाड़ी नूँ इक नवीं दिशा मिली।
डॉ. रंधावा दा साहित्यक सफ़र उन्हां दी प्रबंधकी मसरूफ़ियत दे बावजूद जारी रेहा। उन्हां नूँ पंजाबी सभ्याचार दा राखा वी केहा जांदा है। उन्हां ने पंजाब दे पिंड-पिंड जा के लोक-गीतां नूँ इकट्ठा कीता। उन्हां दियां मशहूर पुस्तकां विच श्पंजाब दे लोक गीतश् इक मील पत्थर पुस्तक है। उन्हां दा मनणा सी कि जेकर लोक-गीत मर गए, तां कौम दी रूह मर जायेगी। उन्हां दियां कुज प्रमुख साहित्यक ते कला रचनावां हन-
पंजाब दे लोक गीत: इस विच उन्हां ने व्याह अते मेलेयां दे गीतां नूँ संभालेया है।
कांगड़ा पेंटिंग्सरू इस किताब दे ज़रिये उन्हां ने पहाड़ी चित्रकला नूँ दुनिया दे नक्शे ते लेयांदा है।
कुल्लू दी कविता: इस विच पहाड़ी सुहपण ते लोक जीवन दा सुंदर चित्रण है।
आपबीती: एह उन्हां दी स्वै-जीवनी है, जो पंजाब दे इतिहास दा दस्तावेज़ है।
चंडीगढ़ शहर नूँ सिटी ब्यूटीफ़ुल बणौण विच डॉ. रंधावा दा वड्डा हथ है। डॉ रंधावा चंडीगढ़ दे पहले मुख कमिश्नर सन। उन्हां ने शहर दी रूप-रेखा विच दरख़्तां, फुल्लां ते पार्कां नूँ खास थां दित्ती। अज्ज जो असीं चंडीगढ़ विच रोज़ गार्डन, लीज़र वैली ते वक्ख-वक्ख सड़कां ते रंग-बिरंगे दरख़्त देखदे हां, एह सब डॉ. रंधावा दी ही सोच दा नतीजा हन। उन्हां ने चंडीगढ़ विच म्यूज़ियम ते आर्ट गैलरी दी स्थापना करवा के कला नूँ संभालेया। महेंद्र सिंह रंधावा अपणे आप विच पंजाब दी धरती, उसदे दरियावां, उसदे सभ्याचार अते उसदे जीवन-रस नूँ जोड़ के बहंदी इक ज़िंदा धारा सन। इस वजहों डॉ रंधावा नूं पंजाब दा छेवां दरिया वी आखेया जांदा है।
डॉ. रंधावा दा पंजाबियत नाल एह मोह महज दिखावा नहीं सी। उन्हां ने खुद पंजाबी विच सोचेया, पंजाबी विच लिखेया अते पंजाब दी मिट्टी नाल जुड़े रहे। उन्हां ने पंजाबी लेखकां ते कलाकारां दी हमेशा पिट्ठ थप्पी। पंजाबी साहित्य अकादमी लुधियाना दी इमारत उन्हां दी कोशिश नाल ही मुकम्मल हुई। उन्हां ने प्रीतलड़ी वरगे रिसालेयां अते सरदार गुरबख्श सिंह प्रीतलड़ी वरगे लेखकां नाल मिल के पंजाबी मां-बोली दी सेवा कीती।
डॉ. रंधावा दी शख्सियत विच सादगी अते सलीका सी। ओह इक अजेहे कलम ते हल दे संगम सन, जिन्हां ने इक हत्थ नाल प्रबंधकी चलायी अते दूजे नाल कलम फड़ी। उन्हां दी लिखत विच गहराई अते वैज्ञानिक सचाई हुंदी सी। उन्हां ने कदे वी अपणे रुतबे दा हंकार नहीं कीता, सगों हर आम बंदे लयी उन्हां दे बूहे हमेशा खुले रहंदे सन।
1986 विच पंजाब दा एह अनमोल हीरा साडे तों बिछुड़ गया। पर उन्हां द्वारा कीते गए कारज अज्ज वी सानूँ प्रेरणा दिंदे हन। अज्ज जदों असीं पंजाब दी हरी-भरी धरती, चंडीगढ़ दे सुहावने पार्क या पंजाबी लोक-गीतां दी गूंज सुणदे हां, तां सानूँ डॉ रंधावा दी याद ज़रूर औंदी है।
डॉ. महेंद्र सिंह रंधावा इक संस्था सन। उन्हां ने पंजाब नूँ सिर्फ़ रोटी ही नहीं, सगों साहित्य ते कला दी रूहानी खुराक वी दित्ती। उनहां दी विरासत एह सिखौंदी है कि जेकर शब्द धरती नाल जुड़े रहण, तां ओह कदी बंजर नहीं हुंदे।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
