राजेश चड्ढ़ा.
नानक नाम दा अर्थ है, उह जो एकाग्र है, इक परमात्मा नूं वेखदा है, मनदा है अते द्वैत नहीं वेखदा। 14वीं-15वीं सदी विच परगट होण वाले सिख धर्म दे बानी श्री गुरु नानकदेव जी साढे सिख धर्म दे पहले गुरु हन। नानक वरगी शख्सियत विच दार्शनिक, योगी, गृहस्थी, धार्मिक सुधारक, समाज सुधारक, कवि, देशभगत अते सारे संसार दे मितर वरगे सारे गुण सन।
गुरु नानक देव जी ने केहा सी कि परमात्मा सबदा पिता है, इस लयी सब नूं प्रेम करना चाहिदा है। गुरु नानक देव जी ने केहा सी कि ईमानदारी नाल करम करण वाला व्यक्ति हमेशा तरक्की दे राह ते अग्गे वधदा है।
गुरु नानक देव जी ने कुदरत दी महता नूं अपणे शबदा विच समझाया है। गुरु नानक देव जी निर्गुण उपासना विच विश्वास रखदे सन अते सारे धर्मा विच सद्भावना दे समर्थक सन।
बाबा नानक कहन्दे हन-
एक ओंकार सतिनाम, करता पुरखु निरभऊ।
निरबैर, अकाल मूरति, अजूनी, सैभं गुर प्रसादि ।
रब इक है। उह ही है जो सच दी रचना करदा है। उसदी कोई शकल नही है। उह जनम अते मरण तो परे है। उसदा नाम जपन नाल सदा उसदी बरकत मिलदी है।
साचा साहिबु साचु नाइ
भाखिआ भाउ अपारू।
आखहि मंगहि देहि देहि
दाति करे दातारू।
रब सच्चा है अते उसदा नाम वी सच्चा है। वख-वख धर्मां अते विचारा विच रब नूं वखो-वखरे नाम दिते गये हन, पर उह इक है। असीं सारे उसदी दया दे हकदार हां। प्रभु सानूं साढे करमां अनुसार बख्शीशां दिंदा है।
गुरमुखि नादं गुरमुखि वेदं। गुरमुखि रहिआ समाई।
गुरू ईसरू गुरू गोरखु बरमा। गुरू पारबती माई।
गुरू दी बाणी ही शब्द अते वेद हन। प्रभु इन्हां शबदां विच गुरुवाणी दे रूप विच वसदा है। गुरू ही शिव है, गुरु ही विष्णु है, गुरु ही ब्रह्मा है। गुरु ही माता पार्वती है। गुरु उस रूप विच है जिस विच तूं गुरू दी भगती करदा हैं।
करमी आवै कपड़ा। नदरी मोखु दुआरू।
नानक एवै जाणीऐ। सभु आपे सचिआरू।
सानूं साढे करमां अनुसार ही शरीर मिलदा है। जे असी मुक्ती चौंहदे हां, तां असी इह परमात्मा दी किरपा नाल ही प्राप्त करांगे। इस लयी अपणे सारे भरम-भुलेखेयां दा नाश करके सानूं रोज़ाना अते निरंतर परमात्मा दा विचार करदे रहणा चाहिदा है।
ऐसा नामु निरंजनु होइ।
जे को मंनि जाणै मनि कोइ।
परमात्मा दा नाम सिमरन दा आनंद केवल सिमरन वाला ही बयान कर सकदा है। उस खुशी नूं होर कोई बयान नहीं कर सकदा।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
