राजेश चड्ढ़ा
‘ओए भाई, असीं तां कलम दे मज़दूर हां। सड़कां ते ट्रकां दी धूड़ छाण के जो सच लब्भेया, ओही पन्नेयां ते उकेर दित्ता। जेकर सच कड़वा है, तां एह साडा कसूर नहीं, एह तां उस वक्त दी रूह दा रोणा है। साडी कलम तां ओही बोलेगी जो साडियां अक्खां ने सड़कां दे किनारे बिखरेया होया यथार्थ देख्या है।’
अणख, साफ़गोई अते आम आदमी लयी हमदर्दी नाल भरेया एह संवाद है, अपणी कलम नाल पंजाबी उपन्यास अते कहाणी कला नूं नवें आयाम देण वाले मशहूर पंजाबी लेखक बलदेव सिंह दा, जिन्हां नूं दुनिया ‘सड़कनामा’ दे नाम तों जाणदी है। बलदेव सिंह ‘सड़कनामा’ पंजाबी दे अजेहे लेखक हन जिन्हां ने किताबी ज्ञान तों वध जिंदगी दी यूनिवर्सिटी विचों सिखेया है। साहित्य दा आकाश उन्हां ही सितारेयां नाल रोशन हुंदा है, जिन्हां दी जड़्ह अपनी मिट्टी विच गहरी हुंदी है। बलदेव सिंह ‘सड़कनामा; जी अजेहा ही इक चमकदा नाम हन, जिन्हां दा जन्म 1942 विच पंजाब दी उपजाऊ मिट्टी, मोगा जिले दी बाघापुराणा तहसील दे पिंड ‘चंद नवां’ विच होया।
बलदेव सिंह जी दा जीवन आसान नहीं केहा जा सकदा। उन्हां ने शुरूआती 6 साल अध्यापक दे तौर ते बिताए अते उस तों बाद कलकते विच अपणा ट्रांसपोर्ट दा काम्म शुरू कीता। पर उन्हां दी रूह विच कुज वड्डा लिखण दी तड़प सी। उन्हां ने ट्रक ड्राइवरां दे जीवन नूं नेड़े तों देख्या। उन्हां दे दुख, सुख, लंबियां यात्रावां, परदेस दी तन्हाई अते सड़कां दे किनारे दे जीवन नूं बलदेव सिंह जी ने अपने कॉलमां विच उतारना शुरू कीता। जदों श्अजीतश् अखबार विच उन्हां दा कॉलम ‘सड़कनामा’ छपण लगेया, तां पंजाबी पाठकां विच इक तहलका मच गया। लोक उन्हां दे कॉलम दा बेसब्री नाल इंतज़ार करदे सन। उन्हां ने पहली वार दस्सेया कि सड़कां ते सिर्फ ट्रक नहीं चलदे, सगों ज्यौंदियां-जागदियां कहाणियां चलदियां हन। इस कॉलम दी मकबूलियत ने ही उन्हां दे नाम नाल हमेशा लयी ‘सड़कनामा’ जोड़ दित्ता।
‘सड़कनामा’ विच ड्राइवरां दे जीवन दी बेबसी ते फक्कड़पणे नूं बयान करदे होये बलदेव सिंह लिखदे हन-
‘लोकीं कहंदे ने कि ट्रक ड्राइवर नशई हुंदे ने, पर कोई एह नहीं पुछदा कि हज़ारां मील दी तन्हाई विच बंदा अपणे-आप नाल गल्लां करदा-करदा पागल क्यों नहीं हुंदा?’
बलदेव सिंह जी ने सिर्फ सड़कां दी गल्ल नहीं कीती, सगों उन्हां ने पंजाब दे इतिहास अते सामाजिक मसलेयां नूं वी बहोत गंभीरता नाल रचेया है। ‘ढावां दिल्ली दे किंगरे’ उन्हां दा सबतों मशहूर उपन्यास है, जिस लयी उन्हां नूं 2011 विच साहित्य अकादमी पुरस्कार मिलेया। इस उपन्यास विच उन्हां ने पंजाब दे लोक-नायक दुल्ला भट्टी दे जीवन नूं बिल्कुल नवें नज़रिए नाल पेश कीता। उन्हां ने दस्सेया कि दुल्ला भट्टी सिर्फ़ इक बागी नहीं सी, सगों हक़ दी लड़ाई लड़न वाला इक योद्धा सी। ‘ढावां दिल्ली दे किंगरे’ उपन्यास विच दुल्ला भट्टी जदों मुगल हकुमत नूं ललकारदा है, तां बलदेव सिंह दा दुल्ला भट्टी आखदा है-
‘असीं दिल्ली दे तख्त नूं नहीं मनदे, असीं तां अपणी गैरत नूं मनदे हां। जेकर हक मंगेयां नहीं मिलदा, तां खोहणा साहनूं साडे पुरखेयां ने सिखाया है।’
पंजाब दे किसानां दी बदहाली, खुदकुशियां अते कर्ज़ दे बोझ नूं उन्हां ने अपणे उपन्यास ‘अन्नदाता’ विच बहोत ही करुणा नाल लिखेया है। एह उपन्यास पढ़ के पाठक दी अक्ख नम हो जांदी है। उन्हां ने सवाल कीता कि जो सारी दुनिया दा पेट भरदा है, उह खुद भुक्खा क्यों मर रहा है? खेतीबाड़ी ते कर्ज दे बोझ हेठां दबे किसान दे दर्द नूं बयान करदे बलदेव सिंह आखदे हन-
‘साडे देश दा कानून अजेहा है कि जो दाणे उगौंदा है, उसदे अपणे घर दी चक्की खाली रह जांदी है। असीं श्अन्नदाताश् हां या सिर्फ़ अन्न-गुलाम?’
अपणे किरदार राहीं बलदेव सिंह कहंदे हन-
‘ज़मीन साडी मां है, पर एह मां अज्ज-कल साडे पुत्त खा रही है।’
बलदेव सिंह ने समाज दे उस हिस्से नूं वी अपणी कलम दा विषय बणाया जिस नूं आम तौर ते ‘गंदा’ कह के छड्ड दित्ता जांदा है। उन्हां ने वेश्यावृति दे दलदल विच फंसी औरतां दी जिंदगी नूं श्लाल बत्तीश् उपन्यास विच बहुत ही मानवीय ढंग नाल पेश करदेयां अजहियां औरतां दी मनोदशा लयी किरदार दे ज़रिये बलदेव सिंह आखदे हन-
‘एत्थे शरीर विकदा है, रूह नहीं। पर अफ़सोस एह है कि खरीददार सिर्फ़ मास लब्भण औंदे ने, बंदा कोई नहीं औंदा।’
बलदेव सिंह जी दी सब तों वड्डी ताकत उन्हां दी भाषा है। उन्हां दी बोली विच मालवे दा ठेठ पंजाबी रँग है। उन्हां दे संवाद एने असली लगदे हन जिवें पाठक उन्हां दे किरदारां दे सामने बैठा होवे। उन्हां ने पंजाबी मुहावरेयां ते कहावतां दा बहुत सुथरा प्रयोग कीता है।
बलदेव सिंह ‘सड़कनामा’ जी नूं उन्हां दे साहित्यिक योगदान लयी 2011 विच
भारतीय साहित्य अकादमी पुरस्कार दे अलावा पंजाब सरकार दा शिरोमणि पंजाबी साहित्यकार पुरस्कार अते कनाडा-इंडिया एजुकेशन सोसाइटी दे
ढहान अंतर्राष्ट्रीय पंजाबी साहित्य पुरस्कार नाल नवाज़ेया गया है। इन्हां सब पुरस्कारां तो वी वड्ढा पुरस्कार पाठकां दा प्यार है, जेड़ा उन्हां नूं हर उम्र दे पाठकां तों मिलेया है।
बलदेव सिंह जी ने साहित्य नूं ड्राइंग रूम विचों कड्ड के सड़कां, खेतां ते मज़दूरां दियां झुग्गियां तक पहुंचाया है। उन्हां दी कलम अजे वी निरंतर चल रही है अते सानूं नवें सच दिखा रही है। उन्हां ने सानूं सिखाया है कि लेखक ओही है जो सच लिखण दी जुर्रत रखे। बलदेव सिंह ‘सड़कनामा’ जी एस वेले खन्ना (लुधियाना) विच रह रहे हन। उन्हां दा घर साहित्य दे प्रेमियां लयी इक तीर्थ स्थान वांगू है। 84 सालां दी उम्र विच वी उन्हां दा उत्साह नौजवानां वरगा है। ओह अजे वी लिख रहे हन अते साहित्यिक समागमां विच हिस्सा लैंदे हन। लेखक ने जद टेलीफ़ोन राहीं उन्हां नाल गल कीत्ती तां इंज लगेया जिंवे अज्ज दी दौड़-भज्ज वाली जिंदगी विच उन्हां दा सुनेहा नौजवान पीढ़ी लई इक ‘लाइट-हाउस’ वांगू है। श्सड़कनामाश् जी दा मन्नणा है कि अज्ज दी युवा पीढ़ी विच ‘सबर’ दी भारी घाट है, जदकि साहित्य अते जिंदगी, दोनों ही ठहराव अते गम्भीरता मंगदे हन। उन्हां दी गल विच इक गहरी गूढ़ रम्ज़ लुक्की है कि लेखक नूं कदे वी ‘पुरस्कार’ लई नहीं लिखणा चाहिदा। असली साहित ओही है, जित्थे ‘लिखे’ नूं खुद पुरस्कार मिल जावे, यानी रचना दी ताकत ही उसदा असली सम्मान होवे। एह विचार दस्सदे हन कि बलदेव सिंह जी लयी साहित्य कोरी शोहरत नहीं, सगों इक रूहानी इबादत है।
सफर जारी है, कलम वी अजे रुकी नहीं है,
सच दी एह प्यास, अजे वी मुक्की नहीं है।
पंज-दरयावां दा पाणी, तेरी स्याही विच बोलदा है,
सड़कनामा अज्ज वी, जिंदगी दे भेद खोलदा है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
