राजेश चड्ढ़ा.
जिस दे शब्द सालां तों हर घर अते मंदरां विच गूंजदे रहे हन, दुनिया दे किसी वी कोने विच बसे किसे वी सनातनी हिंदू परिवार विच अजेहा व्यक्ति लभना मुश्किल है जिस दे लिखे शब्द, उस दे ह्रदय विच, बचपन दे संस्कारां विच ना छपे होन। उत्तर भारत तों लै के दक्षिण भारत दे हर घर अते मंदर विच उन्हां दे शब्द पूरी श्रद्धा अते भक्ति नाल गाये जांदे हन। बच्चेयां तों लै के नौजवानां नू होर कुज याद रहे या ना रहे इस दे बोल ऐने सहज, सरल अते भावपूर्ण हन के इक दो वार सुनन तों बाद इस दी हर इक पंक्ति दिल अते दिमाग विच रच-बस जांदी है।
असीं गल कर रहे हां देश अते दुनिया भर दे करोड़ां हिन्दुआं दियां रगां विच मौजूद आरती-ओम जय जगदीश दी। हजारां सालां पहलां साढे़ जाने पहचाने हुए अते अंजान ऋषियां ने रब अगे अरदास करन लयी जो वी बाणी अते भक्ति गीत रचे सन, ओम जय जगदीश दी आरती दे भक्ति प्रवाह ने उन्हां सारेयां नू अपने अंदर जज़्ब कर लेया है। ओम जय जगदीश दी आरती वरगे भावपूर्ण गीत दे रचना करन वाले पं. श्रद्धाराम शर्मा फिल्लौरी दा जन्म 30 सितंबर 1837 नू पंजाब दे शहर लुधियाना दे नेड़े फिल्लौर विच होया सी। उस दे पिता जय दयाल खुद इक चंगे ज्योतिषी सन। उन्हां ने अपने पुत्तर दे भविख नू पढे़या सी अते भविखवाणी कीती सी के एह इक अद्भुत बालक होवेगा।
बालक श्रद्धाराम नू बचपन तों ही धार्मिक संस्कार विरासत विच मिले सन। उन्हां ने सात साल दी उम्र तक गुरुमुखी दी पढाई कीती। दस साल दी उम्र विच संस्कृत, हिन्दी, पर्शियन, ज्योतिष अते संस्कृत दी पढाई शुरु कीती। कुज सालां विच ही पं श्रद्धाराम इन्हां सारेयां विषयां विच निपुण हो गये।
पं. श्रद्धाराम ने पंजाबी (गुरूमुखी) विच ‘सिक्खां दे राज दी विथिया’ अते ‘पंजाबी गलबात’ वरगियां किताबां लिख के लगभग इक क्रांति लेया दिती। अपनी पहली ही किताब ‘सिक्खां दे राज दी विथिया’ नाल पंडित जी पंजाबी साहित्य दे पितृपुरुख दे रूप विच प्रतिष्ठित हो गये। इस किताब विच सिख धर्म दी स्थापना अते इस दियां नीतियां दे बारे, बहुत सारगर्भित रूप नाल समझाया गया है।
इस पुस्तक दे तिन अध्याय हन। इस दे आखिरी अध्याय विच पंजाब दे सभ्याचार, लोक परंपरावां अते लोक संगीत आदि बारे विस्तारपूर्वक जानकारी दिती गयी है। अंग्रेज सरकार ने इस किताब नू आईसीएस (जिस दा भारतीय नाम आईएएस हो गया है) परीक्षा दे सिलेबस विच शामिल कीता सी।
1870 विच उन्हां ने ओम जय जगदीश आरती दी रचना कीती। प. श्रद्धाराम दी विद्वता अते भारतीय धार्मिक विषयां ते उन्हां दी वैज्ञानिक दृष्टि दे लोक कायल हो गये। उन्हां नू वख वख थावां ते धार्मिक विषयां ते भाषण देन लयी बुलाया जांदा सी अते हजारां लोक उन्हां नू सुनन लयी औंदे सन।
पं श्रद्धाराम जदों लोकां दे विच जांदे तां अपनी लिखी ओम जय जगदीश दी आरती गा के सुनौंदे सन। आरती दे बोल लोकां दी जुबान ते ऐस तरह चढ़े के आज कयी पीढियाँ बीत जान तों बाद वी उस दे बोलां दा जादू बरकरार है।
पं श्रद्धाराम ने धार्मिक कथावां दे हवाले दे के अंग्रेजी हुकुमत दे खिलाफ, लोक जागरुकता दा अजेहा माहौल सिरजेया के अंग्रेज सरकार दी नींद उड़ गयी। महाभारत दा हवाला दिंदे होये पं श्रद्धाराम ब्रिटिश सरकार दा तख्ता पलटन दा अते लोकां विच क्रांतिकारी विचार पैदा करन दा संदेश दिंदे सन। 1865 विच अंग्रेज सरकार ने उन्हां नू फिल्लौर तों कढ़ दिता। जदों कि उन्हां दियां लिखियां किताबां स्कूलां विच पढ़ाईयां जांदियां रहियां।
पं. श्रद्धाराम खुद ज्योतिष विद्या दे चंगे माहिर सन अते अमृतसर तों लाहौर तक उन्हां दे प्रशंसक सन, इस लयी इस काढे़ दा उन्हां ते कोयी असर नहीं होया, सगों उन्हां दी प्रसिद्धि होर वध गयी। लोक उन्हां दियां गल्लां सुनन लयी अते उन्हां नू मिलन लयी उतावले हो गये। इस समय दौरान उन्हां ने हिन्दी विच ज्योतिष विज्ञान उते कयी किताबां वी लिखियां।
पं. श्रद्धाराम दे क्रांतिकारी विचारां तों ढूंगे प्रभावित होये इक इसाई पादरी फादर न्यूटन दे दखल कारन, अंग्रेज सरकार नू कुज दिनां विच ही उन्हा दी बर्खास्तगी दा हुकम वापस लैना पेया। पं. श्रद्धाराम ने पादरी दे कहन ते बाईबिल दे कुज हिस्यां दा गुरुमुखी विच अनुवाद कीता सी। पं. श्रद्धराम ने अपने भाषणा राहीं ना सिर्फ़ अंग्रेज सरकार दे खिलाफ लोकां विच इन्कलाब दी मशाल जगायी सगों साक्षरता लयी वी ज़बर्दस्त काम कीता।
आज जिस पंजाब विच सब तों वध भ्रूण हत्यावां हुंदियां हन, इस गल दा एहसास उन्हां नू बहुत पहलां हो गया सी। इस नू लै के 1877 विच श्भाग्यवतीश् नाम दा इक नावल प्रकाशित होया सी (जिस नू पहला हिन्दी नावल मनेया जांदा है) इस नावल दी पहली समीक्षा अप्रैल 1887 विच हिन्दी मासिक मैगज़ीन ‘प्रदीप’ विच प्रकाशित होयी सी। पंजाब समेत देश दे कयी राज्यां दे स्कूलां विच एह कयी सालां तक पढाया जांदा रेहा। इस नावल विच उन्हां ने काशी दे इक पंडत उमादत्त दी बेटी भाग्यवती दे किरदार दे ज़रिये बाल विवाह ते ज़बर्दस्त चोट कीती।
गुरू नानक यूनिवर्सिटी दे हिन्दी विभाग दे डीन अते विभाग मुख श्री डॉ. हरमिंदर सिंह ने पं. श्रद्धाराम दे जीवन अते उन्हां दे द्वारा लिखियां पुस्तकां बारे ज़बर्दस्त खोज कीती है अते श्रद्धाराम ग्रंथावली नू तिन जिल्दां विच प्रकाशित वी कीता है। उन्हां दा मनना है कि पं. श्रद्धाराम दा एह नावल हिन्दी साहित दा पहला नावल है। पर एह सिर्फ़ हिन्दी दा ही पहला नावल नहीं सी वास्तव विच कयी तरीकेयां नाल पहला सी। उन्हां दे नावल दी नायिका भाग्यवती है, जदों उस दी पहली धी दा जन्म हुंदा है तां समाज दे लोक उस दा मजाक उडौ़ंदे हन। उस वेले भाग्यवती अपने पति नू दसदी है कि, किसे लड़के अते लड़की विच कोई फर्क नहीं है। इस नावल राहीं उन्हां ने बाल विवाह वरगी भैड़ी प्रथा ते ज़ोरदार हमला कीता।
उन्हां ने अजेहे समय विच लड़कियां दी शिक्षा दी वकालात कीती जदों लड़कियां नू घरों बाहर तक नहीं जान दिता जांदा सी, पर परंपरावां, माड़ियां रीतां अते रुढियां ते चोट करन दे बावजूद पं श्रद्धाराम लोकां विच हरमन प्यारे बने रहे। उस वक्त इक ऐसा दौर सी कि जदों कोई व्यक्ति वहम-भरम अते धार्मिक रुढियां दे खिलाफ कुछ बोलदा सी तां सारा समाज उसदे विरुद्ध हो जांदा सी।
यकीनन, उन्हां कोल अपने विचार प्रगट करन दी हिम्मत अते लोकां तक अपनी गल पहुँचौन दा अथाह सामर्थ्य सी। उन्हां नू आधुनिक पंजाबी गद्य दा पितामह केहा जांदा है। केवल 13 सालां दी उम्र विच ही उन्हां ने 1850 विच संगीत विशारद दी उपाधि हासिल कर लयी सी।
प्रसिद्ध हिन्दी लेखक अते साहित्यकार पं. रामचंद्र शुक्ल ने पं. श्रद्धाराम अते भारतेंदु हरिश्चंद्र नू हिन्दी दे पहले दो लेखक मनेया है। पं.श्रद्धाराम शर्मा हिन्दी दे ही नहीं सगों पंजाबी दे वी उत्तम साहित्यकारां विचों इक सन, पर उन्हां दा मनना सी कि इस देश दे वध तों वध लोकां तक हिन्दी दे माध्यम राहीं अपनी गल पहुँचाई जा सकदी है। पं. श्रद्धाराम दा निधन 24 जून 1881 नू लाहौर विच होया।
-लेखक आकाशवाणी के पूर्व वरिष्ठ उद्घोषक व जाने-माने शायर हैं
