राजेश चड्ढ़ा.
जदों समाज डूंगे तौर ते इक जुट होन दी थां ते दो जुट अते विभाजनकारी हो जांदा है, जित्थे नफरत वड्डेरे रूप विच फैल जांदी है, जित्थे हिंसा अपनियां सारियां शक्लां विच धर्म अते जात दे आधार ते हुंदी है अते जित्थे धार्मिक स्थान बहुत तनाव अते तकरार दे स्थान बन जांदे हन, ओत्थे लोकां दी सामूहिक चेतना दे दार्शनिक, वैचारिक अते सांस्कृतिक पहलुआं ते मुड़ विचार करन दी लोड़ बहुत वध जांदी है।
अठारहवीं सदी दे पंजाबी सूफी कवि बुल्ले शाह अते उस वलों रची समकालीन, विश्वव्यापी अते मानवतावादी परंपरा इसलयी संसार विच वध रहे विनाशकारी माहौल दे संदर्भ विच प्रासंगिक बन जांदी है। बुल्ले दियां सूफ़ी रचनावां सामाजिक ढांचे अते द्वैत भावना नू चुनौती दिंदियां हन अते धर्मां विचकार दरार नू खत्म कर के, इक ऐसे रब दे नाल एकता दी वकालत करदियां हन, जेड़ी बुल्ले शाह अनुसार, तीर्थ स्थानां विच मौजूद नहीं है, सगों साढे़ अंदर मौजूद है अते सर्वव्यापी प्रेम दा रूप धार सकदा है।
बुल्ले शाह इक अजेहा फ़लसफ़ा पेश करदा है जो इक समान मानवतावादी अते सर्वव्यापी है। अपनियां गल्लां विच बुल्ले शाह परमात्मा दे नाल इक बहुत ही निजी अते आध्यात्मिक रिश्ता बनौंदा है अते सानू साढे़ अंदरले आत्म दी याद दिवौंदा है जो साढी़ नकली, बाहरी होंद दी नीरसता विच गवाचेया होया है।
अपने इक प्रसिद्ध छंद विच, बुल्ले शाह अपने इस विचार नू रद्द करदा है कि तीर्थयात्रा कर के आध्यात्मिकता दी प्राप्ति कीती जा सकदी है, सगों बुल्ला कहंदा है कि रब नाल इक होन लयी अपनी हौमें नू नष्ट करके ही मनुख सच्ची आध्यात्मिक होंद दी अवस्था नू प्राप्त कर सकदा है।
इल्म विच कलम नू डुबो के अते ईमान नू नाप-तोल के लिखन वाला बुल्लेशाह कहंदा है-
मक्के गयां गल मुकदी नाहीं,
जिचर दिलों न आप मुकाइये।
गंगा गयां गल मुकदी नाहीं ,
भावें सौ सौ गोते लायिये।
गया गयां गल मुकदी नाहीं,
भावें किन्ने पिंडे भराइये।
बुल्ले शाह गल मुकदी ताहीं,
जद मैं नूं मार मुकाइये।
मक्के जान तों बाद गल ख़त्म नहीं हो जांदी, जदों तक असीं अपने आप नू दिलों अपनी हौमें नू समाप्त नहीं कर लैंदे। गंगा विच स्नान करन नाल वी साढे़ पाप नहीं धोते जांदे, भांवे असीं सैकड़ों वार डुबकी मार लइये। गल गया जा के वी ख़त्म नहीं होंदी, भांवे असीं अपने पुरखेयां नू जिना मरज़ी चढा़वा देइये।
बुल्ले शाह आखदा है कि हौमैं दा नाश होन ते ही सारी गल खत्म हुंदी है।
बुल्ले शाह दियां गल्लां दे अन्तर्गत दार्शनिक चिंतन नू , प्रेम द्वारा इक अलौकिक एकता वजहों दर्शाया गया है जो समाज दे नकली वखरेवेयां तों परे है अते कुदरत विच सर्वव्यापक है।
-लेखक आकाशवाणी के पूर्व वरिष्ठ उद्घोषक और जाने-माने शायर हैं
“बुल्ले शाह गल मुकदी ताहीं,
जद मैं नूं मार मुकाइये” कितनी अच्छी बात कही है,काश यह सभी को समझ आ जाए। बहुत बढ़िया भाई साहब 🙏🏻😊