राजेश चड्ढ़ा.
लोकगीतां दी अमरता अते सदीविता युगां तों मनोरंजन दा स्रोत बनी होयी है। ज्यौंदे रहन दी जद्दोजहद विच डूबेया मनुख जदों वी अपनी ज़िंदगी विच सकून या खुशी दे कुज पल औंदे वेखदा है या खुशियाँ नाल भरे पलां दी उम्मीद दा अनुभव करदा है तां एह सुरीले गीत अपने आप ही उसदे बुल्लां ते थिरकन लग पैंदे हन। उन्हां गीतां विच भावें किन्ना वी दर्द, विछोड़ा अते पीड़ छुपी होयी होवे, फेर वी एह गीत, गौन वाले नू इक आत्मिक आनंद नाल भर दिंदे हन। शायद ओदों मनुख दे अवचेतन मन ने ओस वेले दे नायक-नायिकावां दे दर्द विच गुआच के उसदे जीवन दे संघर्षां नू मामूली समझेया होवेगा अते उन्हां दे विछोड़े दे दर्द अते उन्हां दे दुखां तों नवीं ऊर्जा प्राप्त कीती होवेगी। उन्हां तों प्रेरणा लै के हुण वी हर मनुख अपने आप नूं संघर्ष लयी तैयार करदा है या फेर उन्हां दियाँ बेअंत ओखाइयां झेल के अपनी मंज़िल ते पहुँचन दी कामयाबी वजहों मस्त रहंदा है।
उत्तरी भारत अते पाकिस्तान दे कब्ज़े वाले अधिकृत पंजाब विच या असी कह सकदे हां कि आज़ादी तों बाद दे पंजाब विच लोकगीतां दी सब तों प्रसिद्ध विधा टप्पे है जिसदे मूल स्रोत बारे कोई प्रामाणिक तथ्य नहीं हन पर इस नू लोकवाणी बनौन विच दो आदर्श प्रेमियां दी प्रेम- कहानी है, जिन्हां नू बालो-माहिया-टप्पे केहा जांदा है।
टप्पा पंजाबी भाषा विच लिखी गयी लययुक्त इक छोटी ताल वाली रचना है जो तिन्न लैना विच रची जांदी है। मूल रूप विच एह डेढ़ पंक्ति दियां रचनावां सन, पहली पंक्ति अद्धी अते दूजी सारी। इस विच काफ़िये-रदीफ़ होन करके इक कुदरती लय पैदा हुंदी है। इक टप्पा है-
‘कोठे तों उड कावां,
सद पटवारी नू
जिन्द माहिये दे नां लावां।’
इस टप्पा शैली दी अपनी वखरी अते विशेष पछान है। कदे किसान हल वौंदे, खुले गले नाल इन्हां नू अपनी मस्ती विच गौंदे होये
देखे जांदे हन, ते कदे औरतां व्याहवां-शादियां दौरान ढोलक दी थाप ते हंसदियां-नचदियां जदों टप्पे गौन लगदियां हन तां वारी-वारी जवाबी टप्पेयां नाल मुकाबला करदियां नज़र औंदियां हन। दर असल एह तां नहीं केहा जा सकदा के टप्पा शैली कदों शुरू होयी, पर इक कश्मीरी- मुहम्मद अली जिस दा इक नाम माहिया वी सी, उस नौजवान ने इस नू अपने कलाम नाल अमरता प्रदान कीती। इन्हां टप्पेयां नू माहिया नाम तों वी पछानेया जांदा है। टप्पे दियां इन्हां दो शैलियां माहिया अते टप्पे विच फ़र्क सिर्फ़ इन्ना है कि माहिया शैली विच प्रेमी-प्रेमिका विचकार झगड़े या शिकायतां नाल ही गलबात जारी रहंदी है। जद कि टप्पा किसे वी विषय, स्थिति या खुशी-ग़मी, चुनौती आदि नू व्यक्त करदा है। उंज तां माहिये दा अर्थ पति है पर इस नू प्रेमी वी केहा जांदा है।
माहिया दे नाल नाल उस दी माशूक बालो दे नाम तों बगैर माहिया नाम दे टप्पे दी कोई अहमियत नहीं रह जांदी। माहिया-बालो दी जोड़ी ही लोक साहित्य विच टप्पा शैली दी प्रसिद्धि दा आधार है। उस समय दौरान गाये जान वाले माहिए दा इक प्रसिद्ध टप्पा है-
‘गड्डी चलदी ऐ लीकां ते,
अग्गे बालो नित मिलदी,
हुण मिलदी तरीकां ते।
फेर बालो दा जवाब है-
गड्डी चलदी ऐ तारां ते,
अग्गे माहिया नित मिलदा
हुण मिलदा करारां ते।’
कुज होर टप्पेयां दी बानगी वेखो जिन्हां विच माहिये दी मनोदशा नू दर्शाया गया है-
‘हार दियां तिन लड़ियाँ,
तेरा पिछा नईं छडना
भांवें लग जाण हथकड़ियाँ।’
एक होर टप्पा वेखो-
‘दुःख सारे जर जावांगे,
तेरे बिना बालो मेरिये
असीं जियूंन्दिया ई मर जांवांगे।’
माहिया-बालो दी कहानी दी त्रासदी ने पंजाबी गीत विधा दी टप्पा शैली नू इक मज़बूत आधार अते अमरता प्रदान कीती जो उस समय नवीं सी। हुण वी एह विधा लोकां दे मनां ते इस तरहां राज कर रही है कि कवि या रचनाकार ना होन दे बावजूद वी कई वार आम आदमी अपने सुख-दुःख दे पलां विच कुदरती तौर ते अपने टप्पे आप वी रच लैंदा है।
टप्पे पंजाब दी इक ऐसी प्रसिद्ध अते सरल गीत शैली है जिस विच लोकां दे स्वाभाविक संवाद नू आकर्षक रूप विच प्रगट कीता गया है। जित्थे हिंदी साहित्य- ग़ज़ल, हाइकू, नज़्म आदि नू अपना के हिंदी साहित्य नू अमर कर रेहा है, उत्थे टप्पे वरगी भारतीय सभ्याचार दी आकर्षक गीतकारी कविता शैली विच लिखन दा रुझान वी इस विधा नू नवीं दिशा अते दशा प्रदान कर रेहा है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
टप्पे और माहिया का अन्तर बखूबी समझाया आपने भाई साहब 🙏🏻😊