मिट्टी दी खुशबू: जिस लाहौर नी वेख्या,ओ जम्याई नई

राजेश चड्ढ़ा.
लाहौर भावें अज पाकिस्तान दा दिल है, पर 1947 दी वंड तों पहलां एह हिंदुस्तान दे दिलां विच धड़कदा सी। 20वीं सदी विच लाहौर दा रंग इस हद तक खिड़ेया कि अज वी एह शहर अपनी विलखन विरासत अते सभ्याचार लयी पूरी दुनिया विच इस कहावत नाल मशहूर है कि-‘जिस लाहौर नी वेख्या, ओ जम्याई नई।’ जिस दा भाव है कि जिसने लाहौर नहीं वेखया उसने जिंदगी जीती ही नहीं।
लाहौर आबादी दे लिहाज नाल कराची तों बाद पाकिस्तान दा दूजा वड्डा शहर है। जेकर सभ्याचारक तौर ते वेखया जावे तां लाहौर पाकिस्तान लयी चोटी दा है स्थान रखदा है। लाहौर नू उत्थों दे लोक पाकिस्तान दा दिल वी कहंदे हन। दरअसल रावी अते वाघा नदियाँ दे कंडे वसे लाहौर दा पाकिस्तानी इतिहास, सभ्याचारक अते शिक्षा विच प्रमुख है। लाहौर फैज़ दी, अल्लामा इकबाल दी, मंटो दी अते अमृता शेरगिल दी सरजमीं रही है। साहिर लुधियानवी वरगे हिंदुस्तानियां दे महबूब शायर ने वी लाहौर विच ही जिंदगी दा ककहरा सिखेया।
इस दी विरासत कारण ही यूनेस्को ने लाहौर नू साहित्यिक शहरां दी फ़ेहरिस्त विच शामिल कीता सी। लाहौर शहर ने भारत दी आजादी दे लयी भगत सिंह, सुखदेव अते राजगुरु वरगे अनगिनत योद्धावां दे संघर्ष नू वी वेखेया है।
जेकर असीं इतिहास दे पन्नेयां दी खोज करिये तां सानूं पता लगदा है कि लाहौर दा ज़िक्र पहली वार 11वीं सदी विच किसे राजपूत राजवंश दी राजधानी वजहों होया सी। 1022 ई. विच महमूद ग़ज़नवी दी फौजां ने लाहौर ते हमला करके इस नू लुट लेया। उस समय दे इतिहासकारां ने पहली वार लाहौर दा ज़िक्र कीता है। 16वीं सदी अते उस तों बाद लाहौर सभ्याचारक तौर ते खुशहाल हो गया। 20 वीं सदी विच लाहौर दे ऐसे रंग खिड़े कि एह शहर पूरी दुनिया विच मशहूर हो गया।
श्री शत्रुंजय हनुमतस्त्रोतम विच लवपुरी नाम दा जिक्र है। हिंदू मान्यतावां दे अनुसार लाहौर दा नाम लवपुरी तों ही लेया गया है अते इस दी स्थापना लव द्वारा कीती गयी सी। हालांकि वाल्मीकि रामायण विच किते वी इस दा जिक्र नहीं मिलदा।
हुण तां पाकिस्तान ने वी अनाधिकारिक तौर ते स्वीकार कर लेया है कि लाहौर दी स्थापना लव ने कीती सी।
साल 2023 विच मुस्लिम लीग समर्थित अखबार ‘द डॉन’ दी इक रिपोर्ट विच लाहौर शहर दे प्राचीन इतिहास दी जांच कीती गयी है। इस रिपोर्ट विच मनेया गया है कि लाहौर नू राजकुमार लव द्वारा वसाया गया सी अते शहर दा नाम वी उस दे नाम ते पया सी। नाल ही, पाकिस्तानी शहर कसूर नू श्री राम दे दूजे पुत्तर कुश द्वारा आबाद करना दसेया गया है।
जेकर एह केहा जावे कि लाहौर दा मिजाज़ दशकां तों हिंदुस्तानी रेहा है, तां कतई गलत नहीं होवेगा। आजादी तों पहलां अते वंड दे कयी सालां तक लाहौर दी बहुगिनती आबादी गैर मुसलिम सी। इन्हां गैर मुस्लिमां विच सिख अते हिंदू सन। अज वी लाहौर दी हर गली, मोहल्ले अते वड्डे-वड्डे बंगलेयां विच टंगे पर्देयां दे पिच्छे हिंदुस्तान नज़र औंदा है।
पंजाब यूनिवर्सिटी, लाहौर विच 8,671 संस्कृत अते हिंदी हथ लिखतां अजे वी रखियां गइयां हन। दरअसल लाहौर ना सिर्फ सभ्याचारक तौर ते सगों आर्थिक तौर ते वी उस क्षेत्र दा सब तों खुशहाल शहर सी।
1947 विच वंड दे ऐलान तों बाद दोवां देशां विचकार सरहद खिचन दा काम अंग्रेज बैरिस्टर सर सिरील रेडक्लिफ नू सौंपेया गया सी।
10 अगस्त 1947 नू रेडक्लिफ ने दोवां देशां दी सरहददां दी रूपरेखा तैयार कीती, जिस अनुसार लाहौर भारत दा हिस्सा सी। पर हालात अजहे बन गये कि भयानक कत्लेआम तों बाद 12 अगस्त नू लाहौर पाकिस्तान दा हिस्सा बन गया। आजादी तों बाद लंदन विच रेडक्लिफ नाल मुलाकात करन वाले इको-इक पत्रकार कुलदीप नैय्यर सन। कुलदीप नैय्यर ने बीबीसी नू इस मुलाकात बारे विस्तार विच दसेया सी।
वंड तो कुज साल पहलां अते फेर कुज साल बाद लाहौर शहर अज दे लाहौर नालों वखरा सी। इक वार जदों कोई वी उस शहर दा दौरा करदा सी तां उस नू उत्थों दी आब-ओ-हवा नाल मोहब्बत हो जांदी सी। जेकर उस समय दी तस्वीर अज दी पीढ़ी नू दिखाई जावे तां उन्हां नू यकीन नहीं होवेगा कि पहलां लाहौर अजेहा होया करदा सी।
लाहौर दी मिट्टी विच कुज खास गल सी कि हर नुक्कड़ ते तुहानू कोई ना कोई कवि, साहित्यकार, कलाकार अते लेखक मिल जांदा सी। कॉफी अते टी हाऊस दे नाल-नाल बेकरियां ते वी अजहे बुद्धजीवियां दा इकट्ठा दिखना आम गल सी। पर फेर कुज अजेहा होया कि लाहौर जो कदे सांझी सभ्यता दी ज्यौंदी जागदी मिसाल सी अज पूरी तरहां अपनी पछान गुआ चुकेया है। हुण असली लाहौर दे किस्से सिर्फ किताबां, कहानियाँ अते फिल्मां विच ही दिखाई दिंदे हन।
हुण शायद ही कोई पूरी ईमानदारी नाल एह कह सके कि ‘जिस लाहौर नी वेख्या, ओ जम्याई नई।’
-लेखक आकाशवाणी के पूर्व वरिष्ठ उद्घोषक और जाने-माने शायर हैं