की पुछदे ओ हाल फकीरां दा

राजेश चड्ढ़ा.
की पुछदे ओ हाल फकीरां दा
साडा नदियों विछड़े नीरां दा
साडा हंज दी जूने आयां दा
साडा दिल जलयां दिलग़ीरां दा.
मेरे गीत वी लोक सुणींदे ने
नाले काफ़िर आख सदींदे ने
मैं दर्द नूं काबा कह बैठा
रब नां रख बैठा पीड़ां दा.
दुनिया विच बहोत सारे महान कवि होए हन, पर बहुत घट हन जिन्हांनूं लोकां दा अथाह प्यार मिलेया है. बच्चन नूं हिंदी विच, ग़ालिब अते फ़ैज़ नूं उर्दू विच, कीट्स नूं अंग्रेज़ी विच अते शिव नूं पंजाबी विच बराबर प्यार मिलेया. शिव कुमार बटालवी पंजाबी भाषा दा एह जेया मशहूर कवि है जिस नूं सरहद दे दोंवां पासे उस दियां रोमांटिक, विच्छोड़े अते दर्द आधारित रचनांवां लयी हमेशा याद कीता जांदा है. शिव दे गीतां विच पंजाब दे लोकगीतां दी रौनक है.
दर्द नूं पूरी तरहा ज्योण वाले शिव दा जनम 23 जुलाई 1936 नूं बड़ा पिंड लोहटिया, शकरगढ़ तहसील (जो कि हुण पाकिस्तान दे पंजाब सूबे विच है) विच होया. भारत दी वंड तो बाद उन्हां दा परिवार गुरदासपुर ज़िले दे बटाला शहर आ गया. शिव नूं बहोत बाद विच माड़ी सेहत दा सामना करना पेया. हालांकि उस ने लिखना जारी रखेया. उस दी मशहूर मौत दी इच्छा, उस दियां लिखतां विच हमेशा स्पष्ट रही है. अपणे इक गीत विच शिव लिखदा है-
असां ते जोबन रूते मरना,
टुर जाणां असां भरे-भराये.
हिज़्र तेरे दी कर परक्रमा,
असां तां जोबन रूते मरना.
पंजाब विच कवितांवां लोकगीत बन जांदियां हन. कवि पढ़े जाण या ना पढ़े जाण, सुणे बहोत जांदे हन. जिंवे वारिसशाह दी हीर गाई सुणी जांदी है ओसे तरह पंजाब विच शिव दे गीत वी बहोत मशहूर हन. इस दा अंदाज़ा इस गल तों लगाया जा सकदा है कि लगभग सारे पंजाबी गायकां ने शिव दे गीत गाए हन. बहोत सारे गीत अते कवितांवां लिखन वाले रूमानी कवि शिव बटालवी ने अपने गीतां नाल पंजाबी भाषा नूं अमीर कीता है.
6 अते 7 मई 1973 दी रात नूं बिरहा दा एह सुल्तान 36 सालां दी उमर दे विच सानू छड गया.
मैंनूं विदा करो मेरे राम जी,
मैंनूं विदा करो.
कोसा हंजु शगन पाओ झोली,
बिरहा तली धरो.
-लेखक आकाशवााणी के पूर्व वरिष्ठ उद्घोषक और जाने माने शायर हैं