राजेश चड्ढ़ा
भाषा सिर्फ़ संवादां दा ज़रिया या लफ़्ज़ां दा जोड़ नहीं हुंदी, बल्कि एह किसे खित्ते दे भौगोलिक चरित्र, लोक-मानस, सामाजिक इतिहास अते उच्चारणी सुभाव दा दर्पण हुंदी है। संसार दी हर विकसित, समृद्ध अते प्राचीन भाषा अपणे अंदर इक आज़ाद व्याकरणिक ढांचा लै के तुरदी है। पंजाबी भाषा दी एह सब तों वड्डी ख़ासियत रही है कि इसदी अपनी इक मुकम्मल ध्वनि-संरचना, व्याकरणिक रवानी अते प्राकृतिक प्रवाह है।
पुराणे समय विच जदों असीं शिलालेखां, दान-पट्टिकावां, पेंडू दस्तावेज़ां, क़िस्सा-काव्य या आम बोलचाल विच पढ़दे जां सुणदे हां कि-‘एह जगहा सेठ हनूत मल सुराणे ने दान कीती’ तां एह कोई अशुद्धि, असावधानी या वर्तनी दी ग़लती नहीं सी, बल्कि एह पंजाबी भाषा दे मूल व्याकरण दा ‘संबधक रूप’ सी। अज्ज दे आधुनिक, मानक, प्रशासनिक अते दस्तावेज़ी युग विच इसनूं ‘सेठ हनूत मल सुराणा ने’ लिखणा शुरू कर दित्ता है।
इस भाषाई बदलाव दे पिछे सिर्फ़ व्याकरण देनियम ही नहीं, बल्कि पंजाब दा इतिहास, प्रशासनिक प्रभाव, 1947 दी वंड, शहरीकरण, क़ानूनी पछाण दी मजबूरी अते आधुनिक मीडिया दा प्रभाव काम कर रेहा है।
भाषा-विज्ञान दे अनुसार पंजाबी विच नां अते पड़नांव या सर्वनाम दे दो बुनियादी रूप हुंदे हन।
पहला साधारण रूप जदों नां, वाक्य विच बिना किसे संबधक दे आवे, जिवें- मुंडा पढ़दा है, घोड़ा दौड़दा है, आदमी बैठा है। दूजा संबधक रूप जदों नां दे तुरन्त बाद कोई संबधक जिवें- ने, नूं, दा, दे, दी, तों, विच, उत्ते, नाल, राहीं आवे।
पंजाबी व्याकरण दा एह पक्का नियम है कि जदों कोई पुलिंग इकवचन नां ‘आ’ नाल ख़त्म हुंदा है, तां संबधक लगण ते उसदा अंत ‘आ’ तों बदल के ‘ए’ विच बदल जांदा है। जिवें- मुंडा $ ने = मुंडे ने,
घोड़ा $ दा = घोड़े दा, कमरा $ विच = कमरे विच, कुत्ता $ नूं = कुत्ते नूं अते
दरवाज़ा $ उत्ते = दरवाज़े उत्ते।
एह नियम पंजाबी दे सहज उच्चारण दा हिस्सा है। जदों कोई पंजाबी बोलदा है, तां जीभ अपणे आप अगले संबधक नाल सुमेल बणौण लई ‘आ’ नूं ‘ए’ विच ढाल लैंदी है तांकि बोलण विच कोई झटका ना लग्गे अते ध्वनि-प्रवाह बणेआ रहे।
पंजाबी दे क्लासिकल साहित्य, क़िस्सा-काव्य, सूफ़ी कलाम अते लोक-गीतां विच इस संबधक रूप दियां अनगिणत मिसालां मिलदिआं हन। इस तों स्पष्ट हुंदा है कि एह नियम सदियां तों पंजाबी ज़ुबान दी नस-नस विच रचेआ-मिच्चेआ होया सी।
वारिस शाह ने जदों हीर-रांझे दा क़िस्सा लिखेआ, तां उन्हां ने रांझा दे संबधक रूप रांझे दा प्रयोग कीता-
रांझे आखेआ माए नी रब्ब कारन
मैनूं देह विदा असां धाउणा ई
एत्थे वारिस शाह ने श्रांझा ने आखेआश् नहीं, बल्कि ‘रांझे आखेआ’ संबधकी रूप वर्तिआ है।
लोक-काव्य विच असीं अक्सर सुणदे हां-
सुच्चे सूरमे ने मारिआ डाका
पिंड विच पै गई दुहाई
एत्थे ‘सुच्चा ने’ दी थां ते ‘सुच्चे ने’ वरतेया गया है।
जीजे ने कुज केहा नी भाभो
मैनूं लै दे लाल दुपट्टा
एत्थे श्जीजा नेश् दी थां ‘जीजे ने’ वरतेया गया है।
साहित्य अते लोक-धारा ने एह साबित कीता है कि पंजाबी भाषा विच श्आश् दा श्एश् विच बदलणा कोई बनावटी नियम नहीं, बल्कि साडी रूहानी अते सांस्कृतिक अभिव्यक्ति दा अणिक्खड़वां हिस्सा सी।
आधुनिक युग विच सरकारी रजिस्टरी, कोर्ट-कचहरी, बैंक खाते, पासपोर्ट, वोटर कार्ड अते पहचान-पत्रां विच ‘नाम दी अपरिवर्तनशीलता’ लाज़मी हो गई।
जेकर किसी व्यक्ति दा क़ानूनी नाम ‘हनूत मल सुराणा’ है, अते ज़मीन दी रजिस्ट्री विच ‘हनूत मल सुराणे ने एह ज़मीन ख़रीदी’ लिख दिता जावे, तां अंग्रेज़ी या कड़े क़ानूनी निज़ाम विच एह भरम पैदा होण दा ख़तरा बण जांदा है कि ‘सुराणा’ अते श्सुराणेश् दो वक्ख-वक्ख व्यक्ति तां नहीं हन।
इस क़ानूनी उलझन तों बचण लई दफ़्तरी ज़ुबान विच ख़ास नांवां नूं व्याकरणिक रूपांतरण तों मुक्त रखण दा चलन शुरू हो गया।
अग्रेज़ी विच संबधक लगण नाल नाम नहीं बदलदा जिवें-‘डोनेटेड बाइ सुराना। अंग्रेज़ी माध्यम दी पढ़ाई अते प्रशासनिक ढाँचे ने पंजाबी भाषा नूं वी प्रभावित कीता है।
हिंदी विच साधारण तौर ते उपनावां विच संबधक रूप नहीं बदलदा जिवें-‘सुराणा ने कहा या ‘सुराणा का मकान’।
विभाजन तों बाद पंजाब विच हिंदी-पंजाबी दे द्विभाषिक माहौल ने पंजाबी दे संबधक रूप नूं लिखत विच कमज़ोर कीता।
अख़बार नवीसी विच ख़बर लिखदे वक्त ‘संक्षिप्तता’ अते ‘सटीकता’ नूं मुख रखेआ जांदा है। अख़बारां ने नवां नियम अपना लेआ कि व्यक्ति दा जो नाम छपेआ है, उसनूं हू-ब-हू रखेआ जावे तांकि पाठक नूं कोई भरम ना रहे। इस नाल ‘प्रसन्ना ने’, ‘चौपड़ा ने’, ‘भाटिया ने’ लिखणा इक प्रचलित शैली बण गई।
अज्ज वी जदों दो पंजाबी आपस विच अनौपचारिक गल्ल-बात करदे हन, तां ओह अनजाने ही संबधक रूप बोलदे हन। जिवें- ओह प्रसन्ने दे घर गया सीश्, ‘चौपड़े ने की आखेआ?’, ‘भाटिये तों पुच्छ लै’।
पर जदों ओही आदमी अख़बार, किताब, बैनर या क़ानूनी काग़ज़ लिखदे हन, तां ओह सचेत हो के ‘प्रसन्ना दे घर’, ‘भाटिया ने आखेआ’, ‘चौपड़ा दी दुकान’ लिखदे हन।
बोलण अते लिखण दा एह फ़र्क दरशौंदा है कि संबधक रूप पंजाबी मन दी अचेत चेतना विच अज्ज वी पूरी तरहां ज़िंदा है, भले ही औपचारिक लिखत ने इसनूं बाहर कड्ड दिता होवे। पंजाबी भाषा दी रिवायती सुँदरता तों आधुनिक व्यावहारिक ज़रूरत तक दा सफ़र है वक्त दे नाल बेशक़ अज्ज वी जारी है, पर इक साहित्यिक अते भाषाई खोजी वजहों सानूँ एह हमेशा याद रखणा चाहीदा है कि ‘सुराणे ने’ शब्द पंजाबी भाशा दी कुदरती मिठास अते व्याकरणिक नफ़ासत दी इक बेमिसाल गवाही है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
