राजेश चड्ढ़ा
अज्ज दा दौर, जिस नूँ असीं कलजुग आखदे हां, असल विच बेइंसाफ़ी, नैतिक पतन अते उलट-फेर दा अजेहा समय जापदा है जित्थे सच बोलणा सब तों वड्डा गुनाह बण चुकेया है। एह ओह दौर लग रेहा है जित्थे इंसानियत दी कदर कोड़ियां दे भा’ हो गयी है अते मतलबी रिश्ते-नाते ही जीवन दा आधार बण गए हन। समाज दा ढांचा एस तरहां उलट गया है कि परोपकार करण वाले नूँ मूरख अते दूजेयां दा हक मारण वाले नूँ सियाणा अते कामयाब मन्नेया जांदा है।
अज्ज दे इस अफरा-तफरी वाले वक्त विच अहंकार दी अग्ग चारों तरफ फैली होयी है। जदों असीं अपणे आसे-पासे नज़र मारदे हां, तां देखदे हां कि किवें ताकतवर लोक कमज़ोरां दी आवाज़ नूँ दबा रहे हन अते अदालतां तों लै के समाज दियां पंचायतां तक इंसाफ़ सिर्फ़ उन्हां दी दासी बण के रह गया है जिन्हां दियां जेबां भारी हन। बंदेयां दी कीमत अते मिसाल महज़ किताबी गल्लां बण के रह गइयां हन, अते ज़मीनी हकीकत विच हर कोई इक दूजे दी पिट्ठ विच छुरा मार के अग्गे वधण दी दौड़ विच शामिल है। जदों नीत खोटी हो जावे अते नीयत विच खोट आ जावे, तां ओह समाज पतन वल ही वधदा है। पर इस घोर कलजुग अते बेइंसाफ़ी दे हनेरे विच, सूफ़ीज़्म इक अजेही रौशनी बण के उग्घड़दा है जेड़ा इंसान नूँ अंदरूनी सच्च अते रब्बी न्याय नाल जोड़दा है। एस दी वजह एह है कि सूफ़ी दरवेशां ने हमेशा दुनियावी ताकतां दी बेइंसाफ़ी विरुद्ध हक़ दी आवाज़ बुलंद कीती है।
सूफ़ी मत दा मूल आधार प्रेम, रूहानियत अते रब दी बंदगी है, पर सूफ़ी दरवेशां ने कदे वी समाज विच हो रही बेइंसाफ़ी तों अक्खां नहीं मीचियां। सूफ़ी कवि सिर्फ़ जंगलां विच बैह के इबादत करण वाले साधु नहीं सन। ओह समाज दे पहरेदार सन। जदों-जदों पंजाब दी धरती उते जुल्म होया, सूफ़ी दरवेशां ने अपणी कलम नूँ तलवार बणाया।
सोलहवीं-सत्रहवीं सदी दे सूफ़ी कवि
सैयद अब्दुल्लाह शाह, जिन्हां नूँ असीं बाबा बुल्ले शाह दे नां नाल जाणदे हां, सिर्फ़ इक रूहानी फकीर ही नहीं सन, सगों इक क्रांतिकारी कवि वी सन। उन्हां दा दौर पंजाब दे इतिहास दा ओह दौर सी जदों मुग़ल सल्तनत बिखर रही सी अते अफ़ग़ान हमलावर पंजाब दी धरती नूँ लहू-लुहान कर रहे सन। समाज विच बेइंसाफ़ी, रिश्वत अते हंकार दा बोलबाला सी। बुल्ले शाह ने अपणी अक्खीं देखेया कि किवें सच बोलण वाले सूली ते चढ़ाए जांदे हन अते झूठे लोग महलां विच राज करदे हन। एसे वजहों उस वक्त नूँ बुल्ले शाह ने उलटा वक्त आखदेयां लिखेया सी श्उलटे होर ज़माने आएश्। बाबा बुल्ले शाह दी एह काफ़ी सूफ़ी साहित्य दी इक अजेही मिसाल है जो समाज दे हर दौर विच फैली बेइंसाफ़ी अते उलट-फेर नूँ आईना दिखौंदी है। बुल्ले शाह आखदे हन-
उलटे होर ज़माने आए,
हुण असां भेद सज्जन दे पाए।
कावां दे हथ बाज़ तुड़ाए, चिड़ियाँ जुर्रे खाए
इराकियां नूँ चाबुक पैंदे, गड्डों मार खवाए।
उलटे होर ज़माने आए।
भूरीयां वाले राजे कीते, राजेया भीख मंगाई
नीचां ने हुण मेज़ सजाए, उच्चेआं मार हटाए
उलटे होर ज़माने आए।
अपणेयां विच इतफ़ाक़ ना रेहा, कैरों पाण्डों बण आए
सच्चेयां नूँ हुण मिलण सज़ावां, झूठे चाढ़ें ताए
उलटे होर ज़माने आए।
बुल्लेया! हुकम हज़ूरों आया, तिस नूँ कौण हटाए
जो कुछ लिखेया धुर दरगाहों, सोईओ पेश आए
उलटे होर ज़माने आए।
एत्थे बाज़ प्रतीक है उस इंसान दा जो आज़ाद है, बहादुर है अते उच्ची उड़ान भरदा है। कांव प्रतीक है चालाक, भ्रष्ट अते संकुचित सोच वाले लोकां दा। जदों समाज विच बेइंसाफ़ी वधदी है, तां बाज़ यानी काबिल लोग पिंजरेयां विच कैद हो जांदे हन अते कांव यानी ना-काबिल लोक उन्हां दी किस्मत दे फैसले करदे हन।
इराक दे घोड़े अपनी नसल अते रफ़्तार लयी दुनिया विच मशहूर हन। बुल्ले शाह जी दुखी होके कहंदे हन कि श्इराकियां नूँ चाबुक पैंदेश् यानी जेड़ा इंसान ईमानदार अते मेहनती है, उस नूँ डराया-धमकाया जा रहा है, जदों कि मूरख अते स्वार्थी लोकां यानी गधेयां नूँ गुड़ खवाया जा रहा है। एह समाज विच काबलियत दे खत्म होण दा इशारा है।
‘भूरीयां वाले राजे कीते, राजेयां भीख मंगाई’
इह मिसरा इतिहास दी वड्डी सच्चाई बयान करदा है। बेइंसाफ़ी दा इक रूप एह वी है कि जदों पुराणे हुक्मरान ज़ालिम हो जांदे हन, तां कुदरत उन्हां तों राज खोह के साधारण कम्बली वाले फकीरां या मेहनतकशां दे हथ विच दे दिंदी है।
बुल्ले शाह दस्स रहे हन कि वक़्त हमेशा इकसार नहीं रहंदा। जदों राजेयां ने अपनी प्रजा ते जुल्म कीता अते बेइंसाफ़ी कीती, तां ओह सड़कां ते भीख मंगण लयी मजबूर हो गए।
‘नीचां ने हुण मेज़ सजाए’ दा भाव एह है कि चरित्र दे आधार ते जेड़े लोक कदे समाज दे आख़री पायदान ते सन, ओह आज सत्ता दे नशे विच चूर होके शरीफ़ लोकां नूँ मार हटा रहे हन।
बुल्ले शाह ने सिर्फ़ बाहरी बेइंसाफ़ी नहीं, सगों अंदरूनी रिश्तेयां विच आई गिरावट नूँ वी बयान कीता है।
ओह कहंदे हन कि अपणेयां विचों प्यार अते भरोसा खत्म हो गया है। कौरव-पांडव दा उदाहरण दे के ओह दस्सदे हन कि ज़मीन अते लालच लयी भाई, भाई दा लहू पीण नूँ तैयार है।
जदों समाज दा ढांचा ही बेइंसाफ़ी ते टिकेया होवे, तां सच बोलणा सब तों वड्डा गुनाह बण जांदा है। झूठे लोग समाज विच ताए यानी मुखिया बण के बैठदे हन अते न्याय प्रणाली सिर्फ़ दिखावा बण के रह जांदी है।
अखीरले बंद विच बुल्ले शाह इक सूफ़ी दे तौर ते दार्शनिक गल कहंदे हन-
‘बुल्लेया! हुकम हज़ूरों आया’
एह हुकम असल विच कुदरत दा इंसाफ है। जदों इंसान हद पार कर दिंदा है अते बेइंसाफ़ी अपणी चरम सीमा ते पहुँच जांदी है, तां कुदरत दा चक्कर चलदा है अते सब कुछ उलट-पुलट हो जांदा है।
अज्ज दे दौर विच जदों असीं बाबा बुल्ले शाह दी एह काफ़ी श्उलटे होर ज़माने आएश् नूँ मुड़ पढ़दे हां, तां महसू्स हुंदा है कि सदियां बीत जाण दे बावजूद समाज दा मुहांदरा नहीं बदलेया। अज्ज वी ‘इंसाफ़’ किते न किते लालच अते ताकत दे पैरं हेठ दबेया होया नज़र औंदा है। जदों असीं देखदे हां कि काबिल अते पढ़े-लिखे नौजवान बेरोज़गारी दी मार झेल रहे हन अते सिफारिशी या चापलूस लोकी उच्चे ओहदेयां दा आनंद माण रहे हन, तां बुल्ले शाह जी दा कथन सच साबित हुंदा है। अज्ज दा कलजुग भी ओही है, जिथे सोशल मीडिया अते दिखावे दी दुनिया विच झूठे ताए बण के बैठे हन अते सच दी आवाज़ उठौण वाले निहत्थे हन।
पर बुल्ले शाह दा लिखेया सानूँ सिर्फ़ मायूसी नहीं दिंदा, सगों इक सबक वी दिंदा है। ओह सानूँ आगाह करदे हन कि बेइंसाफ़ी दा दौर किन्ना वी लंबा क्यों ना होवे, कुदरत दा हुकम अते वक़्त दा चक्कर हमेशा उलटा घुमदा है। जदों अहंकार अते ज़ुलम अपणी आख़री हद पार कर दिंदा है, तां भूरीआं वाले यानी आम जनता ही तख्तो-ताज बदलण दी ताकत रखदी है। अज्ज दे वक्त विच असीं इस काफ़ी तों एहो सीखेया लै सकदे हां कि चाहे ज़माना किन्ना वी उलट जावे, सानूँ अपनी इंसानियत अते इंसाफ़ दा पल्ला नहीं छड्डणा चाहिदा, क्योंकि अखीर विच जित हमेशा सच्चेयां दी ही हुंदी है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
