राजेश चड्ढ़ा
16वीं सदी दे महान पंजाबी सूफ़ी कवि माधो लाल हुसैन यानी शाह हुसैन पंजाबी सूफ़ी साहित्य विच इश्क़-ए-हक़ीक़ी अते विरह दी तड़प दे सब तों वड्डे शायर हन। शाह हुसैन दी काफ़ी ‘मांएं नीं मैं कैनूं आखां, दरद विछोड़े दा हाल’ पंजाबी साहित्य दी इक अमर अते कालजयी रचना है।
माएं नीं मैं कैनूं आखां,
दरद विछोड़े दा हाल ।।
धूंआं धुखे मेरे मुरशदि वाला,
जां फोलां तां लाल ।।
सूलां मार दिवानी कीती,
बिरहुं पया साडे ख़्याल ।।
दुखां दी रोटी सूलां दा सालण,
आहीं दा बालन बाल ।।
जंगल बेले फिरां ढूंढेंदी,
अजे न पाययो लाल ।।
कहै हुसैन फ़क़ीर निमाणा,
शहु मिले तां थीवां नेहाल ।।
इस काफ़ी दा केन्द्रीय भाव यह सिद्ध करणा है कि मोहब्बत ही सब कुज है। सूफ़ी दर्शन विच संसार दी हर वस्तु, धर्म-कर्म, तपस्या अते ज्ञान तद तक निरर्थक हन जदों तक उन्हां विच इश्क़ दी रूह शामिल नहीं हुंदी। शाह हुसैन लई प्रेम सिर्फ़ इक भावना नहीं, बल्कि इक अजेहा अग्नि-कुंड है जिस विच जल के साधक अपणी श्मैंश् नूं भस्म कर दिंदा है अते केवल प्रीतम ही शेष रह जांदा है।
मांएं नीं मैं कैनूं आखां
दरद विछोड़े दा हाल
विरह दी पराकाष्ठा नूँ दर्शाैंदी इस काफ़ी दे शुरुआत विच श्मांश् नूं सम्बोधित कीता गया है। सूफ़ी कविता विच श्मांश् सिर्फ़ जन्म देण वाली माता नहीं, बल्कि इंसानी मन दी सब तों नज़दीकी अते हमदर्द दी प्रतीक है। शाह हुसैन आखदे हन कि- मां! मेरे अंदर मेहबूब दे विछोड़े दा जेड़ा कौड़ा अते ना सहण वाला दर्द उठ रेहा है, उस नूं मैं किस नूं कह के दस्सां? क्योंकि इस दर्द नूं प्रेम तों वंचित लोकी कदे नहीं समझ सकदे।
इश्क़ दा पहला कायदा एह है कि प्रेमी अपनी पीड़ा लई संसार दी सहानुभूति नहीं भालदा। विरह दा एह दर्द कोई बीमारी नहीं, बल्कि मोहब्बत दी सब तों वड्डी निशानी है। शाह हुसैन लई प्रेम दा विछोड़ा ही उन्हां दी पूरी दुनिया नूँ संचालित करदा है।
धूंआं धुखे मेरे मुरशदि वाला
जां फोलां तां लाल
शाह हुसैन आखदे हन कि मेरे मुर्शिद दी जगाई गई प्रेम दी धूणी मेरे अंदर चुपचाप धुख रही है। बाहरों देखण ते एह सिर्फ़ धुआं दिखाई दिंदा है, पर जदों मैं अपणे अंदर झांक के उस राख नूं फोलदा हां, तां अंदर इश्क़ दा लाल-अंगारा दहक रेहा हुंदा है।
सच्ची मोहब्बत बाहर शोर नहीं मचौंदी, एह अंदर ही अंदर साधक नूं तपा के कंचन बणौंदी है। मुर्शिद दा काम शागिर्द दे अंदर इश्क़ दी एह आग बालणा है। मोहब्बत ही अजेही ताकत है जो इंसान नूं बाहरों शांत अते अंदरों रूहानी तपिश नाल भर दिंदी है।
सूूलां मार दिवानी कीती
बिरहुं पया साडे ख़्याल
विरह दे कंडेयां ने प्रेमी नूं पागल बणा दित्ता है। आशिक़ दे मन, चिंतन अते ख्यालां विच केवल अते केवल प्रीतम दी याद दा ही बसेरा हो चुकेया है।
जदों इंसान सच्चा प्रेम करदा है, तां उसदी सोच ते ख्यालां ते केवल प्रीतम दा अधिकार हो जांदा है। दुनियावी चतुराई उसदे लई बेकार हो जांदी है। एह दीवानगी ही मोहब्बत दी अजेही अवस्था है जित्थे प्रेमी अपणे आप नूं मिटा के अपणे महबूब विच लीन हो जांदा है।
दुखां दी रोटी सूूलां दा सालण
आहीं दा बालनु बाल
एह सतर पंजाबी सूफ़ियाना साहित्य दी सब तों सोहणी पंक्तियां विचों इक है। शाह हुसैन फ़रमौंदे हन कि आशिक लई दुखां दी रोटी है, कंडेयां दा सालन अते विरह दियां आहां दा बालण जल रेहा है।
जित्थे आम इंसान दुखां अते कंडेयां तों दूर भजदा है, उत्थे मोहब्बत विच डूबा प्रेमी दुखां अते विरह दी पीड़ा नूं ही अपणी रूहानी ख़ुराक बणा लैंदा है। प्रेमी लई प्रीतम दे प्रेम विच मिलण वाला दुःख वी संसार दे सारेयां सुखां तों करोड़ गुना बेहतर है। काफ़ी दी एह सतर सिद्ध करदी है कि प्रेमी लई प्रेम दे मार्ग विच औण वाली हर मुश्किल ही उसदी असल पूँजी अते सब कुज है।
जंगल बेले फिरां ढूंढेंदी
अजे न पाययो लाल
प्रेम विच तड़प रही प्यारी रूह जंगल-जंगल अते रावी-चिनाब दे किनारे दे जंगल विच अपणे प्रीतम नूं ढूँढदी फिर रही है, पर अजे तक उसनूं एह अनमोल लाल नहीं मिलेआ।
सच्ची मोहब्बत प्रेमी नूं आराम नाल बैठण नहीं दिंदी। एह लगातार प्रीतम दी भाल विच भटकदी है। संसार दी कोई वी बाहरी वस्तु उसनूं शाँत नहीं कर सकदी। उसदी इको ही मंज़िल, अपणे प्रीतम नूं हासिल करणा है, क्योंकि उसदे लई उस प्रीतम दा हासिल ही जीवन दा मकसद है।
कहै हुसैन फ़क़ीर निमाणा
शहु मिले तां थीवां नेहाल
काफ़ी दे अखीरी बंद विच शाह हुसैन खुद नूं ‘निमाणा फ़क़ीर’ यानी अहंकार-रहित साधक कह के सम्बोधित करदे हन। शाह हुसैन आखदे हन कि जदों मैनूं मेरा प्रीतम मिल जावेगा, तां मैं पूर्ण रूप नाल निहाल यानी परम आनंदित हो जावांगा।
इश्क़ दा अखीरी मुक़ाम अहंकार दा खत्म हो जाणा है। जदों प्रेमी अपणी मैं नूं मिटा के निमाणा बण जांदा है, तद ही अपणे सज्जण, अपणे शौहर नाल उसदा मिलाप हुंदा है। एह मिलाप ही जीवन दा सब तों वड्ढा सुख है, जिस दे बाद सानूं किसे होर चीज़ दी लोड़ नहीं रहंदी।
शाह हुसैन दी शायरी दा मूल आधार ‘इश्क़ अते बिरहों’ है। उन्हां मुताबिक विछोड़े दी अग्ग विच तपे बिना प्रेम कदे सुच्चा नहीं हो सकदा।
काफ़ी विच वर्ते गए बिंब, जिंवे-दुखां दी रोटी, सूलां दा सालण, आहीं दा बालन, मुरशिद दा धूंआ अते जंगल-बेले, एह सब पंजाबी लोक-जीवन अते पेंढू सभ्याचार नाल गहरे जुड़े होए हन, जेड़े कि पाठकां दे दिलां नूं सीधे तौर ते छूंदे हन। जिन्हां दी लय विच इक गूँज अते करुणा है जेड़ी सुणन वाले नूं रूहानी दुनिया विच लै जांदी है। शाह हुसैन दा हर इक कलाम अज्ज वी मानव चेतना नूं भौतिकता तों ऊपर चुक के रूहानी प्रेम दी अमरता नाल जोड़दा है।
तूंही ताणा तूंही बाणा
सब किछु मेरा तूं
मैं नाहीं सब तूंही तूं,
अंदर तूं हैं बाहर तूं
रोम रोम विच तूं
कहै हुसैन फ़क़ीर निमाणा
मैं नाहीं सब तूं
-लेखक सुविख्यात शायर व आकाशवाणी के पूर्व वरिष्ठ उद्घोषक हैं
About the Author
