राजेश चड्ढ़ा
इक्क संत अते समाज-सुधारक दे तौर ‘ते बाबा नानक दा जीवन केवल किताबी दर्शन नहीं सी। उन्हां दियां चार लम्मियां यात्रावां, जिन्हां नूं ‘उदासियां’ आखेआ जांदा है, दे दौरान वापरे अजेहे अनेक प्रसंग सानूं मिलदे हन, जेहड़े अज्ज इक्कीवीं सदी दियां सामाजिक विसंगतियां, आर्थिक ना-बराबरी ते साडे हंकार लई अचूक समाधान पेश करदे हन।
लाहौर दा इक्क बेहद अमीर व्यापारी सी-दुनी चंद। ओहदे महल दे कंगूरेयां श्ते सत्त झंडे झूलदे सन, जेहड़े इस गल दा प्रतीक सन कि ओहदे कोल सत्त करोड़ दी अथाह दौलत है। जदों उसनूं पता लग्गा कि बाबा नानक नगर विच आए होए हन, तां ओह अपनी अमीरी ते शानो-शौकत दा प्रदर्शन करण लई उन्हां दे दर्शन करन पहुंच गया।
बाबा नानक ने ओहदा स्वागत कीता, पर विदा करन वेले अपनी झोली विचों इक्क साधारण जेही सुई कड्ड के दुनी चंद दे हथ विच रख दित्ती। बाबा जी ने आखेआ-
दुनी चंद, मेरी एह सुई अमानत दे तौर ‘ते अपने कोल रख लैवीं। जदों असीं दोवें परलोक विच मिलांगे, तां मैनूं एह वापस मोड़ दईं।
हंकार विच डुब्बे दुनी चंद ने सुई लै लई ते घर आ गया। जदों उस ने अपनी पत्नी नूं एह गल दस्सी, तां उस ने हैरानी नाल पुच्छेआ-
की तुसीं सचमुच्च सोचदे हो कि मौत तो बाद कोई सुई वी अपने नाल लै जा सकदा है?
दुनी चंद दी अख्खां खुल्ल गईयां। ओह शर्मिंदा हो के तुरंत बाबा नानक कोल पहुंचेआ ते कहण लग्गा-
महाराज, मौत दे उस पार तां एह शरीर वी नहीं जांदा, फेर एह सुई किवें जा सकेगी?
बाबा नानक मुस्कराए ते बोले-
जे इक मामूली जेही सुई वी परलोक नहीं जा सकदी, तां फेर सत्त झंडेयां वाली एह अथाह दौलत किस दे लई इकट्ठी कर रहे हो?
अज्ज दी दुनिया बे-काबू उपभोगवाद ते बेअंत धन इकट्ठा करन दी अंधी दौड़ विच फसी होई है। असीं अपणी सेहत, परिवार ते मानसिक शांति नूं दांव श्ते ला के सिर्फ बैंक बैलेंस वधौन विच लगे होए हां। बाबा नानक दी ओह छोटी जेही सुई सानूं चेता करवौंदी है कि दौलत जीवन चलौण ते समाज दी भलाई लई है, न कि अंधाधुंध जोड़न ते हंकार करन लई।
ऐमनाबाद विच मलिक भागो नां दा इक्क जुल्मी ते भ्रष्ट ज़मींदार रहंदा सी। उस ने इक्क बहुत वड्डे ब्रह्मभोज दा प्रबंध कीता। नगर दे सारे संतां ते प्रतिष्ठित लोकां नूं सद्दा दित्ता गया। पर बाबा नानक ओहदे महल दे पकवान छड्ड के इक्क गरीब तरखाण, भाई लालो दी झोपड़ी विच चले गए। ओथे उन्हां ने कोधरे दे मोटे अनाज दी सादी-सुक्की रोटी ते पाणी बड़े प्रेम नाल छकेआ।
जदों मलिक भागो नूं इस गल दा पता लग्गा, तां उस ने इस नूं अपणी बेइज्जती समझेआ ते बाबा नानक नूं भरी सभा विच बुला भेजेआ। उस ने गुस्से विच पुच्छेआ-
तुसीं मेरे छत्तीस प्रकार दे पकवान ठुकरा के उस कंगाल दी सुखी रोटी क्यों खादी?
बाबा नानक ने कोई बहस नहीं कीती। उन्हां ने इक्क हथ विच भाई लालो दी कोधरे दी रोटी ते दूजे हथ विच मलिक भागो दे महल दी घी-शक्कर वाली पूरी फड़ लई। फेर दोवें हथां नूं इकट्ठा दबा दित्ता।
सभा विच मौजूद लोक एह दृश्य वेख के हैरान रह गए। भाई लालो दी रोटी विचों चिट्टे दूध दी धार निकली, जदकि मलिक भागो दी पूरी विचों लाल खून दियां बूंदां टपकण लग्गियां।
बाबा नानक ने शांत आवाज़ विच आखेआ-
लालो दी रोटी विच ईमानदारी दी कमाई ते मेहनत दे पसीने दी पवित्रता है, इस करके एह दूध वरगी अमृत है। पर तेरे पकवानां विच गरीबां दे खून-पसीने दा शोषण ते जुल्म रलेआ होया है।
एह प्रसंग सिर्फ किसे चमत्कार दी गल नहीं, बल्कि आर्थिक पवित्रता ते मेहनत दी इज्जत दा सब तों वड्डा दर्शन है। अज्ज जदों भ्रष्टाचार, शोषण ते गलत ढंग नाल कमाए धन नूं समाज विच इज्जत मिलदी है, तां बाबा नानक दा एह प्रसंग सानूं याद करवौंदा है कि ईमानदारी नाल कमाई होई सुक्की रोटी दी इज्जत, किसे शोषण नाल खड़े कीते महल दी मलाई नालों किते वध है।
मौजूदा पाकिस्तान दे, अटक ज़िले दे कस्बे, हसन अब्दाल दी, इक्क उंची पहाड़ी ‘ते वली कंधारी नां दा इक्क हंकारी पीर रहंदा सी। पहाड़ी दी चोटी ‘ते मीठे पानी दा इक्क चश्मा सी, जिस श्ते सिर्फ वली कंधारी दा कब्ज़ा सी। थल्ले घाटी विच रहण वाले पिंडवासी पानी दी इक्क-इक्क बूंद लई तरसदे सन ते उस दे अग्गे मिन्नतां करण लई मजबूर सन। जदों बाबा नानक ते भाई मरदाना उस घाटी विच पहुंचे, तां मरदाना नूं बड़ी जोर दी प्यास लगी। बाबा नानक ने मरदाना नूं पहाड़ी ‘ते वली कंधारी कोल पानी मंगण लई भेजेआ। पर जदों वली कंधारी नूं पता लग्गा कि घाटी विच कोई होर फकीर वी आया है, तां ओहदे अंदरला हंकार जाग उठेआ। उस ने तिन्न वारी भाई मरदाना नूं पाणी देण तों मना कर दित्ता ते खाली हथ मोड़ दित्ता। नाल ही तंज कसेआ-
जे तेरा नानक ऐन्ना वड्डा पीर है, तां ओह तेरे लई पाणी दा प्रबंध आप क्यों नहीं कर लैंदा?
प्यास नाल व्याकुल मरदाना जदों थल्ले वापस आया, तां बाबा नानक ने शांत मन नाल परमात्मा दा सिमरन कीता ते सामने जमीन श्ते पेआ इक्क साधारण जेहा पत्थर चुक्क दित्ता। पत्थर हटदे ही जमीन विचों ठंडे ते मिट्ठे पाणी दा निर्मल चश्मा फूट पेआ। दूजे पासे पहाड़ी श्ते वली कंधारी दा चश्मा पूरी तरह सुक्क गया।
गुस्से ते बौखलाहट विच वली कंधारी ने पहाड़ी तों इक्क भारी चट्टान थल्ले रोल दित्ती, तां कि थल्ले बैठे बाबा नानक कुचले जाण। पर बाबा नानक ने बिना घबराए उस विशाल चट्टान नूं अपने हथ दी हथेली नाल रोक लेआ।
उस चट्टान ‘ते अज्ज वी पंजे दा निशान मौजूद है ते एह स्थान ‘पंजा साहिब’ दे नां नाल मशहूर है। आखिरकार वली कंधारी शर्मिंदा हो के थल्ले आया ते बाबा नानक दे चरणां विच झुक गया।
एह प्रसंग कुदरत ते उस दे साधनां दी नाजायज़ मालकी दे खिलाफ इक्क खामोश क्रांति है। पाणी, हवा ते भोजन वरगे बुनियादी कुदरती साधनां ‘ते किसे इक्क व्यक्ति जां संस्था दा एकाधिकार नहीं हो सकदा। जदों-जदों सत्ता ते प्रभाव दे नशे विच डुब्बे लोक आम जनमानस दियां बुनियादी लोड़ां नूं अपणी ताकत दा हथियार बनौंदे हन, ओह्नां दा हंकार वी वली कंधारी वांग टुटदा है।
तुलंबा दे रस्ते श्ते इक्क व्यक्ति रहंदा सी, जिस दा नां सज्जण सी। बाहरों उस ने इक्क धर्मशाला, मंदिर ते मस्जिद बनवा रखे सन, तां कि हर मुसाफिर ओथे आ के ठहरे। ओह सफेद कपड़े पांदा ते अपणे आप नूं संत कहौंदा सी। पर रात दे हनेरे विच ओह मुसाफिरां दा कत्ल करके उन्हां दा सामान लुट लैंदा सी।
बाबा नानक ते भाई मरदाना उस दी सराय विच आ के ठहरे। सज्जण ने उन्हां नूं अमीर मुसाफिर समझ के रात नूं लुटण दी योजना बना लई।
अद्धी रात नूं जदों ओह उन्हां दे कमरे दे बाहर घात लाए खड़ा सी, उस वेले कमरे दे अंदरों बाबा नानक दी आवाज़ गूंजी। उन्हां ने भाई मरदाना दी रबाब दी तान श्ते एह शब्द गाए-
उजलु कैहा चिलकणा
घोटिम कालड़ी मसु।
धोतिया जुठि न उतरै
जे सउ धोवा तिसु॥
यानी कांसा बाहरों कितना वी चमकदा क्यों न होवे, जदों उस नूं रगड़ेआ जांदा है तां उस विचों कालिख ही निकलदी है। उस नूं सौ वारी धोण नाल वी अंदरली मैल नहीं उतरदी। ओस्से तरह सफेद कपड़े पा लैण नाल मनुख दे अंदरले पाप नहीं धुलदे।
इनां शब्दां दी सच्चाई ने सज्जण दे अंदरले पापी मनुख नूं झिंझोड़ के रख दित्ता। उस नूं अपणे बुरे कर्मां दा अहसास हो गया। ओह अपना खंजर सुट्ट के बाबा नानक दे चरणां विच डिग पेआ।
बाबा नानक ने उस नूं दुत्कारेआ नहीं, बल्कि प्यार नाल उठाया ते आखेआ-
सज्जण, जो कुछ तूं लुटेआ है, ओह पीड़ित लोकां विच वंड दे ते इस सराय नूं सचमुच्च सज्जणां दा घर बना दे।
ओही ठग आगे चल के उस इलाके दा इक्क वड्डा समाज-सेवी बण गया।
अज्ज साडा समाज न्याय दे नां श्ते बदले ते नफरत दी भाषा बोलदा है। बाबा नानक दा एह प्रसंग सानूं सिखौंदा है कि पाप नाल नफरत करो, पापी नाल नहीं। क्योंकि कठोर तों कठोर मनुख दा हृदय परिवर्तन बदले दी भावना नाल नहीं, बल्कि आत्म-बोध ते करुणा नाल ही हो सकदा है।
बाबा नानक किसे इक्क धर्म जां हदबंदी विच बंधे होए नहीं सन। ओह पूरी मानवता दी जागदी चेतना सन।
जदों सानूं अपनी दौलत श्ते हंकार होण लग्गे, तां सानूं दुनी चंद दी सुई याद आ जाणी चाहीदी है।
जदों असीं शोषण ते गलत ढंग नाल कमाई करण वल्ल वधिए, तां सानूं भाई लालो दी रोटी दा दूध ते मलिक भागो दी पूरी दा खून याद आ जाणा चाहीदा है।
जदों असीं सत्ता जां साधनां दे हंकार विच दूज्यां नूं दबौंण लगिए, तां सानूं वली कंधारी दा सुक्केआ होया चश्मा याद आ जाणा चाहीदा है।
जदों असीं किसे भटके होए मनुख श्ते उंगली चुक्किए, तां सानूं सज्जण ठग दे हंजू ते बाबा नानक दी करुणा याद आ जाणी चाहीदी है।
जे असीं बाबा नानक दे इनां चार सूत्रां विचों इक नूं वी अपणे आचरण विच उतार सकिए, तां साडा समाज होर संवेदनशील, न्याय-पसंद ते शांत बण सकदा है।
-लेखक सुविख्यात शायर और आकाशवाणी के पूर्व वरिष्ठ उद्घोषक हैं
About the Author
