राजेश चड्ढ़ा
सवेरे दी पहली चानण-लिशक नाल जदों नीले अंबर ते सुरमई छटा बिखरदी है, या शाम नूं ढलदे सूरज दी सुरख़ी विच जदों आसमान सुनहरी रंग विच रंगेआ जांदा है, उस वेले अंबर ते इक बहोत ही रूहानी नज़ारा देखण नूं मिलदा है-पंछियां दियां डारां।
वेखेया जावे तां सवेरे भोजन अते रिज़क दी भाल विच अपणे आल्हण्यां तों इकट्ठे निकलना अते शाम नूं ढलदी सांझ नाल इकट्ठे ही अपणे घर वल परतना-एह केवल कुदरत दा इक नज़ारा नहीं, बल्कि इंसानी रूह दे इस संसार विच औण अते वापस अपणे मूल विच लीन होण दा इक बहत वड्डा रूहानी फ़लसफ़ा है।
डार विच उड्डण दा सब तों वड्डा राज़ एह है कि, इक तां पंछी कदे राह नहीं भटकदे, अते दूजा इकट्ठे रहण नाल हवा दे तेज़ बवंडरां ते शिकारी ख़तरेयां तों बचे रहंदे हन।
पंछियां दी मिसाल दे के मनुख नूं अहंकार छड्डण अते एकता अपनौण दा पाठ पढौण वाले बाबा फ़रीद ने वी पंछी दा भरोसा अते रिज़क दी बे-फ़िकरी बारे बहोत कुज आखेया है। उन्हां दा कहणा है कि पंछी कदे अपणे लई अनाज दा संचय नहीं करदे। पंछी रुक्खां ते निवास करदे हन अते उन्हां दा सच्चा साईं उन्हां नूं हर रोज़ रिज़क दिंदा है। फ़रीद दे मुताबिक सब नूँ पंछी दी तरह भरम-रहित हो के केवल इक प्रीतम दे नाम नूं अपने मन विच सम्हालना ही जीवन दा सच्चा मकसद है।
सवेरे जदों पंछियां दियां डारां आल्हण्यां तों उड्डदीआं हन, तां उन्हां कोल कोई धन-दौलत दा झोला नहीं हुंदा। एह केवल प्रीतम दे पूर्ण भरोसे दे पंखां नाल अंबर नूं नापदे हन। एह भरोसा ही अज्ज दे मनुख नूं सिखौंदा है कि अन्हे लालच अते तृष्णा नूं छड्ड के सहजता अते निम्रता नाल जीवन जीणा ज़रुरी है।
संत कबीर ने पंछियां दी उड़ान, संगत दी ताक़त अते मन दे अहंकार गवौण दी गल्ल बहोत ही बेबाक तरीक़े नाल कीती है-
कबीर पंखी उडि गइआ
पंक रहा निसंग।
ऊडी सूढ़ी बहु फिरी
पाछा पाया संग॥
कबीर आखदे हन कि जदों रूह रूपी पंछी संसारिक बंधनां तों मुक्त हो के उड्डदा है, तां कई राहां ते भटकण तों बाद आख़िरकार अपने मूल नूं पा लैंदा है। संत कबीर दा कहणा है कि संगत विच रह के कीती गई उड़ान कदे निष्फल नहीं जांदी।
डार विच उड्डण नाल पंछी कदे राह नहीं भटकदे। अकेले उड्डण वाला पंछी शिकारी दा शिकार हो सकदा है, पर डार दी एकता उस नूं सुरक्षित रखदी है। एत्थे साढे लई संदेश है कि कल्लेयां अते अहंकार विच ज्यौण दी बजाय सच्चे संग अते भाईचारे विच रह के ही जीवन दी मंज़िल पाई जा सकदी है।
बाबा बुल्ले शाह ने अपणिआं काफ़िआं विच पंछी दे आल्हणा छड्डण दी मिसाल दे के शरीर दी नाश्वानता अते अहंकार छड्डण दा संदेस दित्ता है-
उड़ गए पंछी, ख़ाली आल्हणे,
हुण काहदा माण करेन्ना ऐं?
एह तन मिट्टी विच रुळ जाणा,
ज़ुबां तों सच ही बोलेन्ना ऐं।
यानी कि जदों प्राण दा पंछी उड़ जांदा है, तां एह शरीर दा आल्हणा ख़ाली ते बेजान रह जांदा है। फेर असीं किस गल्ल दा अहंकार करदे हां? केवल इक अपणे प्रीतम दा सच ही सदा रहण वाला है।
अंबर विच उड्डदी डार विच कोई वी पंछी एह दावा नहीं करदा कि अंबर उसदा है। एह सब अपणा अहंकार गवा के उड्डदे हन। सानूं वी अपणी विद्या, धन या रूप दा अहंकार छड्ड के निम्रता नाल अपणी गल्ल कहणी चाहीदी है।
सूफ़ी शाह हुसैन ने अपणिआं रचनावां विच एसे लयी अपणे आप नूं हमेशा निमाणा आखेआ है-
कहै हुसैन फ़कीर निमाणा,
इह जग छड्ड के आख़िर जाणा।
जो निवेंगा सोईओ फल पावसी,
साईं दे दर ते जो झुकि जाणा॥
यानी जेकर असीं अपणे बोलां अते सुभाव विचों अहंकार त्याग के निम्रता नाल झुकना सिख लइये तां, जीवन दा असल रूहानी फल प्राप्त कर सकदे हां।
पंछी जदों तेज़ हवा विच उड्डदे हन, तां हवा नाल टकरौण दी बजाय अपणे पंखां नूं मोड़ के झुक जांदे हन। एह निम्रता ही उन्हां नूं तूफ़ान विच टूटण तों बचौंदी है। साढे सारेयां लई वी एहो संदेश है कि अकड़ विनाश दा कारण बणदी है अते निम्रता हमेशा सुरक्षा दिंदी है।
ख़्वाजा ग़ुलाम फ़रीद ने शाम वेले अपणे आल्हण्यां वल्ल परतदी डार नूं देख के रूह दे अंदर उपजी सजण दे मिलण दी तड़प बारे बहोत सुन्दर आखेया है-
मन तन तत्ता थीओ,
हिक छोड़ ना मैंकूं वो॥
फ़रीदा छड्ड तकब्बरी,
हो जा ख़ाक निमाणा,
तां ही रब मिलसी वो॥
यानी कि अहंकार छड्ड के मिट्टी वरगा निमाणा होण तों बाद ही सानूं प्रीतम दा मिलाप नसीब हो सकदा है।
शाम नूं जदों पंछी अपणे घर वल परतदे हन, तां एह दृश्य सानूं याद दिलौंदा है कि दिन भर दी भज-दौड़ तों बाद आख़िरकार हर बंदे नूं अपणे असल घर वल्ल ही परतना पैंदा है।
अज्ज दे दौर विच असीं अपणे आप नूं बहत सभ्य मनदे हां, पर एह अहंकार, कल्लेपन अते बोली दी कड़वाहट विच उलझ के राह भटकणा है। पंछियां दी डार अते सूफ़ियां दा चिंतन सानूँ चेतौंदा है कि
कल्लेपन तों निकल के एकता अपनौणी ज़रूरी है।
पंछी कदे कल्ले उड्ड के अहंकार नहीं दिखौंदे। सानूं वी स्वार्थ छड्ड के समाजिक एकता विच ज्यौणा ज़रूरी है।
समग्र रूप विच, असीं आख सकदे हां कि पंछियां दियां डारां दा आसमान विच उड्डणा सिर्फ़ इक कुदरती दृश्य नहीं है, बल्कि एह हर साढे सारेयां लई इक जीवंत अते अमर सच है कि जदों असीं सांझ, निम्रता अते मर्यादा नाल इकट्ठे हो के चलदे हां, तां ना असीं जीवन दियां राहां विच भटक सकदे हां, अते ना ही कोई बाहरी तूफ़ान सानूँ तोड़ सकदा है। इस लयी एह ज़रूरी है कि असीं अपणी आसां दी उड़ान नूं अंबर जिड्डी उंचाई तां देइये, पर अपणे पैर निम्रता अते सच दी ज़मीन ते टिका के रखिए।
-लेखक जाने-माने शायर व आकाशवाणी के पूर्व वरिष्ठ उद्घोषक हैं
About the Author
