राजेश चड्ढ़ा
‘मिट्टी दी खुशबू’ कॉलम अज्ज़ अपणे सफ़र दे उस मुक़ाम ते आ पहुँचेया है, जित्थे अक्खर छोटे पै गए हन अते जज्बात असीम हो गए हन। सौवाँ अंक किसे वी लेखनी लई महज़ इक गिणती नहीं हुंदा, एह इक पूरा दौर हुंदा है-
पन्नेयां ते उकेरी गई मुकम्मल ज़िंदगी दा दौर।
असीं पिछले निन्यानवे अंकां विच पंजाब दी मिट्टी, एत्थों दे मेलेयां, चिठ्ठीआं, स्वाद, गहणेयां अते सूफ़ी संतां दी बाणी नूँ शबदां विच बन्न्हण दी कोशिश कीती है। पर अज्ज़, एस सौवें अंक दी खास दहलीज ते खड़े हो के मन विच इक अजीब जही तड़प ते ठहराव है। अज्ज़ अक्खर थक गए हन, कलम रुक गई है, पर सीने विच जज्बातां दा दरेया अज्ज सब तों तेज़ वग्ग रेहा है।
इस सौवें अंक नूँ लीक तों वक्खरा बणौण लई असीं शबदां दा आडम्बर नहीं रच रहे, बल्कि उस सचाई वल परत रहे हां जो हर पंजाबी दी रूह दा हिस्सा है-‘ख़ामोशी’। कदे-कदे जदों कलम कुज नहीं लिखदी, उदों ओह सब तों वड्डे सच लिख रही हुंदी है। पंजाब दा इतिहास, एत्थों दा सभ्याचार अते एत्थों दा रूहानी धरातल गवाह है कि साड्डे विरसे विच ‘ख़ामोशी’ दा सुर सब तों गूढ़ा ते असरदार रेहा है। अज्ज दा एह खास अंक उसी ‘ना-लिखे’ गए सच दे नां है, जो सिद्धे पाठकां दे दिलां विच अपणी गूंज पैदा करेगा।
पंजाबी सूफ़ी कविता दी नींह ही एस विचार ते टिकी है कि सजण गल्लां नाल नहीं, बल्कि मन दे ठहराव अते ख़ामोशी नाल मिलदा है। जदों आलिम किताबां पढ़-पढ़ के शोर मचौंदे सन, तां कबीर ने आखेया सी-
‘दिल दा मरहम कोई ना मिलेया
जो मिलेया सो गरजी
कह कबीर आकाश फाटेया
क्योंकर सीवे दर्जी’
कबीर दी एह गल्ल हर इंसान नूँ चेतावनी दिंदी है कि जदों दुनिया विच हर कोई स्वार्थी हो जावे अते जज्बातां दा आसमान वी फट जावे, तां दुनियावी जत्न बेकार हो जांदे हन। अजेहे समय विच माणसां साहमणे रोण या शोर मचौण दी बजाय, चुप होके उस मालिक दे भाणे नूँ मन्नणा ही रूहानी शान्ति दा इक मात्र रस्ता है, क्योंकि उस फटे होए आसमान नूँ सिर्फ़ चौहण वाला सजण-बेली ही सी सकदा है।
बाबा बुल्ले शाह दी काफ़ी श्चुप करके करीं गुज़ारे नूंश् पंजाबी साहित्य विच ख़ामोशी दा सब तों वड्डा रूहानी दस्तावेज़ है-
श्चुप करके करीं गुज़ारे नूँ,
सच सुण के लोग ना सहन्दे ने
सच आखिए तां गल्ल पैंदे ने
फिर सच्चे पास ना बहन्दे ने
सच मिट्ठा आशिक़ पिआरे नूँश्
यानी इस संसार विच अपनी ज़िंदगी दा गुज़ारा चुप रह के कर लैणा ही सब तों उत्तम है। इसदा कारण एह है कि दुनियावी माणसां विच सच सुणन दी सहनशीलता नहीं हुंदी। लोग बाहरी तौर ते चाहे सच दी किन्नी ही वड्डी गल्ल करण, पर जदों असलियत साहमणे औंदी है, तां उसनूँ बर्दाश्त नहीं कर पांदे।
पंजाब दे इतिहास दा सब तों वड्डा दुखांत 1947 दी वंड है। इस वंड ते लक्खां पन्ने लिखे गए, बेशुमार अते दर्दनाक साहित्य रचेया गया। पर इतिहासकार दस्सदे हन कि वंड दा सब तों वड्डा सच उन्हां लोकां दी ‘ख़ामोशी’ विच लुकेया सी, जिन्हां ने कत्लेआम अपनी अक्खां साहमणे देखेया सी पर मुड़ के पूरी जिंदगी उस बारे कोई गल्ल नहीं कीती।
शिव कुमार बटालवी ने जदों लिखेया-
‘मैनूं विदा करो मेरे राम
मैनूं विदा करो
कोसा हंझ शगन पाउ सानूं
बिरहा तली धरो’
तां उन्हां ने उस ख़ामोश विदाई दी गल्ल कीती सी, जित्थे शबदां लई कोई जगह नहीं बचदी।
जदों बटालवी आखदे हन-
‘हुण तां प्रभ जी हाड़ा जे
साडी बांह ना घुट्ट फड़ो
प्रभ जी हुण तां बिरहों-वेहूणी
मिट्टी मुकत करो’
एत्थे मिट्टी दा विहाणी यानी खाली हो जाणा अते चुप हो जाणा ही सब तों वड्डी पुकार बण जांदा है। जदों दर्द सारे काफ़िये ते रदीफ़ां तों मुक्त हो जांदा है, तां ओह सिर्फ़ इक सिसकी बण के रह जांदा है। ओह सिसकी कइ हज़ार पन्नेयां दे उपन्यासों तों वध असरदार हुंदी है।
पुराणें पंजाब दे पिंडां विच रुमानियत, प्यार अते आदर दा रूप बडा ही सादा ते गहरा हुंदा सी। अज्ज दे शोर शराबे वरगा नहीं हुंदा सी। ओत्थे प्रेमी-प्रेमिका या नूंह-सस्स दे विचकार कइ अजेहे जज्बात हुंदे सन, जो बिना बोले ही समझ लए जांदे सन।
‘लौंग गवाचा’ दे ओहले लुकी चुप
जदों असीं लोकगीत राही सुणदे हां-
श्पीछे पीछे औंदा
मेरी चाल वेहंदा आईँ’
इस पूरे गीत विच प्रेमी ते प्रेमिका सिद्धे तौर ते आपस विच कोई गल्ल नहीं करदे।
प्रेमिका अपणे प्रेमी नूँ आखदी है कि मेरे पीछे औंदे होए सिर्फ़ मेरी चाल देखण दा बहाना बणाईँ, मुँह तों कुज ना बोलीं।
पिंड दे कड़े पहरेयां विच उन्हां दी ‘ख़ामोशी’ ही उन्हां दे प्यार दी सब तों वड्डी ढाल सी। बिना कुज बोले, सिर्फ़ अक्खां-अक्खां विच ही पूरे जज्बात दर्ज हो जांदे सन। एह पंजाब दी मर्यादा दा ऐतिहासिक सच है।
लेखक जदों लगातार निन्यानवे हफ़्ते लिखदा है, तां ओह शबदां दा इक ताना-बाना बणा लैंदा है। पर सौवें अंक ते आ के उस नूँ अहसास हुंदा है कि असली ‘खुशबू’ तां पन्नेयां दे विचकार छुपी ओह खाली जगह है, जिस नूँ पाठक अपने दिल दी धड़कन नाल पढ़दा है।
अज्ज असी इस अंक विच कृत्रिम शोर नूँ छड के, पंजाब दे बदल चुके सभ्याचार ते रोष प्रकट करण दी बजाय, पुराणे पंजाब दी श्साझी चुपश् नूँ याद कर रहे हां।
पंजाब दे बुजुर्ग अक्सर घरां विच ए हिदायत दिंदेयां आखदे हन कि श्दिन ढलण तों पहले घड़ा भर लैणा चाहीदा हैश्, ओसे तरहां ही शबदां दा घड़ा अज्ज़ ख़ामोशी दे पानी नाल भरेया गया है।
एह अंक हर उस पंजाबी पाठक नूँ समर्पित है, जो अपणी माँ-बोली, अपणे पिंड दे कच्चे राहन, दादी दी लोरियां ते साझें चूल्हे दी खुशबू नूँ बिना शबदां दे वी महसूस कर सकदा है। सारी गल्ल दे निचोड़ रूप विच असीं आख सकदे हां कि ‘कदे-कदे कुज नहीं लिखणा वी बहोत कुज लिखणा हुंदा है।’ एह विचार कोई लेखनी दी असफ़लता नहीं है, बल्कि एह लेखनी दी चरम ऊँचाई है। पंजाब दी मिट्टी दी तासीर सहनशीलता अते धीरज दी है। मिट्टी चुपचाप बीज नूँ अपने अन्दर सम्भालदी है, धूप-छाँ सहंदी है, पर मुँह तों कुज नहीं बोलदी, अखीरकार उसदी ख़ामोशी ही हरी-भरी फ़सल बण के जग साहमणे औंदी है।
अज्ज दे ‘मिट्टी दी खुशबू’ कॉलम दा एह सौवाँ अंक एस मिट्टी वरगी सहनशीलता, सूफ़ी संतों दी चुप, मर्यादा दे पहरेयां विच पनपे प्यार, ते वंड दे बे-ज़बान ज़ख्मां नूँ साझी श्रद्धांजली है।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
