राजेश चड्ढ़ा.
बारहवीं-तेरहवीं सदी विच होए बाबा फरीद (शेख फरीद) या ख्वाजा फ़रीदुद्दीन मसूद गंजशकर इक सूफ़ी संत सन। शेख फ़रीद नूं असीं पंजाबी साहित्यक परंपरा अते आधुनिक पंजाबी सभ्याचारक दी मोढ़ी वजहों जाणदे हां। भारतीय सूफ़ी शायरी दी शुरुआत शेख फ़रीद तों होई मन्नी जांदी है।
श्री गुरुग्रंथ साहिब विच आप दी बाणी दियां तुकां मौजूद हन, जिन्हानूं ‘सलोक फरीद जी’ केहा जांदा है।
शेख फरीद ने इक परमात्मा दे सिमरन अते प्रेम ते जोर दित्ता है। बाबा फ़रीद मनदे हन कि परमात्मा साढ़े अंदर ही है अते संसार नूं त्याग के जंगलां विच रहण दी कोई लोड़ नहीं है। दूजेयां दी निंदेया तों बचण दी गल्ल करदेयां शेख फ़रीद कहंदे हन-
फ़रीदा जे तू अकल लतीफ हैं,
काले लिख ना लेख।।
अपनड़े गिरह बान में,
सिर नीवां कर वेख।।
यानी जे कर तुहाढ़े कोल सयानप है तां किसे नूं माड़ा ना बोलो, सगों सिर झुका के अपणे काम वल ध्यान देयो।
मिट्टी दी महिमा दा बखान शेख फ़रीद तों बेहतर कोई नहीं कर सकदा। बाबा फरीद कहंदे हन-
फरीदा खाक न निंदीऐ,
खाकू जेड़ न कोइ।।
जीवदिआं पैरा तलै,
मुइआं उपरि होइ।।
यानी मिट्टी दी बुराई कदी ना करो, क्योंकि उसदे वरगा होर कोई नहीं है। जदों तक असीं जिऊंदे हां एह साढ़े पैरां हेठां है पर जदों असी मरदे हां तां असीं खुद ही मिट्टी दे हेठां दब जांदे हां।
सार एही है कि मामूली समझियां जाण वालियां वस्तुआं दी वी निंदा नहीं करनी चाहिदी, क्योंकि समां बदलन विच समां नहीं लगदा।
-लेखक जाने-माने शायर हैं
