राजेश चड्ढ़ा.
सिख कौम अपने अमर इतिहास अते जीवत सभ्यचार लयी जाणी जांदी है। सिख इतिहास विच अजहे प्रसिद्ध लोक हन जिन्हां ने इस दे वृतांत नू आकार दिता है। इन्हां दिग्गजां विच बाबा बंदा सिंह बहादुर वी शामिल हन, जो पंजाब दे विशाल क्षेत्र विच सिख राज स्थापित करन लयी मशहूर अते सतकारित सिख जनरैल सन।
राजपूत माता-पिता दे घर जन्मे, लक्ष्मण दास दा इक उत्साही शिकारी तों इक बैरागी सन्यासी विच परिवर्तन, उस दी डूंगियां तब्दीलियां नू दरशौंदा है जो उस दे असाधारण जीवन नू परिभाषित करदियां हन। सन 1670 विच राजौरी विखे जन्मे लक्ष्मण दास यानी बाबा बंदा सिंह बहादुर सिख फौजी इतिहास विच इक महत्वपूर्ण शख्सियत वजहों जाणे जांदे हन।
जदों बाबा बंदा सिंह बहादुर दी उम्र 15 साल सी तां उन्हां ने अपनी शिकार मुहीम दे दौरान इक हिरणी नू गोली मार के उस दी जान लै लयी। हिरणी नू मारन दे कुज ही पलां बाद, लक्ष्मण देव नू एहसास होया के उस ने बहुत वड्डी गलती कीती है। हिरणी दी खूनी मौत दे गवाह होन तों बाद, लक्ष्मण कुज जवाबां दी भाल विच भटकदा रेहा जिस दी वजहों उस नू अपना घर अते सांसारिक सुखां नू छडना पेया। उस ने अपना नाम लक्ष्मण देव तों बदल के माधो दास बैरागी रख लेया। घुमक्कड़ माधो दास नासिक, महाराष्ट्र पहुँच के औघड़ नाथ दा चेला बन गया। पूर्ण श्रद्धा नाल अपने गुरु दी सेवा करदेयां उस ने जादू दा हुनर सीखेया। माधो दास बैरागी ने महाराष्ट्र विखे नांदेड़ विच एक मठ दी स्थापना कीती।
सितंबर 1708 विच, सिखां दे दसवें गुरु, गुरु गोबिंद सिंह जी, उन्हां दे मठ विच आये, जिस तों बाद माधो दास गुरु गोबिंद सिंह जी दे चेले बन गये। गुरु गोविंद सिंह जी ने माधो दा नाम बदल के श्बंदा सिंह बहादुरश् रखेया अते उह इक फौजी कमांडर वजहों मशहूर हो गये। उन्हां नू श्बंदाश् नाम इस लयी दिता गया क्योंकि जद उह पहली वार गुरु गोबिंद सिंह जी नू मिले सन, तां उन्हां ने खुद नू उन्हां दा ‘बंदा’ यानी दास केहा सी।
बंदा सिंह बहादुर इक सिख फौजी अगुआ सन, जिन्हां ने मौजूदा हरियाणा विच लौहगढ़ विखे अपनी राजधानी दे नाल इक सिख राज दी स्थापना कीती। अपने गुरु, गुरु गोबिंद सिंह जी दी सलाह अनुसार, बंदा सिंह बहादुर ने कैथल विखे फौज इकट्ठी कीती अते फेर खंडे वल कूच कीता। बंदा बहादुर ने सन 1709 विच ‘समाना दी जंग’ विखे मुगल राज दे खिलाफ अपनी लड़ाई जारी रखदेयां
वज़ीर खान दी आगू मुगल सेना नू हराया।
गुरु गोबिंद सिंह जी ने बंदा बहादुर दी सहायता लयी पंज सिखां नू वी नियुक्त कीता। बंदा बहादुर दी लोकप्रियता शिखर ते पहुँच जदों उस ने जमींदारी प्रणाली नू खत्म कर दिता अते बाद विच किसानां नू पूर्ण मालकियत प्रदान किती। बंदा बहादुर ने समाना नू लुट लेया अते पंजाब विच अपनी हुकूमत कायम कर लयी।
दिसंबर 1715 विच मुग़ल शासक, बंदा सिंह बहादुर अते उस दे साथियां नू फड़न विच कामयाब हो गये। तिन्न महीनेयां दी यातना तों बाद, बाबा बंदा सिंह नू 9 जून, 1716 दे दिन फांसी दे दिती गयी। बाबा बंदा सिंह बहादुर नू दिती गयी फांसी नू इतिहास विच दर्ज सब तों बेरहम फांसियां विचों इक मनेया जांदा है। बंदा सिंह दे चार साल दे पुत्तर अजय सिंह नू उस दे सामने बेरहमी नाल मार दिता गया, पुत्तर दा कलेजा उस दे मुंह विच जबरन ठूंस दिता गया। इस बेरहमी दे बावजूद, बंदा शांत रेहा, अपने संकल्प विच अडोल रेहा। उस नूदे तकलीफ़ां देन वालेयां ने ज़ालिम तरीकेयां दा सहारा लेया, गर्म चिमटेयां नाल उस दा मांस हौली हौली फाड़ दिता, उस दियां अक्खां बाहर कढ दितियां अते उसदे पैर कट दिते गये।
बंदा सिंह दी शहादत तों बाद खालसा विच नवें अगुआ पैदा होये, जिन्हां विच बाबा दीप सिंह, नवाब कपूर सिंह, छज्जा सिंह, भूमा सिंह, हरि सिंह ढिल्लों, जस्सा सिंह रामगढ़िया, जस्सा सिंह अहलूवालिया, बुध सिंह, नौध सिंह, चरहत सिंह सुकरचकिया आदि शामिल सन। महाराजा रणजीत सिंह ने सिर्फ़ नब्बे साल विच सिख साम्राज्य दी स्थापना कीती अते उन्हां लोकां दी विरासत नू विस्तारित कीता जिन्हां ने अपनी कौम लयी सब कुज कुर्बान कर दिता।
बंदा सिंह दा सिख इतिहास विच अमर स्थान है। उस दी प्रसिद्धि सिख कौम तों परे, खास कर के बंगाल विच पहलां गयी। नोबेल पुरस्कार जीतू रवींद्रनाथ टैगोर ने श्बंदी बीरश् या श्द कैप्टिव ब्रेवश् सिरेलेख वाली इक कविता लिखी, जिस विच मुगल साम्राज अते उस दे खिलाफ बगावत दौरान सरदार बंदा सिंह बहादुर दे साहसी कारनामेंयां अते उस दी अंतिम शहादत दा वर्णन कीता गया है।
-लेखक आकाशवाणी के पूर्व वरिष्ठ उद्घोषक और जाने-माने शायर हैं
