राजेश चड्ढ़ा.
गुरु ग्रंथ साहिब जी महाराज दी हर इक पंक्ति इक विषय है, इक मजमून है, मनुख दे अनगिनत सवालां दा जवाब है, बेअंत समस्यावां दा हल है। इहे वी केहा जा सकदा है कि हर शब्द अपने आप विच इक नवीं ज़िंदगी, नवीं दुनिया, नवां राज, नवां उत्साह, नवीं लहर लै के साढे़ सामने खड़ा हुंदा है।
गुरु ग्रंथ साहिब जी मनुख दे हाथ विच दीवे वांग हन, के उह इसदी रोशनी विच अपना जीवन व्यतीत कर सके। पर जेकर कोई व्यक्ति अक्खां बंद करके तुरदा है अते उस रोशनी दा फ़ायदा नहीं उठांदा तां उह ज़रुर ठोकर खा के डिग पैंदा है। इहे किसी दी जिम्मेवारी नहीं है। गुरु नानक देव जी महाराज दा फरमान है-
आपै दोसु न देई करता जमु करि मुगलु चड़ाइआ॥
करतार दा कोई दोष नहीं। जद जीव ही नियमां दी उल्लंघना करदा है तां दुख दा कोई न कोई कारण पैदा होंदा है। मनख नू मुसीबतां सामना करना पैंदा है। सुख तां करतार दी रजा विच है। परमात्मा चौंहदा है कि जीव सदा सुखी रहे। पर जदों वी कोई व्यक्ति रजा दे विरुद्ध गया है, हुक्म दे विरुद्ध गया है, नियमां दी उल्लंघना कीती है, उस नू सिवाय दुख दे होर कुज वी नहीं मिलेया।
असीं वेखदे हां कि सड़कां दी वरतों करन वालेयां लयी ढु़कवें ट्रैफिक नियम बनाये गये हन। इहे इस लयी कीते गये हन कि सड़कां दी वरतों करन वाले इक दूजे नाल ना टकरा जान। किसे दी बेवजह जान न चली जाये। जेकर कोई इंसान अजेहा कहंदा है अते दावा करदा है कि उसने सड़कां ते तुरना है पर नियमां दी पालना नहीं करनी तां जद उह ट्रैफिक नियमां दी पालना ना करदे होये डिग के ज़ख्मी हो जावेगा। उस साट दी जिम्मेवारी डिगन वाले दी अपनी है। क्योंकि नियम स्थापित कीता गया है। इस संसार विच जीवन नू चलौन लयी प्रभु ने आप ही नियम बनाये हन।
नियम की है? धर्मग्रंथां दी वाणी ही प्रभु दे नियम हन। महापुरखां दे उपदेश ही परमात्मा दे नियम हन।
उह वार-वार दसदा रेहा है कि इहे ज़िंदगी ज्यौन दे तरीके हन। इस नियम नू गुरु नानक देव जी महाराज दा हुक्म केहा जांदा है। हे बंदे! उस दा एह हुक्म तेरे कोल लिखेया होया है।जेकर तूं किसे के लयी मुश्किलां खड़ियां करेंगा तां तैनू अपने आप नू औखा जीवन व्यतीत करना पवेगा। रब ने अजेहा नियम बनाया है।
जिंवे असीं धरती विच इक बीज बीजदे हां, उह औन वाले समय विच कयी गुना हो के वापस औंदा है। बीज चंगा होवे या माड़ा। भांवे किसे जहरीले पौधे दा बीज बीजेया होवे या किसे फलदार रुख दा जो अमृत दिंदा है, इक बीज, इक अनंत बीज विच खिड़दा है। इस तरहां भांवे असी चंगे या माड़े कर्म करदे हां, एह बेअंत हो के वापस औंदे हन।
किसे नू हंसाना हासे नाल झोली भर दिंदा है। जेकर असीं किसे नू इक फुल भेंट करांगे तां साढा़ समूचा रस्ता फुल्लां नाल ढकेया जावेगा। पर जेकर असीं किसे दे राह विच सिर्फ इक ही कंडा विछा देइये तां सानू अपनी जिंदगी दे हर रस्ते विच कंडेयां तों अलावा होर कुज नहीं मिलेगा। जेकर किसे दे राह विच कोई रुकावट खडी़ कीती है तां खुद नू वी रुकावटां नाल चलना पवेगा।
पंजाबी लेखक, इतिहासकार, उपदेशक, चार गुरुओं दे साथी, गुरू अमर दास जी दे भतीजे भाई गुरदास जी ने श्वारां भाई गुरदासश् विच केहा है-
दित्ता लईये आपणा
अणिदित्ता कछु हथि न आवै
जो कुज असीं जमीन नू दिंदे हां, उहो वापस आ जांदा है। जो कुज असीं संसार नू दिंदे हां उहो वापस औंदा है।
इहे सच है कि असीं सारी धरती नू गुलिस्तान नहीं बना सकदे पर जित्थे वी असीं लंघिये सानू कुज कंडे जरूर चुकने चाहिदे हन। पत्थरों नू जरूर हटाइये ताके होर लोक आसानी ना रस्ता पार कर सकन। जो किसे दा राह सौखा बना दिंदा है, उस मनुख दे अपने रस्ते सौखे हो जांदे हन अते जो किसे दा राह विच रुकावट पैदा करदा है, उस दी अपनी जिंदगी विच चारों पासे मुश्किलां दे अलावा होर कुज नहीं औंदा।
-लेखक जाने-माने शायर और ऑल इंडिया रेडियो के पूर्व वरिष्ठ उद्घोषक हैं
