राजेश चड्ढ़ा
हर दौर विच विचार प्रगट करण दी आज़ादी नूँ मनुख दा सब तों बुनियादी अते मौलिक अधिकार मन्नेआ गया है। अज्ज दा समाज सोशल मीडिया, डिजिटल मंचां अते जन-संवाद राहीं अपणे विचारां नूँ पूरी निडरता अते तेज़ी नाल दुनिया साहमणे रख रेहा है। पर इस बेरोक आज़ादी दे नाल ही इक वड्डा संकट वी पैदा होया है, जिसनूँ भाषा दी मर्यादा दे पतन दा संकट केहा जा सकदा है।
अज्ज ज़्यादातर विचार प्रगट करण दी आज़ादी दे नां ते तिक्खे, कौड़े, अशिष्ट अते अहंकार भरे शब्दां दा इस्तेमाल कीता जांदा है। असहमति नूँ नफ़रत विच बदल दित्ता जांदा है। ऐसे माहोल विच सवाल उठदा है कि, की प्रगटावे दी आज़ादी दा मतलब ज़ुबान दी बेलगामी है?
एस संकट दा जवाब सानूँ पंजाब दी अमीर सूफ़ियाना परम्परा अते सूफ़ी संतां दे कलाम विचों मिलदा है। सूफ़ी संतां ने सदियां पहलां एह सिद्ध कीता सी कि अपणी बात नूँ पूरी बेबाकी अते निडरता नाल भाषा दी शालीनता, नम्रता ते मर्यादा नूँ बिना ठेस पहुँचाए किवें केहा जावे।
सूफ़ियाना चिंतन विच ज़ुबान नूँ सिर्फ़ संवाद दा ज़रिया नहीं, सगों श्अन्तरमन दा दर्पणश् अते श्रूहानी सीढ़ीश् मन्नेआ गया है। सूफ़ियां मुताबिक, इंसान दे अन्दर जो रचदा-वसदा है, ओ ही उसदी ज़ुबान तों बाहर औंदा है। सूफ़िज़्म विच विचार दी साफ़गोई अते बोलां विच संयम ज़रूरी है।
अहंकार-रहित होके अपणी गल्ल कहणा चंगा है अते अपणी गल्ल नाल किसे दी आत्मा या दिल नूँ ठेस ना पहुँचौंणा उस तों वी चंगा है। सूफ़ियां ने ज़ुबान ते पहरा देण नूँ इबादत दा पहला पड़ाव मन्नेआ है। उन्हां मुताबिक, मर्यादित भाषा ही समाज नूँ जोड़ सकदी है।
अज्ज दे समाज नूँ अपणे विचार प्रगट करण दी आज़ादी दे नाल-नाल भाषा दी मर्यादा अते संयम दा पाठ पढौण वाले 12वीं सदी विच होए बाबा फ़रीद पंजाबी सूफ़ियाना काव्य दे पितामाह हन। उन्हां ने ज़ुबान ते पहरा देण अते कौड़े बोलां तों बचन दी सब तों वड्डी ताकीद कीती है। बाबा फ़रीद आखदे हन-
इक फिका न गले सभाना माई सच्चा धानी
हिआओ न कइही थाही माणक सभ अमोलवे
यानी इक वी कठोर शब्द ना बोलो क्योंकि सब दा सच्चा प्रीतम अते मालिक सब विच मौजूद है। किसी दा वी दिल ना दुखाओ क्योंकि एह अनमोल रत्न है।
बाबा फ़रीद आखदे हन कि तुहाडे कोल अपने विचार प्रगट करण दी पूरी आज़ादी है, पर उस आज़ादी दी सीमा एह है कि तुहाडे बोल किसे दे दिल नूँ ज़ख़्मी ना करण। प्रगटावा ओही सुच्चा है जो सच वी बोले अते मिठास वी कायम रखे।
14वीं सदी दे संत कबीर दास दा एह दोहा भाषा दी मर्यादा, नम्रता अते मिट्ठी बोली दा सब तों उत्तम उपदेश है-
वाणी ऐसी बोलिए
मन का आप खोय
औरन को सीतल करे
आपहु सीतल होय
यानी अपनी गल्ल या विचार रखदे वक्त आज़ादी दा इस्तेमाल करदे होये, भाषा विचों अहंकार अते कड़वाहट नूँ कड्ड देना ही ज़ुबान दी असली मर्यादा है।
16वीं सदी दे सूफ़ी शाह हुसैन ने अपणियां रचनावां विच खुद नूँ हमेशा श्निमाणाश् यानी अहंकार-रहित कह के सम्बोधित कीता है। उन्हां दी भाषा विच असाधारण नम्रता अते मिठास है। शाह हुसैन आखदे हन-
कहै हुसैन फ़कीर निमाणा
जो निवेंगा सोईओ फल पावसी
यानी के जो इंसान झुकाव अते नम्रता नाल गल्ल करदा है, ओ ही अपणे जीवन विच सच्चा फल अते सत्कार पौंदा है। भाषा दा असल शृंगार नम्रता है। अपणी आज़ादी दा प्रदर्शन चीख के या अशिष्ट भाषा बोल के नहीं, सगों शांत अते मर्यादित लहजे विच अपनी गल्ल रख के हुंदा है।
16वीं सदी दे रहीम साहिब ने अमर्यादित अते कौड़े वचनां तों बचण दी गल्ल करदेयां आखेया है-
रहीमन धागा प्रेम का
मत तोड़ो चटकाय
टूटे से फिर ना जुड़े
गांठ पड़ जाए जाय
यानी गलत बोलां नाल या कौड़ी भाषा नाल टुट्टे रिश्तेयां विच अजेही गुंझल पै जांदी है जेड़ी फेर कदी नहीं खुलदी।
17 वीं सदी विच होए बाबा बुल्ले शाह अपणी बेबाक गल्ल कहण लई जाणे जांदे हन। उन्हां ने समय दे हाकमां अते धार्मिक आडम्बरां ते तिक्खी मार मारी है, पर उन्हां दा कहण दे अंदाज़ दा धरातल अहंकार दी मुक्ती है। बुल्लेशाह आखदे हन-
इल्मों बस करीं ओ यार
इक्क ओ अलिफ़ तेरे दरकार
बुल्ला शाह बुज्झे बिन रोवे
ओह तां अंदरों-बाहरों सोवे
जदों इक्को अलिफ़ दिल विच होवे,
तां मुक्क जांदे सब तकरार
इल्मों बस करीं ओ यार
इक्क ओ अलिफ़ तेरे दरकार
यानी प्रीतम नूं जानण लई अहंकार छड्ड के नम्रता धारण करनी पैंदी है। जदों इंसान अहंकार छड्ड दिंदा है, तां सारे झगड़े अते तकरार मुक्क जांदे हन। जद तक इंसान दे बोलां विच मैं है, तद तक सच्ची गल्ल नहीं कह सकदा। जद मैं मिट जांदी है तद बोले गए शब्द मर्यादित अते सर्व-स्वीकार्य हो जांदे हन। बुल्ले शाह सिखौंदे हन कि अपणी बात नूँ अहंकार-रहित होके कहणा ही विचार रखण दी असली मर्यादा है।
सूफ़ी संतां दे विचारों नूँ अज्ज दे व्यावहारिक जीवन विच लागू करण लयी सानूँ बोलण तों पहलां तोलण दी ज़रूरत है। कोई वी विचार व्यक्त करण या लिखण तों पहलां खुद तों पुच्छण दी लोड़ है कि, की एह शब्द सच हन? की एह ज़रुरी हन? अते की एह मर्यादित हन?
सच बोलणा विचार रखण दी आज़ादी है, पर सच नूँ कटुता दी बजाय शालीनता नाल कहणा भाषा दी मर्यादा है। दूजे दे विचारां नाल असहमति रखदे वक्त वी उसदी गरिमा दा ध्यान रखणा ज़रूरी है।
अपणी गल्ल नूँ श्मैं ही सही हांश् कहण दी बजाय श्मेरा विचार एह हैश् दे भाव नाल पेश करणा ज़रूरी है।
समग्र रूप विच, असीं आख सकदे हां कि अपणी गल्ल कहण दी आज़ादी अते भाषा दी मर्यादा कोई वक्ख-वक्ख या विरोधी गल्लां नहीं हन, सगों एह इक ही सिक्के दे दो पहलू हन। बिना मर्यादा दे आज़ादी मन मर्ज़ी दा हुड़ंदंग बण जांदी है, अते बिना आज़ादी दे मर्यादा दमन बण जांदी है।
सूफ़ी संतां ने सानूँ सिखाया है कि भाषा दी सच्ची ताक़त कड़वे बोलां विच नहीं, सगों संयम, नम्रता अते सच रखण विच है। सानूँ चाहीदा है कि अपणे विचार प्रगट करण दी आज़ादी दा इस्तेमाल निडर होके करिये, पर अपणी बोली विच बाबा फ़रीद दी मिठास, संत कबीर दी सादगी, शाह हुसैन दी नम्रता, रहीम दा सत्कार अते बुल्ले शाह दे अहंकार-रहित सच नूँ हमेशा कायम रखिये।
-लेखक जाने-माने शायर और आकाशवाणी के पूर्व वरिष्ठ उद्घोषक हैं
About the Author
