राजेश चड्ढ़ा.
विश्व इतिहास विच धर्म अते मनुखी कीमतां दे नाल-नाल आदर्शां अते सिद्धांतां दी राखी लयी अपनी जान कुरबान करन वालेयाँ विच गुरु तेग बहादुर जी दा विलखन स्थान है। धर्म अते आज़ादी विरोधी विचारां दियाँ नीतियाँ विरुद्ध गुरु तेग बहादुर जी दा बलिदान इक बेमिसाल ऐतिहासिक घटना है। सोलहवीं सदी दे दौरान अमृतसर विच माता नानकी दी कुखों जनमे गुरु तेग बहादुर जी दा बचपन विच नाम त्यागमल रखेया गया सी। चौदहां साल दी निक्की उम्र विच ही उन्हांने अपने पिता दे नाल मुगलाँ दे हमले खिलाफ बहादुरी दिखायी अते उन्हां दी इस बहादुरी तों प्रभावित हो के, पिता ने उन्हां दा नाम तेग बहादुर यानी तलवार दा धनी रखेया सी। अठवें सिख गुरु हरिकृष्ण राय दी अकाल मौत तों बाद तेग बहादुर नू नौवां गुरु बनाया गया, जिन्हां दे जीवन दा पहला फ़लसफ़ा एह सी कि धर्म दा मार्ग ही सच्चा अते जित दा मार्ग है। गुरु नानक देव जी दे बाद गुरु तेग बहादुर जी ही अजेहे गुरु सन जिन्हां ने पंजाब तों बाहर सब तों वध यात्रावां कीतियां। गुरु तेग बहादुर जी ने आनंदपुर साहिब दी स्थापना वी कीती, जिस नू खालसे दे जन्म स्थान वजहों जानेया जाँदा है।
भारत विच औरंगजेब दे राज दौरान हर पासे जुल्म सी। हिंदुआं ते अत्याचार लगातार वध रहे सन अते भारी-भरकम, नवें-नवें टैक्साँ दे लागू होन ते बहुत सारे हिंदु इस्लाम कबूल करन ते मजबूर हो गये सन। औरंगजेब दे अत्याचारां दे उस दौर विच कश्मीर दे कुज पंडत मदद दी उम्मीद अते विश्वास नाल गुरु तेग बहादुर जी कोल पहुंचे अते उन्हां नू अपने ते हो रहे जुल्माँ दी कहानी सुनौंदे होये केहा कि हुण उन्हां कोल सिर्फ़ दो ही रस्ते बचे हन कि या तां असी अपना धर्म बदल लइये या अपना सिर कलम करवा दिता जावे।
उन्हां दा दर्द सुन के गुरु जी ने श्री गुरुनानक देव जी दियाँ सतरां दोहरांदे होये केहा,
जे तउ प्रेम खेलण का चाउ।
सिर धर तली गली मेरी आउ।।
इत मारग पैर धरो जै।
सिर दीजै कणि न कीजै।।
उन्हां केहा कि एह डर तां सरकार दा है, इसदी ताकत दा है, पर इस बाहरी डर तों वध साढे मन दा डर है। साढी आत्मिक शक्ति कमज़ोर हो गयी है। साढा आत्मविश्वास तबाह हो गया है अते इस ताकत नू प्राप्त कीते बिना एह समाज डर तों मुक्त नहीं होवेगा अते बिना डर तों मुक्त होये बिना एह समाज अन्याय अते जुल्म दा सामना वी नहीं कर सकेगा। उन्हांने केहा कि हमेशा साढे नाल रहन वाला परमात्मा ही सानू ताकत देवेगा ताकि असी बिना किसे डर दे अन्याय दा सामना कर सकिये। इक जीवन दी कुरबानी इस रस्ते कयी जीवन ल्यावेगी। लोकाँ नू एह गल समझ नहीं आयी अते उन्हांने पूछेया कि इन्हां हालाताँ विच उन्हां नू की करना चाहिदा है?
तद गुरु जी मुस्कराये अते केहा-तुसी लोक जाओ अते बादशाह नू दस्सो कि साढा पीर तेग बहादुर है, जेकर साढा पीर मुसलमान हो जाँदा है तां असीं सारे इस्लाम कबूल कर लवांगे।
जद कश्मीरी पंडिताँ ने एह सुनेहा औरंगजेब नू दिता तां औरंगजेब बहुत गुस्से विच आ गया। उसने गुरु तेग बहादुर जी नू दिल्ली बुलाया अते उन्हां नू अपने सब तों प्यारे चेलेयाँ मतिदास, दयालदास अते सतीदास समेत कैद कर लेया। उसने इन्हां तीनां चेलेयाँ नू केहा कि जेकर तुसीं इस्लाम मजहब कबूल नहीं करदे तां तुहानूं कत्ल कर दिता जावेगा। भाई मतिदास ने उस नूं जवाब दिता कि शरीर तां नाशवान है पर आत्मा नू कदे नहीं मारेया जा सकदा।
एह सुनके औरंगजेब ने मतिदास नू जिंदा ही दो फट्टेयाँ दे विच इक शिकंजा बना के बनेया अते उसदे सिर ते आरा रख के चीर दिता।
अगे भाई दयालदास दी वारी सी, औरंगजेब ने उस नू उबलदे तेल दे कड़ाहे विच सुट के बड़ी दर्दनाक मौत दे घाट उतार दिता। एसे तरहां भाई सतीदास नू उस ज़ालिम मुगल शासक ने बेरहमी दियाँ सारियाँ हदां पार करदे होये रूँ विच लपेट के जिंदा साड़न दा हुक्म दिता।
आखिरकार औरंगजेब दे हुक्म ते काजी ने गुरु तेग बहादुर जी नू केहा-हिंदुआं दे पीर! तुहाढे सामने सिर्फ तिन ही रस्ते हन-इस्लाम कबूल करो, करामात दिखाओ या मरन लयी तैयार हो जाओ। गुरु तेग बहादुर जी ने अन्याय अते अत्याचार दे अगे झुके बिना धर्म अते आदर्शां दी रक्षा करदे होये तीजे मारग नू चुनेया।
जालिम औरंगजेब दे हुक्म ते दिल्ली दे चांदनी चौक दे खुले मैदान विच इक वड्डे दरख्त हेठाँ जल्लाद ने ढूँगे ध्यान विच लीन गुरु तेग बहादुर दा सिर कलम कर दिता।
दिल्ली विच उस जगह ते, जित्थे गुरु तेग बहादुर जी ने अपनी कुरबानी दिती सी, हुन गुरुद्वारा शीशगंज साहिब स्थित है अते जिस स्थान उते उन्हां दा अंतिम संस्कार कीता गया, ओत्थे गुरुद्वारा रकाबगंज साहिब स्थित है। अपने पिता चादर ए हिन्द गुरु तेग बहादुर दी इस कुरबानी ते दशम गुरु गोबिंद सिंह जी ने लिखेया-
तिलक जंझू राखा प्रभु ताका।
कीनो बडो कलू महि साका।।
साधनि हेति इति जिनि करी।
सीसु दिया पर सी न उचरी।।
धर्म हेतु साका जिनि किया।
सीसु दिया पर सिररु न दिया।।
तथा प्रकट भए गुरु तेग बहादुर।
सगल स्रिस्ट पै ढापी चादर।।
गुरु तेग बहादुर जी दी शहादत बारे एह सतरां पंक्तियाँ दर्शाैंदियाँ हन कि किंवे गुरु जी ने धर्म लयी अपना सिर दिता पर अपने सिद्धांताँ नाल समझौता नहीं कीता। सारी सृष्टि दे भले लयी गुरु जी दा त्याग, हिम्मत अते धर्म दे प्रति उन्हां दी अटूट श्रद्धा सराहन जोग है।
-लेखक आकाशवाणी के पूर्व वरिष्ठ उद्घोषक व जाने-माने शायर हैं
